ಶೀಘ್ರದಲ್ಲೇ 10 ರೂಪಾಯಿ ಹೊಸ ನೋಟು ಚಲಾವಣೆಗೆ

ಹೆಚ್ಚು ಸುರಕ್ಷತಾ ಲಕ್ಷಣಗಳನ್ನು ಹೊಂದಿರುವ ಹೊಸ 10 ರುಪಾಯಿ ನೋಟುಗಳನ್ನು ಶೀಘ್ರದಲ್ಲಿ ಬಿಡುಗಡೆ ಮಾಡುವುದಾಗಿ ಆರ್​ಬಿಐ ಹೇಳಿದೆ.

ಮಹಾತ್ಮಾ ಗಾಂಧಿ ಸರಣಿ-2005ರ ನೋಟುಗಳಂತೆ ಹೊಸ 10 ರುಪಾಯಿ ನೋಟುಗಳಲ್ಲಿ ಸಂಖ್ಯೆಗಳ ಜತೆ 'L' ಅಕ್ಷರ ಇರಲಿದೆ. ಆರ್​ಬಿಐ ಗವರ್ನರ್ ಉರ್ಜಿತ್ ಪಟೇಲ್ ಅವರ ಸಹಿ ಹಾಗೂ ಮುದ್ರಣ ವರ್ಷ 2017 ಎಂದಿರಲಿದೆ. ನೋಟಿನ ಎರಡೂ ಬದಿಯಲ್ಲಿರುವ ಸಂಖ್ಯೆಗಳ ಗಾತ್ರ ಬದಲಿಸಲಾಗುವುದು.

ಪ್ರಸ್ತುತ ಚಲಾವಣೆಯಲ್ಲಿರುವ ಹಳೆ 10 ರುಪಾಯಿ ನೋಟುಗಳು ರದ್ದಾಗುವುದಿಲ್ಲ, ಅವುಗಳು ಕೂಡ ಚಲಾವಣೆಯಲ್ಲಿರಲಿವೆ. ಶೀಘ್ರದಲ್ಲೇ ಹೊಸ ನೋಟುಗಳೂ ಸಹ ಚಲಾವಣೆಗೆ ಬಿಡುಗಡೆ ಮಾಡಲಾಗುವುದು ಎಂದು ಆರ್​ಬಿಐ ಪ್ರಕಟಣೆಯಲ್ಲಿ ತಿಳಿಸಿದೆ.