ಪಿಪಿಎಫ್ ನಲ್ಲಿ ಹಣ ಹೂಡಿಕೆ ಬೇಡವೆನ್ನಲು 5 ಕಾರಣ

ಹಣ ಹಿಂತೆಗೆಯುವಂತಿಲ್ಲ

ನೀವು ಪಿಪಿಎಫ್ ನಲ್ಲಿ ಒಮ್ಮೆ ಹಣ ತೊಡಗಿಸಿದರೆ ಮುಗಿಯಿತು. ಏಳು ವರ್ಷದ ಅವಧಿ ಮುಗಿಯುವವರೆಗೆ ಅದನ್ನು ಹಿಂದಕ್ಕೆ ಪಡೆಯಲು ಸಾಧ್ಯವಿಲ್ಲ. ಏಳು ವರ್ಷದ ನಂತರ ನೀವು ಶೇ.50 ರಷ್ಟು ಹಣವನ್ನು ಮಾತ್ರ ವಾಪಸ್ ಪಡೆಯಬಹುದು. ಅಲ್ಲದೇ ಹಣ ತೊಡಗಿಸಿ ಮೂರು ವರ್ಷ ಕಳೆದ ಮೇಲೆಯೇ ನೀವು ಸಾಲ ಸೌಲಭ್ಯಕ್ಕೆ ಅರ್ಹರಾಗುತ್ತಿರಿ. ಒಟ್ಟಿನಲ್ಲಿ ಇಲ್ಲಿ ಎಷ್ಟೇ ಹಣ ಹೂಡಿಕೆ ಮಾಡಿದರೂ ಮರುಪಾವತಿ ಮತ್ತು ಸವಲತ್ತು ಕಡಿಮೆ ಎಂದೇ ಹೇಳಬಹುದು.

ಮರೆಯಾದ ಅವಿಭಕ್ತ ಕುಟುಂಬಗಳು

ಅದೊಂದು ಕಾಲವಿತ್ತು. ಹಿಂದು ಅವಿಭಕ್ತ ಕುಟುಂಬಗಳು ಮತ್ತು ಟ್ರಸ್ಟ್ ಗಳು ಪಿಪಿಎಫ್ ನಲ್ಲಿ ಹಣ ಹೂಡಿಕೆ ಮಾಡುವುದನ್ನೇ ಸಂಪ್ರದಾಯ ಮಾಡಿಕೊಂಡಿದ್ದವು. ಆದರೆ ಇಂದು ಪರಿಸ್ಥಿತಿ ಬದಲಾಗಿ ಪಿಪಿಎಫ್ ಜನಪ್ರಿಯತೆ ಕಳೆದುಕೊಳ್ಳುತ್ತಿದ್ದು ಜನ ಬೇರೆ ರೀತಿಯಲ್ಲಿ ಹಣ ತೊಡಗಿಸಲು ಯೋಚಿಸುತ್ತಿದ್ದಾರೆ.

ಜಾಯಿಂಟ್ ಅಕೌಂಟ್ ಇಲ್ಲ

ಪಿಪಿಎಫ್ ನಲ್ಲಿ ಜಾಯಿಂಟ್ ಅಕೌಂಟ್ ತೆರೆಯಲು ಅವಕಾಶವಿಲ್ಲ. ಮೈನರ್ ಹೆಸರಿಗೆ ಹಣ ಇಡುವುದಾರೆ ನಾಮಿನೇಶನ್ ಮಾಡಬೇಕಾಗುತ್ತದೆ. ಅವರು ಮೇಜರ್ ಆಗುವವರೆಗೆ ಬೇರೆ ಯಾವುದೋ ಬದಲಾವಣೆಗಳಾಗಿದ್ದರೆ ಇದು ಕಾನೂನು ಸಮಸ್ಯೆ ಹುಟ್ಟಿಕೊಳ್ಳಲು ಕಾರಣವವಾಗಬಹುದು

ಎನ್ನಾರೈಗಳಿಗಿಲ್ಲ ಅವಕಾಶ

ಅನಿವಾಸಿ ಭಾರತೀಯರು ಹೊಸ ಪಿಪಿಎಫ್ ಅಕೌಂಟ್ ತೆರೆಯಲು ಸಾಧ್ಯವಿಲ್ಲ. ಆದರೆ ನೀವು ಭಾರತದಲ್ಲಿದ್ದಾಗಲೇ ಖಾತೆ ತೆರೆದಿದ್ದು ನಂತರ ವಿದೇಶಕ್ಕೆ ತೆರಳಿದರೆ ವ್ಯವಹಾರ ಮುಂದುವರಿಸಬಹುದು. ಅಲ್ಲದೇ ಆದಾಯ ತೆರಿಗೆ ಲಾಭವನ್ನು ಪಡೆಯಬಹುದು.

ಹಣ ಹೂಡಿಕೆಗೆ ಮಿತಿಯಿದೆ

ನೀವು ವರ್ಷಕ್ಕೆ 1.5 ಲಕ್ಷ ರೂ.ಗಿಂತ ಅಧಿಕ ಹಣವನ್ನುಮ ಪಿಪಿಎಫ್ನಲ್ಲಿ ಹೂಡಿಕೆ ಮಾಡುವಂತಿಲ್ಲ. ಅಲ್ಲದೇ ಕಳೆದ ಬಜೆಟ್ ನಲ್ಲಿ ಇದನ್ನು ಹೆಚ್ಚಿಗೆ ಮಾಡಲಾಗಿದೆ. ಮೊದಲು ಇದರ ಮಿತಿ ಕೇವಲ 1 ಲಕ್ಷ ರೂ. ಇತ್ತು.