ಷೇರುಪೇಟೆಯಲ್ಲಿ ಗೂಳಿ ಓಟ, 332 ಅಂಕ ಏರಿಕೆ
ಕೇಂದ್ರ ಬಜೆಟ್ ಮಂಡನೆ ಹತ್ತಿರವಾಗುತ್ತಿರುವಂತೆ ದೇಶಿಯ ಷೇರುಮಾರುಕಟ್ಟೆಯಲ್ಲಿ ಗೂಳಿಯ ಓಟ ಏರುಮುಖವಾಗಿ ಸಾಗಿದೆ. ಇಂದು ಚೇತರಿಕೆ ಕಂಡಿರುವ ಮಾರುಕಟ್ಟೆ 332.56 ಅಂಕಗಳೊಂದಿಗೆ ದಿನ ವಹಿವಾಟನ್ನು ಮುಗಿಸಿದೆ.
ಕೇಂದ್ರ ಬಜೆಟ್ ಮಂಡನೆ ಹತ್ತಿರವಾಗುತ್ತಿರುವಂತೆ ದೇಶಿಯ ಷೇರುಮಾರುಕಟ್ಟೆಯಲ್ಲಿ ಗೂಳಿಯ ಓಟ ಏರುಮುಖವಾಗಿ ಸಾಗಿದೆ. ಇಂದು ಚೇತರಿಕೆ ಕಂಡಿರುವ ಮಾರುಕಟ್ಟೆ 332.56 ಅಂಕಗಳೊಂದಿಗೆ ದಿನ ವಹಿವಾಟನ್ನು ಮುಗಿಸಿದೆ.
ಕಳೆದ ಮೂರು ತಿಂಗಳಲ್ಲಿ ಇದು ಅತ್ಯಂತ ಹೆಚ್ಚಿನ ಏರಿಕೆಯಾಗಿದ್ದು, ಹೂಡಿಕೆದಾರರ ಮೊಗದಲ್ಲಿ ಸಂತಸ ಮೂಡಿದೆ.
ಎನ್ಎಸ್ಇ ಸೂಚ್ಯಂಕ 126.95 ಅಂಕಗಳೊಂದಿಗೆ 8,602.75 ಅಂಶಗಳಲ್ಲಿ ಅಂತ್ಯ ಕಂಡಿದ್ದರೆ, ಬಿಎಸ್ಇ ಸೂಚ್ಯಂಕ 332.56 ಅಂಕಗಳಲ್ಲಿ 27,708.14 ಅಂಶಗಳಲ್ಲಿ ದಿನದ ವಹಿವಾಟನ್ನು ಮುಗಿಸಿದೆ. ಏಷಿಯಾದ ಷೇರು ಮಾರುಕಟ್ಟೆಯಲ್ಲಿನ ಸಕಾರಾತ್ಮಕ ವಹಿವಾಟು ದೇಶಿ ಷೇರುಮಾರುಕಟ್ಟೆ ಏರಿಕೆಗೆ ಕಾರಣ ಎನ್ನಲಾಗಿದೆ.
ಎಚ್ಡಿಎಫ್ಸಿ(+ 4.31%), ಅದಾನಿ ಪೋರ್ಟ್(+ 3.61%), ಹೀರೋ ಮೋಟಾರ್ ಕಾರ್ಪೋರೇಶನ್(+ 3.42%), ಎಕ್ಸಿಸ್ ಬ್ಯಾಂಕ್(+ 2.76%) ಮತ್ತು ಕೋಲ್ ಇಂಡಿಯಾ (+ 2.13%) ಇಂದಿನ ಸೆನ್ಸೆಕ್ಸ್ ಲಾಭದಾರರಾಗಿದ್ದು, ವಿಪ್ರೋ(-1.59%), ಭಾರ್ತಿ ಏರ್ಟೆಲ್(-1.52%), ರಿಲಯನ್ಸ್(-1.06%), ಸನ್ ಫಾರ್ಮಾ(-0.94%) ಮತ್ತು ಇನ್ಫೋಸಿಸ್(0.89%) ನಷ್ಟ ಅನುಭವಿಸಿವೆ.