ಲಾರ್ಜ್ ಕ್ಯಾಪ್, ಮಿಡ್ ಕ್ಯಾಪ್ ಷೇರುಗಳ ಬಗ್ಗೆ ತಿಳಿದುಕೊಳ್ಳಿ

ಲಾರ್ಜ್ ಕ್ಯಾಪ್ ಷೇರು ಎಂದರೇನು?

ಹೆಸರೇ ಸೂಚಿಸುವಂತೆ ಕಂಪನಿಗಳ ವ್ಯವಹಾರ ದೊಡ್ಡ ಮಟ್ಟದಲ್ಲಿ ನಡೆಯತ್ತಿರುತ್ತದೆ. ಬಿಲಿಯನ್ ಲೆಕ್ಕಾಚಾರದಲ್ಲಿ ವಹಿವಾಟು ನಡೆಯುತ್ತಿರುವುದರಿಂದಲೇ ಲಾರ್ಜ್ ಕ್ಯಾಪ್ ಷೇರು ಎಂದು ಕರೆಸಿಕೊಂಡಿವೆ. ಐಟಿಸಿ, ರಿಲಯನ್ಸ್ ಇಂಡಸ್ಟ್ರೀಸ್, ಹಿಂದುಸ್ಥಾನ್ ಯುನಿಲಿವರ್, ಟಾಟಾದಂಥ ಬಹುದೊಡ್ಡ ಕಂಪನಿಗಳನ್ನು ಉದಾಹರಣೆಯಾಗಿ ನೀಡಬಹುದು.

ಮೊದಲಿಗೆ ಯಾವುದು ಲಾರ್ಜ್ ಕ್ಯಾಪ್ ಆಗಲ್ಲ

ಮಾರುಕಟ್ಟೆಗೆ ಕಾಲಿಟ್ಟಾಗ ಯಾವ ಕಂಪನಿ ಷೇರುಗಳು ಲಾರ್ಜ್ ಕ್ಯಾಪ್ ಆಗಿರಲ್ಲ. ನಂತರ ಅವುಗಳ ವ್ಯವಹಾರ ವಿಸ್ತರಿಸಿದಂತೆ ನಿಜ ಬಂಡವಾಳದಲ್ಲಿ ಏರಿಕೆ ಕಂಡುಕೊಳ್ಳುತ್ತವೆ.

ಮಿಡ್ ಕ್ಯಾಪ್ ಷೇರುಗಳ ಕತೆಯೇನು?

ಭಾರತದಲ್ಲಿ ಬಂಡವಾಳ ಹೂಡಿಕೆ ಪ್ರಮಾಣ ಅತೀ ಹೆಚ್ಚೂ ಇಲ್ಲ. ಅತೀ ಕಡಿಮೇನೂ ಇಲ್ಲ. ಹಾಗಾಗಿ ಮಧ್ಯಮ ಗಾತ್ರದ ಕಂಪನಿಗಳು ಹೇರಳವಾಗಿವೆ. ಎಬಿಬಿ, ಸೆಂಚುರಿ ಟೆಕ್ಸ್ ಟೈಲ್ಸ್, ಬಜಾಜ್ ಫೈನಾನ್ಸ್, ಗೋದ್ರೇಜ್ ಈ ರೀತಿಯ ನೂರಾರು ಕಂಪನಿಗಳ ಷೇರುಗಳನ್ನು ಮಿಡ್ ಕ್ಯಾಪ್ ವ್ಯಾಪ್ತಿಗೆ ಸೇರಿಸಬಹುದು. ಉಳಿದ ಷೇರುಗಳಿಗೆ ಹೋಲಿಸಿದರೆ ಮಿಡ್ ಕ್ಯಾಪ್ ಷೇರುಗಳ ವಹಿವಾಟಿನ ವೇಗ ಹೆಚ್ಚು. ಪ್ರತಿದಿನದ ವ್ಯವಹಾರದಲ್ಲಿ ಇದರ ಪಾಲು ಬಹಳ ದೊಡ್ಡದಾಗಿರುತ್ತದೆ

ಸ್ಮಾಲ್ ಕ್ಯಾಪ್ ಷೇರುಗಳು ಎಂದರೇನು?

ಮೇಲಿನ ಎರಡು ಷೇರುಗಳಿಗೆ ಹೋಲಿಸಿದರೆ ಮಾರುಕಟ್ಟೆಯಲ್ಲಿ ಇವುಗಳ ಪ್ರಮಾಣ ಅತ್ಯಲ್ಪ. ಇವು ಏರಿಕೆ ಮತ್ತು ಇಳಿಕೆಯನ್ನು ಸಹ ಅಷ್ಟೇ ವೇಗವಾಗಿ ಪಡೆದುಕೊಳ್ಳುತ್ತವೆ. ನೀವು ರಿಸ್ಕ್ ತೆಗೆದುಕೊಳ್ಳಲು ಬಯಸುವರಾದರೆ ಈ ಬಗೆಯ ಷೇರು ಖರೀದಿಗೆ ಮುಂದಾಗಬಹುದು.