ವಿಪ್ರೋ ಕಂಪನಿಯ ಮುಖ್ಯ ಅಧಿಕಾರಿ ರಾಜಿನಾಮೆ

ವಿಪ್ರೋ ಸಂಸ್ಥೆಯ ಮುಖ್ಯ ಕಲಿಕಾ ಅಧಿಕಾರಿ (chief learning officer) ಅಭಿಜಿತ್ ಭಾದುರಿ ರಾಜಿನಾಮೆ ನೀಡಿದ್ದಾರೆ. ಮೂಲಗಳ ಪ್ರಕಾರ ಅಭಿಜಿತ್ ಭಾದುರಿ ಸ್ವಂತ ಎಕ್ಸಿಕ್ಯೂಟಿವ್ ಕೋಚಿಂಗ್ ಕಂಪನಿಯನ್ನು ಪ್ರಾರಂಭಿಸಲಿದ್ದಾರೆ.

ಅಭಿಜಿತ್ ಭಾದುರಿ ವಿಪ್ರೋ ಸಂಸ್ಥೆಯ ಜಾಗತಿಕ 100 ಪ್ರೋಗ್ರಾಂ ನಂತಹ ಅನೇಕ ಯೋಜನೆಗಳ ನೇತೃತ್ವವನ್ನು ವಹಿಸಿದ್ದರು.
ಇವರು ವಿಪ್ರೋದೊಂದಿಗೆ 7 ವರ್ಷಗಳ ಕಾಲ ಇದ್ದರು. ಹೊಸ ಯುಗದ ಅಸಾಂಪ್ರದಾಯಿಕ ತರಬೇತಿ ವಿಧಾನಗಳನ್ನು ಅನುಸರಿಸುವಲ್ಲಿ ಯಶಸ್ವಿಯಾಗಿದ್ದರು.

2009ರಿಂದ ವಿಪ್ರೋದಲ್ಲಿ ಭಾದುರಿ ಕೆಲಸ ಮಾಡಿದ್ದರು. ಮೈಕ್ರೊಸಾಫ್ಟ್ ನಲ್ಲಿ ಎಚ್ಆರ್ ನಿರ್ದೇಶಕರಾಗಿ ಕಾರ್ಯನಿರ್ವಹಿಸಿದ್ದರು. ಜತೆಗೆ ಫೆಪ್ಸಿಕೋ, ಕೋಲ್ಗೆಟ್, ಮುದ್ರಾ ಕಮ್ಯೂನಿಕೇಷನ್ ಕಂಪನಿಗಳಲ್ಲಿ ಕೆಲಸ ಮಾಡಿದ್ದರು.