ಟಾಟಾ ಸನ್ಸ್ ಮುಂದಿನ ಅಧ್ಯಕ್ಷ ಯಾರು?
ಭಾರತೀಯ ಕಾರ್ಪೊರೇಟ್ ರಂಗದ ದಿಗ್ಗಜ ಉದ್ಯಮ ಟಾಟಾ ಸನ್ಸ್ ಅಧ್ಯಕ್ಷ ಸ್ಥಾನದಿಂದ ಸೈರಸ್ ಮಿಸ್ತ್ರಿ ವಜಾ ನಂತರ ಮುಂದಿನ ಅಧ್ಯಕ್ಷ ಯಾರಾಗಬಹುದು ಎಂಬ ಚರ್ಚೆ ಹಾಗೂ ಊಹೆಗಳು ತುಂಬಾ ಜೋರಾಗಿ ನಡೆದಿತ್ತು.
ಭಾರತೀಯ ಕಾರ್ಪೊರೇಟ್ ರಂಗದ ದಿಗ್ಗಜ ಉದ್ಯಮ ಟಾಟಾ ಸನ್ಸ್ ಅಧ್ಯಕ್ಷ ಸ್ಥಾನದಿಂದ ಸೈರಸ್ ಮಿಸ್ತ್ರಿ ವಜಾ ನಂತರ ಮುಂದಿನ ಅಧ್ಯಕ್ಷ ಯಾರಾಗಬಹುದು ಎಂಬ ಚರ್ಚೆ ಹಾಗೂ ಊಹೆಗಳು ತುಂಬಾ ಜೋರಾಗಿ ನಡೆದಿತ್ತು.
ಈ ಹಿನ್ನೆಲೆಯಲ್ಲಿ ಅಧ್ಯಕ್ಷ ಗಾದಿ ಯಾರಿಗೆ ಎಂಬ ಕುತೂಹಲಕ್ಕೆ ಇನ್ನೂ ಕೆಲವೆ ಕ್ಷಣಗಳಲ್ಲಿ ತೆರೆ ಬೀಳಲಿದ್ದು, ಮುಂದಿನ ಅಧ್ಯಕ್ಷ ಯಾರು ಎಂಬ ಪ್ರಶ್ನೆಗೆ ಉತ್ತರ ಸಿಗಲಿದೆ. ಜಾಗತಿಕ ದೈತ್ಯ ಕಂಪನಿ ಟಾಟಾ ಗ್ರೂಪ್ ಮುನ್ನಡೆಸಲು ಎಂತಹ ನಾಯಕ ಬೇಕು ಎಂಬುದನ್ನು ಪ್ರತಿಯೊಬ್ಬರೂ ಊಹಿಸಬಲ್ಲರು. ಅವರಿಗೆ ಅಂತರಾಷ್ಟ್ರೀಯ ಮಾರುಕಟ್ಟೆಯ ಜ್ಞಾನ, ಟಾಟಾ ಸಮೂಹದ ತತ್ವಗಳನ್ನು ಅರಿಯುವ ಸಾಮರ್ಥ್ಯ ಹಾಗೂ ಹೆಚ್ಚಿನ ಸಮಗ್ರತೆ, ಸಮರ್ಪಣೆ ಇವೆಲ್ಲವೂ ಅಗತ್ಯವಾಗಿ ಇರಬೇಕಾಗುತ್ತದೆ. ಏಕೆಂದರೆ ಟಾಟಾ ಸಮೂಹ ಜಗತ್ತಿನಾದ್ಯಂತ ತನ್ನ ವ್ಯಾಪಕ ಜಾಲವನ್ನು ಹೊಂದಿದ್ದು, ಜಾಗ್ವಾರ್ ಲ್ಯಾಂಡ್ರೋವರ್ ಅಪರೇಷನ್ಸ್ ಮತ್ತು ಯೂರೋಪಿನ ಕೋರಸ್ ನಂತಹ ಪ್ರಸಿದ್ದ ಕಂಪನಿಗಳೊಂದಿಗೆ ಗಮನಾರ್ಹ ಉಪಸ್ಥಿತಿ ಹೊಂದಿದೆ.
ಎನ್ ಚಂದ್ರಶೇಖರನ್
ಎನ್ ಚಂದ್ರಶೇಖರನ್ ಟಿಸಿಎಸ್ ಸಿಇಒ ಆಗಿದ್ದು, ಅನೇಕ ಕಾರಣಗಳಿಂದ ಅಧ್ಯಕ್ಷ ಗಾದಿಗೆ ನೆಚ್ಚಿನ ವ್ಯಕ್ತಿಯೆನಿಸಿದ್ದಾರೆ. ಅತ್ಯಂತ ಲಾಭದಾಯಕ ಕಂಪನಿಯೆನಿಸಿರುವ ಟಿಸಿಎಸ್ ನ ಮುಖ್ಯಸ್ಥರಾಗಿರುವ ಇವರು ಇನ್ನು ಯಂಗ್ ಆಂಡ್ ಎನರ್ಜಿಟಿಕ್ ಆಗಿದ್ದು, ಹೆಚ್ಚಿನ ಸಮಗ್ರತೆಯನ್ನು ತರಬಲ್ಲ ವ್ಯಕ್ತಿ. ಕಳೆದ ಅನೇಕ ವರ್ಷಗಳಿಂದ ಟಿಸಿಎಸ್ ನಲ್ಲಿ ಕಾರ್ಯನಿರ್ವಹಿಸುತ್ತಿರುವುದರಿಂದ ಟಾಟಾ ಗ್ರೂಪ್ ಚೆನ್ನಾಗಿ ಬಲ್ಲರು.
ಪ್ರಸಕ್ತ ಹಣಕಾಸು ವರ್ಷದ ಮೂರನೇ ಅಕ್ಟೋಬರ್-ಡಿಸೆಂಬರ್ ತ್ರೈಮಾಸಿಕದ ಅವಧಿಯಲ್ಲಿ ಟಿಸಿಎಸ್ ರೂ. 6778 ಕೋಟಿ ನಿವ್ವಳ ಲಾಭ ಗಳಿಸಿದೆ.