ರಿಲಾಯನ್ಸ್ ಜಿಯೊ ಎಫೆಕ್ಟ್ ವೋಡಾಫೋನ್ 10GB ಡೇಟಾ ಆಫರ್
ದೂರಸಂಪರ್ಕ ಸೇವೆಗಳನ್ನು ಒದಗಿಸುವ ದೇಶದ ಪ್ರಮುಖ ಟೆಲಿಕಾಂ ಕಂಪನಿಗಳಲ್ಲಿ ಒಂದಾದ ವೋಡಾಫೋನ್ ಕಂಪನಿ 10GB ಡೇಟಾವನ್ನು ಮೂರು ತಿಂಗಳ ಅವಧಿಗೆ ಘೋಷಿಸಿದೆ.
4G ಹ್ಯಾಂಡ್ ಸೆಟ್ ಗಳನ್ನು ಹೊಂದಿರುವವರು 10GB ಡೇಟಾ ಸೇವೆಗಳನ್ನು 3 ತಿಂಗಳ ಅವಧಿವರೆಗೆ ಪಡೆಯಬಹುದು ಎಂದು ಕಂಪನಿ ಹೇಳಿದೆ. BSNL ಉಚಿತ ಕರೆ ಮತ್ತು ನೆಟ್ ಪ್ಯಾಕ್, ಜಿಯೊಗೆ ಸವಾಲು
1. ರಿಲಾಯನ್ಸ್ ಜಿಯೊ ಎಫೆಕ್ಟ್
ರಿಲಾಯನ್ಸ್ ಜಿಯೊ ಸುನಾಮಿಗೆ ಸಿಲುಕಿರುವ ಟೆಲಿಕಾಂ ಸಂಸ್ಥೆಗಳು ಅನೇಕ ಉಚಿತ ಆಫರ್ ಗಳನ್ನು ನೀಡಲು ಮುಂದಾಗುತ್ತಿವೆ. ಏರ್ಟೆಲ್, ಐಡಿಯಾ, ಬಿಎಸ್ಎನ್ಎಲ್ ಕಂಪನಿಗಳ ಸಾಲಿನಲ್ಲಿ ಈಗ ವೋಡಾಫೋನ್ ಸೇರಿದೆ.
2. 4G ಸ್ಮಾರ್ಟ್ ಫೋನ್
ಕಳೆದ 6 ತಿಂಗಳು ಯಾರು ವೋಡಾಫೋನ್ ನೆಟ್ವರ್ಕ್ ಬಳಸಿರುವುದಿಲ್ಲವೋ ಅದನ್ನು ಹೊಸ 4G ಸ್ಮಾರ್ಟ್ ಫೋನ್ ಎಂದು ವೋಡಾಫೋನ್ ವ್ಯಾಖ್ಯಾನಿಸಿದೆ.
3. 1GB ಬೆಲೆಗೆ 10GB
4G ಹ್ಯಾಂಡ್ ಸೆಟ್ ಸಂಪರ್ಕದೊಂದಿಗೆ 1GB ಡೇಟಾ ವೆಚ್ಚದಲ್ಲಿ 10GB ಡೇಟಾವನ್ನು ಪಡೆಯಬಹುದು. ಅಂದರೆ 1GB ಡೇಟಾವನ್ನು ಖರೀದಿಸಿದರೆ 9GB ಡೇಟಾ ಉಚಿತವಾಗಿ ಪಡೆಯಬಹುದಾಗಿದೆ. ಈ 10GB ಡೇಟಾ ಮೂರು ತಿಂಗಳವರೆಗೆ ಆನಂದಿಸಬಹುದು.
4. ಡಿಸೆಂಬರ್ 31 ರವರೆಗೆ ಆಫರ್
ವೋಡಾಫೋನಿನ 3G ಮತ್ತು 4G ಸೇವೆಗಳು ಲಭ್ಯವಿರುವ ವಲಯಗಳಲ್ಲಿ ಈ ಆಫರ್ ಪಡೆಯಬಹುದು. ಪ್ರಿಪೇಡ್ ಮತ್ತು ಪೋಸ್ಟ್ ಪೇಡ್ ಗ್ರಾಹಕರು ಈ ಸೌಲಭ್ಯವನ್ನು ಡೆಸೆಂಬರ್ 31ರವರೆಗೆ ಪಡೆಯಬಹುದಾಗಿದೆ.
5. ಲಭ್ಯ ವಲಯಗಳು
ದೆಹಲಿ, ಮುಂಬೈ, ಕೊಲ್ಕತ್ತಾ ವಲಯಗಳಲ್ಲಿ ವೋಡಾಫೋನ್ ಚಂದಾದಾರರು 1gb ಡೇಟಾ ರೀಚಾರ್ಜ್ ಮಾಡಿದರೆ ೯ಜಿಬಿ ಹೆಚ್ಚುವರಿ ಡೇಟಾವನ್ನು ಪಡೆಯಲಿದ್ದಾರೆ. ಇದು 4g ನೆಟ್ವರ್ಕ್ ಗೆ ಮಾತ್ರ ಸೀಮಿತವಾಗಿದೆ.
6. 3G ಡೇಟಾ
ಉತ್ತರ ಪ್ರದೇಶ (ಪಶ್ಚಿಮ, ಉತ್ತರ ಪ್ರದೇಶ (ಪೂರ್ವ, ಹರಿಯಾಣ, ಕರ್ನಾಟಕ, ಗುಜರಾತ್,ರಾಜಸ್ಥಾನ, ಪಶ್ಚಿಮ ಬಂಗಾಳ, ಕೇರಳ, ತಮಿಳುನಾಡು, ಮಹಾರಾಷ್ಟ್ರ, ಗೋವಾ, ಅಸ್ಸಾಂ, ಈಶಾನ್ಯ ರಾಜ್ಯಗಳಲ್ಲಿ ವೊಡಾಫೋನ್ ಚಂದಾದಾರರು ಹೆಚ್ಚುವರಿ 9GB ಡೇಟಾ ಸೌಲಭ್ಯವನ್ನು 12am ನಿಂದ 6am ಅವಧಿವರೆಗೆ 3G ಡೇಟಾವನ್ನು ಪಡೆಯಬಹುದಾಗಿದೆ.
7. ವೋಡಾಫೋನ್ ಸೂಚನೆ
1GB ಡೇಟಾ ಪ್ಯಾಕ್(ರೂ.250 ಮತ್ತು ಅದಕ್ಕಿಂತಲೂ ಹೆಚ್ಚು) ಕನಿಷ್ಟ 28 ದಿನಗಳಿಗೆ ರೀಚಾರ್ಜ್ ಮಾಡುವವರಿಗೆ 1+9GB ಡೇಟಾ ಆಫರ್ ಅನ್ವಯವಾಗಲಿದೆ ಎಂದು ಕಂಪನಿ ತಿಳಿಸಿದೆ. ಮಲ್ಟಿಪಲ್ ಆಫರ್ ಗಳನ್ನು ಸಂಯೋಜಿಸಲು ಸಾಧ್ಯವಿಲ್ಲ.