ಡಾಲರ್ ಎದುರು ಮಂಡಿಯೂರಿದ ರುಪಾಯಿ

ಮುಂಬೈ, ಡಿಸೆಂಬರ್, 15: ಡಾಲರ್ ಎದುರು ರುಪಾಯಿ ಮಂಡಿಯೂರಿದೆ. ಸೋಮವಾರದ ಅಂತ್ಯಕ್ಕೆ ರುಪಾಯಿ ಎರಡು ವರ್ಷಗಳ ಹಿಂದಿನ ಮಟ್ಟಕ್ಕೆ ಕುಸಿದಿದೆ.
ಸೋಮವಾರ 21 ಪೈಸೆ ಕಳೆದೊಕೊಂಡ ರುಪಾಯಿ ಕಳೆದ ಎರಡು ವರ್ಷಗಳಲ್ಲೇ ಕನಿಷ್ಠ ಮಟ್ಟವಾದ 67.09 ಮಟ್ಟಕ್ಕೆ ತಲುಪಿದೆ. ಹಿಂದಿ ವಾರದ ಕೊನೆಗೆ ರುಪಾಯಿ ಮೌಲ್ಯ 66.88ರಷ್ಟಿತ್ತು.

ಶೇ 0.31ರಷ್ಟು ಅಪಮೌಲ್ಯಕ್ಕೆ ಒಳಗಾಗಿ ಕಳೆದ 27 ತಿಂಗಳಲ್ಲೇ ಕನಿಷ್ಠ ಮಟ್ಟಕ್ಕೆ ಇಳಿಯಿತು. ಅಮೆರಿಕದ ಫೆಡರಲ್ ಬ್ಯಾಂಕ್‌ ಬಡ್ಡಿ ದರ ಹೆಚ್ಚಿಸಲಿದೆ ಎಂಬ ವಿಶ್ಲೇಷಣೆಯಿಂದ ಜಾಗತಿಕ ಹಣಕಾಸು ಮಾರುಕಟ್ಟೆಗಳಲ್ಲಿ ಅಸ್ಥಿರತೆ ಮೂಡಿಸಿದೆ. ಇದರಿಂದಾಗಿ ಷೇರು ಮಾರುಕಟ್ಟೆ ಸಹ ಕುಸಿತ ಕಂಡಿದೆ.[ಪ್ರಕೃತಿ ಮುನಿಸಿಂದ ಆರ್ಥಿಕ ಸಂಕಷ್ಟ ತಪ್ಪಿಸಿಕೊಳ್ಳಲು 5 ಉಪಾಯ]

ಇನ್ನೊಂದೆಡೆ ಡಾಲರ್‌ಗೆ ಬೇಡಿಕೆ ಹೆಚ್ಚಿದೆ. ಈ ಎಲ್ಲ ಸಂಗತಿಗಳು ರೂಪಾಯಿ ಅಪಮೌಲ್ಯಕ್ಕೆ ಕಾರಣವಾಗಿವೆ. 2015ರಲ್ಲಿ ಇದುವರೆಗೆ ರೂಪಾಯಿ ಡಾಲರ್‌ ವಿರುದ್ಧ ಶೇ 5.90ರಷ್ಟು ಅಪಮೌಲ್ಯಕ್ಕೆ ಒಳಗಾಗಿದೆ.[ಜಿಎಸ್‌ಟಿ ಬಿಲ್ ಪಾಸಾದರೆ ಯಾವ ಷೇರುಗಳಿಗೆ ಲಾಭ?]

ಷೇರು ಮಾರುಕಟ್ಟೆ ಸಹ ಕಳೆದ ಕೆಲ ದಿನಗಳಿಂದ ಅಲ್ಲೋಲ ಕಲ್ಲೋಲಕ್ಕೆ ಒಳಗಾಗಿತದ್ದು ಹೂಡಿಕೆದಾರರು ನಷ್ಟ ಅನುಭವಿಸುತ್ತಲೇ ಇದ್ದಾರೆ. ರಿಸರ್ವ್ ಬ್ಯಾಂಕ್ ಮತ್ತು ಆರ್ಥಿಕ ಇಲಾಖೆ ರುಪಾಯಿ ಅಪಮೌಲ್ಯ ತಡೆಯಲು ಮಧ್ಯ ಪ್ರವೇಶ ಮಾಡುವ ಸಂಭವವಿದೆ.