ಫೆಬ್ರವರಿಗೆ ನಗದು ಪೂರೈಕೆ ಯಥಾಸ್ಥಿತಿಗೆ: ಎಸ್ಬಿಐ

ದೇಶದಲ್ಲಿ ಫೆಬ್ರವರಿ ಅಂತ್ಯದ ವೇಳೆಗೆ ನಗದು ಪೂರೈಕೆ ಸಮಸ್ಥಿತಿಗೆ ಮರಳಲಿದ್ದು, ನಗದು ಸಮಸ್ಯೆ ದೂರಾಗಲಿದೆ ಎಂದು ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯ ವರದಿ ಮಾಡಿದೆ.

ಹಳೆ 500, 1000 ನೋಟುಗಳ ರದ್ದತಿ ನಂತರ ದೇಶದಲ್ಲಿ ಆರ್ಥಿಕ ಬಿಕ್ಕಟ್ಟು ಎದುರಾಗಿ ಸಾರ್ವಜನಿಕರು ಪರದಾಡುವಂತಾಗಿತ್ತು.

ರೂ. 500 ಹೊರತು ಪಡಿಸಿ ನಗದು ಪೂರೈಕೆಗಾಗಿ ಸಾಕಷ್ಟು ಪ್ರಮಾಣದ ನೋಟುಗಳನ್ನು ಆರ್ಬಿಐ ಮುದ್ರಣ ಮಾಡುತ್ತಿದೆ. ಈಗಿನಂತೆಯೇ ಆರ್ಬಿಐ ನೋಟು ಮುದ್ರಣ ಮಾಡುತ್ತಿದ್ದರೆ ಜನೆವರಿ ಕೊನೆಯಲ್ಲಿ ಶೇ. 67ರಷ್ಟು ಕರೆನ್ಸಿ ಬದಲಾಯಿಸಬಹುದು. ಇದೇ ವೇಗ ಮುಂದುವರೆದರೆ ಫೆಬ್ರವರಿ ಅಂತ್ಯದಲ್ಲಿ ಶೇ. 89ರಷ್ಟು ಹೊಸ ಕರೆನ್ಸಿ ಆರ್ಬಿಐ ಪೂರೈಸಲಿದೆ ಎಂದು ಹೇಳಿದೆ.