ಆಧಾರ್ ನೊಂದಿಗೆ ಪ್ಯಾನ್‌ ಜೋಡಣೆ ಕಡ್ಡಾಯ

ಆದಾಯ ತೆರಿಗೆ ಇಲಾಖೆಯು ಆಧಾರ್ ನೊಂದಿಗೆ ಪ್ಯಾನ್‌ ನಂಬರ್ ಜೋಡಿಸುವುದಕ್ಕಾಗಿ ತನ್ನ ವೆಬ್ಸೈಟ್ ತಾಣದಲ್ಲಿ ಸೌಲಭ್ಯ ಕಲ್ಪಿಸಿದೆ.
ಐ.ಟಿ ರಿಟರ್ನ್ಸ್ ಲೆಕ್ಕಪತ್ರ ಸಲ್ಲಿಸಲು ಆಧಾರ್ ಜತೆ ಪ್ಯಾನ್‌ ಜೋಡಣೆ ಕಲ್ಪಿಸುವುದು ಕಡ್ಡಾಯವಾಗಿದೆ.

ತೆರಿಗೆದಾರರನ್ನು ಗುರುತಿಸುವ ಈ ಎರಡೂ ದಾಖಲಾತಿಗಳೊಂದಿಗೆ ಸಂಪರ್ಕ ಕಲ್ಪಿಸಲು ತೆರಿಗೆ ಇಲಾಖೆ ಅಂತರ್ಜಾಲ ತಾಣ https://incometaxindiaefiling.gov.in ದಲ್ಲಿ ನೂತನ ಸಂಪರ್ಕ ಕೊಂಡಿ ಕಲ್ಪಿಸಿದೆ. ಈ ಹೊಸ ಸೌಲಭ್ಯದ ಮೂಲಕ ಸುಲಭವಾಗಿ ಪ್ರಕ್ರಿಯೆ ಪೂರ್ಣಗೊಳಿಸಬಹುದು.

ಪಾವತಿದಾರರು ಪ್ಯಾನ್‌ ಮತ್ತು ಆಧಾರ್ ಕಾರ್ಡುಗಳಲ್ಲಿ ನಮೂದಾಗಿರುವ ಸಂಖ್ಯೆ, ಹೆಸರನ್ನು ತಪ್ಪಿಲ್ಲದೇ ದಾಖಲಿಸಬೇಕು. ಒಂದು ವೇಳೆ ಆಧಾರ್ ಕಾರ್ಡ್‌ ಹೆಸರು ಹೊಂದಾಣಿಕೆಯಾಗದಿದ್ದರೆ ಒಟಿಪಿ(OTP) ಬಳಸಬೇಕಾಗುತ್ತದೆ.