ಹೊಸ ಐಟಿಆರ್(ITR) ಅರ್ಜಿ: ನಿಮಗೆ ಗೊತ್ತಿರಬೇಕಾದ ಕೆಲ ಅಂಶಗಳು

ಆಧಾರ್ ಕಡ್ಡಾಯ

ಅರ್ಜಿ ಸಲ್ಲಿಕೆ ಸಂದರ್ಭದಲ್ಲಿ ತೆರಿಗೆದಾರರು ಆಧಾರ್ ನಂಬರ್ ಸಲ್ಲಿಸುವುದು ಕಡ್ಡಾಯವಾಗಿದೆ. ಇದರೊಂದಿಗೆ ಪ್ಯಾನ್‌ ಮತ್ತು ತೆರಿಗೆ ಪಾವತಿ ಮಾಹಿತಿ ಒದಗಿಸಬೇಕು. ಮೂಲದಲ್ಲಿಯೇ ತೆರಿಗೆ ಕಡಿತ ವಿವರ(ಟಿಡಿಎಸ್) ಸ್ವಯಂ ದಾಖಲಾಗಲಿದೆ.

ITR ನಲ್ಲಿ ಕೇವಲ 18 ಕಾಲಂ

ಐಟಿಆರ್-1 ಅರ್ಜಿಯಲ್ಲಿ ಈ ಹಿಂದೆ ಇದ್ದ ಅನೇಕ ಅನಗತ್ಯ ಕಾಲಂಗಳನ್ನು 2017-18ನೇ ಸಾಲಿನ ಆರ್ಥಿಕ ವರ್ಷದ ಹೊಸ ಅರ್ಜಿಯಲ್ಲಿ ಕೈಬಿಡಲಾಗಿದ್ದು, ಕೇವಲ 18 ಕಾಲಂ ಮಾತ್ರ ಉಳಿಸಿಕೊಳ್ಳಲಾಗಿದೆ ಎಂದು ತೆರಿಗೆ ಇಲಾಖೆ ತಿಳಿಸಿದೆ. ಐಟಿಆರ್ ವಿವರ ಸಲ್ಲಿಕೆ ಅರ್ಜಿಯಲ್ಲಿ ಕೆಲವು ಕಾಲಂಗಳನ್ನು ಮಾತ್ರ ಭರ್ತಿ ಮಾಡಬೇಕಾಗುತ್ತದೆ.

80ಸಿ, 80 ಡಿ ಕಾಲಂ

ತೆರಿಗೆ ಕಾಯಿದೆ ಸೆಕ್ಷನ್ 80C, 80D ಅಡಿಯಲ್ಲಿ ಜೀವವಿಮೆ, ಭವಿಷ್ಯನಿಧಿ, ಗೃಹಸಾಲ, ವೈದ್ಯಕೀಯ ವಿಮೆಗಳ ಮೇಲೆ ತೆರಿಗೆ ಕಡಿತ ಇಲ್ಲವೇ ತೆರಿಗೆ ವಿನಾಯಿತಿ ಪಡೆಯಲು ಈ ಮೊದಲಿದ್ದ 80C ಮತ್ತು 80 ಕಾಲಂ ಉಳಿಸಿಕೊಳ್ಳಲಾಗಿದೆ.

ಐಟಿಆರ್-4 ಮತ್ತು ಸುಗಮ

ಬಿಸಿನೆಸ್ ಆದಾಯ ಹೊಂದಿರದ ಹಿಂದು ಅವಿಭಜಿತ ಕುಟುಂಬ ಮತ್ತು ವ್ಯಕ್ತಿಗಳು ಐಟಿಆರ್1 ಸಹಜ, ಐಟಿಆರ್ 2 ಮತ್ತು 2ಎ ಮತ್ತು ಬಿಸಿನೆಸ್ ಆದಾಯ ಹೊಂದಿರುವವರು ಐಟಿಆರ್-4 ಸುಗಮ ಅರ್ಜಿ ಭರ್ತಿ ಮಾಡಬೇಕಾಗುತ್ತದೆ.

VIA ಕಾಲಂ

ಸಂಬಳ ಪಡೆಯುತ್ತಿರುವ ನೌಕರರು ತೆರಿಗೆ ಕಡಿತದ ಹೆಚ್ಚುವರಿ ಹಣ ಮರಳಿ ಪಡೆಯಲು ಭರ್ತಿ ಮಾಡುತ್ತಿದ್ದ VIA ಕಾಲಂ ಅನ್ನು ಹೊಸ ಐಟಿಆರ್ ಅರ್ಜಿಯಲ್ಲಿ ತೆಗೆದು ಹಾಕಲಾಗಿದೆ.