For Quick Alerts
For Daily Alerts
ಜಿಎಸ್ಟಿ ವಿನಾಯಿತಿ ವಹಿವಾಟಿನ ಗರಿಷ್ಠ ಮಿತಿ 20 ಲಕ್ಷ
|
ವ್ಯಾಪಾರಸ್ಥರ ವಹಿವಾಟಿನ ಗರಿಷ್ಠ ವಿನಾಯಿತಿ ಮಿತಿಯನ್ನು ರೂ. 20 ಲಕ್ಷಕ್ಕೆ ನಿಗದಿಪಡಿಸಲಾಗಿದೆ. ಈಶಾನ್ಯ ರಾಜ್ಯಗಳಿಗೆ ಹೊರತುಪಡಿಸಿ ಎಲ್ಲ ರಾಜ್ಯಗಳಿಗೆ ಇದು ಅನ್ವಯವಾಗಲಿದೆ. ಈಶಾನ್ಯ ರಾಜ್ಯಗಳಿಗೆ ಈ ಮಿತಿ ರೂ. 10 ಲಕ್ಷಕ್ಕೆ ನಿಗದಿಯಾಗಲಿದೆ ಎಂದು ಸರಕು ಮತ್ತು ಸೇವಾ ತೆರಿಗೆ ಮಂಡಳಿ ನಿರ್ಧರಿಸಿದೆ.
ಸರಕು ಮತ್ತು ತೆರಿಗೆ ಮಸೂದೆ ಜಾರಿ ನಿಟ್ಟಿನಲ್ಲಿ ಇದೊಂದು ಮಹತ್ವದ ಹೆಜ್ಜೆಯಾಗಲಿದೆ. ವಾರ್ಷಿಕ ರೂ. 20 ಲಕ್ಷದಷ್ಟು ವಹಿವಾಟು ನಡೆಸುವ ವ್ಯವಹಾರಸ್ಥರನ್ನು ಸರಕು ಮತ್ತು ಸೇವಾ ತೆರಿಗೆಯಿಂದ ಹೊರಗಿಡಲು ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳು ಒಮ್ಮತಕ್ಕೆ ಬಂದಿವೆ ಎಂದು ಹಣಕಾಸು ಸಚಿವ ಅರುಣ್ ಜೇಟ್ಲಿ ಹೇಳಿದರು.
ಸೆಪ್ಟಂಬರ್ 30ರಂದು ನಡೆಯಲಿರುವ ಸಭೆಯಲ್ಲಿ ವಿನಾಯಿತಿಗಳ ಜಾರಿ ಕುರಿತಾಗಿ ಕರಡನ್ನು ಅಂತಿಮಗೊಳಿಸಿ, ಅಕ್ಟೊಬರ್ 17ರಿಂದ ಮೂರು ದಿನಗಳ ಕಾಲ ನಡೆಯಲಿರುವ ಜಿಎಸ್ಟಿ ಮಂಡಳಿ ಸಭೆಯಲ್ಲಿ ತೆರಿಗೆ ದರಗಳನ್ನು ನಿಗದಿಗೊಳಿಸಲಾಗುವುದು.
English summary