ಚೀನಾ ನಾಗರಿಕರಿಗೆ ಭರ್ಜರಿ ಟೋಪಿ ಹಾಕಿದ ನಕಲಿ ಬ್ಯಾಂಕ್
ನಕಲಿ ಬ್ಯಾಂಕ್ ವೊಂದು ಚೀನಾದ ನಾಗರಿಕರಿಗೆ ಬರೋಬ್ಬರಿ 200 ಜನರನ್ನು ವಂಚಿಸಿದೆ. ನಾಂಜಿಂಗ್ ಪ್ರದೇಶದ ನಕಲಿ ಬ್ಯಾಂಕ್ ಚೀನಾ ನಾಗರಿಕರಿಗೆ ಹೆಚ್ಚಿನ ಬಡ್ಡಿ ನೀಡುತ್ತೇನೆ ಎಂದು ಹೇಳಿ 32 ಮಿಲಿಯನ್ ಡಾಲರ್ ವಂಚನೆ ಮಾಡಿದೆ ಎಂದು ಬಿಬಿಸಿ ವರದಿಯೊಂದು ಹೇಳಿದೆ.
ನಕಲಿ ಸಿಬ್ಬಂದಿಗಳನ್ನು ಇಟ್ಟುಕೊಂಡಿದಲ್ಲದೇ ಕಚೇರಿಯೊಂದನ್ನು ಸ್ಥಾಪಿಸಿಕೊಂಡು ಜನರಿಗೆ ಅನುಮಾನ ಬಾರದಂತೆ ವ್ಯವಸ್ಥಿತವಾಗಿ ವಂಚನೆ ನಡೆಸಲಾಗಿದೆ.
ಅತಿ ಹೆಚ್ಚಿನ ಬಡ್ಡಿ ನೀಡುತ್ತೇನೆ ಎಂದು ನಕಲಿ ಬ್ಯಾಂಕ್ ಹೇಳಿತ್ತು. ಇದನ್ನು ನಂಬಿ ಅನೇಕರು ಹಣ ಹೂಡಿದ್ದರು. ಒಬ್ಬ ವ್ಯಕ್ತಿಯಂತೂ 1.9 ಮಿಲಿಯನ್ ಡಾಲರ್ ಹೂಡಿಕೆ ಮಾಡಿ ಕೈ ಸುಟ್ಟುಕೊಂಡಿದ್ದಾರೆ.
ಹಣ ಹೂಡಿದ ನಂತರ ಹೇಳಿದ್ದಷ್ಟು ಬಡ್ಡಿ ನೀಡದ ಕಾರಣ ಜನರು ತಮ್ಮ ಹಣ ವಾಸ್ ನೀಡುವಂತೆ ಕೇಳಿದ್ದರು. ಆದರೆ ಇದನ್ನು ನಕಲಿ ಬ್ಯಾಂಕ್ ಅಧಿಕಾರಿಗಳು ನಿರಾಕರಿಸಿದ್ದರು.
ತನಿಖೆಯ ನಂತರ ಒಂದೊಂದೆ ಸಂಗತಿಗಳು ಬಯಲಿಗೆ ಬಂದಿದ್ದು, ಬ್ಯಾಂಕ್ ಎಂದು ಹೇಳಿಕೊಳ್ಳುತ್ತಿರುವ ಸಂಸ್ಥೆ ಯಾವುದೇ ಪರವಾನಗಿಯನ್ನು ಪಡೆದಿರಲಿಲ್ಲ. ಗ್ರಾಮೀಣ ಮಟ್ಟದ ಕಾರ್ಪೋರೇಟಿವ್ ಬ್ಯಾಂಕ್ ತರಹದ ಲೆಕ್ಕ ಪತ್ರಗಳನ್ನು ಕಲೆಹಾಕಿತ್ತು. ಪ್ರಕರಣಕ್ಕೆ ಸಂಬಂಧಿಸಿ 5 ಜನರನ್ನು ಬಂಧಿಸಲಾಗಿದೆ ಎಂದು ಬಿಬಿಸಿ ತಿಳಿಸಿದೆ.