ವಿಪ್ರೋ 600 ಉದ್ಯೋಗಿಗಳ ವಜಾ
ದೇಶದ ಮೂರನೇ ಅತಿದೊಡ್ಡ ಮಾಹಿತಿ ತಂತ್ರಜ್ಞಾನ ಸೇವಾ ಸಂಸ್ಥೆ ವಿಪ್ರೊ, ವಿವಿಧ ಹುದ್ದೆಗಳಲ್ಲಿದ್ದ 600 ಉದ್ಯೋಗಿಗಳನ್ನು ವಜಾ ಮಾಡಿದೆ.
ದೇಶದ ಮೂರನೇ ಅತಿದೊಡ್ಡ ಮಾಹಿತಿ ತಂತ್ರಜ್ಞಾನ ಸೇವಾ ಸಂಸ್ಥೆ ವಿಪ್ರೊ, ವಿವಿಧ ಹುದ್ದೆಗಳಲ್ಲಿದ್ದ 600 ಉದ್ಯೋಗಿಗಳನ್ನು ವಜಾ ಮಾಡಿದೆ.
ಕಂಪನಿಯ ವಾರ್ಷಿಕ ಮೌಲ್ಯಮಾಪನ ಪ್ರಕ್ರಿಯೆ ಅಡಿಯಲ್ಲಿ ಈ ನಿರ್ಧಾರ ಕೈಗೊಂಡಿದ್ದು, ಉದ್ಯೋಗಿಗಳಿಗೆ ಪಿಂಕ್ ಸ್ಲಿಪ್ ನೀಡಿದೆ. ವಜಾಗೊಂಡವರಲ್ಲಿ ಬಹುತೇಕ ಉದ್ಯೋಗಿಗಳು ಉನ್ನತ ಹುದ್ದೆಯಲ್ಲಿದ್ದವರಾಗಿದ್ದು, ಕನಿಷ್ಠ 10 ವರ್ಷ ಕೆಲಸ ಮಾಡಿದ ಅನುಭವ ಹೊಂದಿದ್ದಾರೆ. ಉದ್ಯೋಗ ಕಳೆದುಕೊಳ್ಳುವ ಭಯವೆ? ಹಾಗಿದ್ದರೆ ಈ 'ಜಾಬ್ ಲಾಸ್ ವಿಮೆ' ನಿಮಗಾಗಿ!
ವಜಾ 2000ಕ್ಕೆ ಏರಬಹುದು
ಮೂಲಗಳ ಪ್ರಕಾರ ವಿಪ್ರೊ ಈಗಾಗಲೇ 600 ಜನರಿಗೆ ಬಾಗಿಲು ಮುಚ್ಚಿಸಿದ್ದು, ವಜಾಗೊಳ್ಳುವವರ ಸಂಖ್ಯೆ 2000ಕ್ಕೆ ಏರುವ ಸಾಧ್ಯತೆ ಇದೆ ಎಂಬ ಊಹಾಪೋಹಗಳಿವೆ.
ಕಂಪನಿ ಸ್ಪಷ್ಟನೆ
ಉದ್ಯೋಗಿಗಳನ್ನು ವಜಾಗೊಳಿಸುವುದು ವಾರ್ಷಿಕ ಪ್ರಕ್ರಿಯೆಯ ಭಾಗವಾಗಿದೆ. ಉತ್ತಮ, ದಕ್ಷ ಕಾರ್ಯಕ್ಷಮತೆ ಇಲ್ಲದವರನ್ನು ಸಂಸ್ಥೆ ತೆಗೆದು ಹಾಕಿದೆ ಎಂದು ಸ್ಪಷ್ಟನೆ ನೀಡಿದೆ.
ವಜಾ ಎಫೆಕ್ಟ್
ವ್ಯವಸ್ಥಿತ ಮತ್ತು ಸಮಗ್ರ ಪ್ರದರ್ಶನ ಮೌಲ್ಯಮಾಪನ ಪ್ರಕ್ರಿಯೆ ಕೈಗೊಳ್ಳುವುದರಿಂದ ಉದ್ಯೋಗಿಗಳನ್ನು ಉತ್ತಮ ಮಾರ್ಗದರ್ಶನ, ಪುನರ್ ತರಬೇತಿ, ಉನ್ನತ ಕೌಶಲ್ಯ ಪಡೆಯಲು ಪ್ರಚೋಧಿಸುತ್ತದೆ. ಕಂಪೆನಿಯ ಸಮಗ್ರ ಕಾರ್ಯಕ್ಷಮತೆ ಮೌಲ್ಯಮಾಪನ ಪ್ರಕ್ರಿಯೆಯು ನೌಕರರ ಮಾರ್ಗದರ್ಶನ, ಮರು-ತರಬೇತಿ ಮತ್ತು ಉತ್ಕೃಷ್ಟತೆಯನ್ನು ಒಳಗೊಂಡಿರುತ್ತದೆ ಎಂದು ವಿಪ್ರೊ ಹೇಳಿದೆ.
1.79 ಲಕ್ಷ ಉದ್ಯೋಗಿಗಳು
ಡಿಸೆಂಬರ್ 2016ರ ಕೊನೆಯಲ್ಲಿ ಬೆಂಗಳೂರು ಮೂಲದ ಕಂಪನಿ ಒಟ್ಟು 1.79 ಲಕ್ಷ ಉದ್ಯೋಗಿಗಳನ್ನು ಹೊಂದಿತ್ತು.