For Quick Alerts
ALLOW NOTIFICATIONS  
For Daily Alerts

ಶಿಕ್ಷಣ ಸಾಲವನ್ನು ಪಡೆಯುವ ಮುನ್ನ ಇಲ್ಲೊಮ್ಮೆ ನೋಡಿ.. ತಪ್ಪದೇ ಈ ಸಂಗತಿ ಪರಿಗಣಿಸಿ

"ಶಿಕ್ಷಣವು ಯಶಸ್ವೀ ಜೀವನಕ್ಕೆ ಕೀಲಿಕೈ ಇದು ನಮ್ಮ ಭವಿಷ್ಯವನ್ನು ನಿರ್ಧರಿಸುತ್ತದೆ" ಅಂತಾರೆ. ಆದರೆ ಅತ್ಯಂತ ದುಬಾರಿಯಾಗಿರುವ ಇಂತಹ ಶಿಕ್ಷಣವು ವಿದ್ಯಾಕಾಂಕ್ಷಿಗಳಿಗೆ ಕೈಗೆಟುಕುವುದು ಬಹಳ ಕಷ್ಟವಾಗಿದೆ. ಅದನ್ನು ಎಟುಕಿಸಿಕೊಳ್ಳುಲು ಶಿಕ್ಷಣ ಸಾಲ

|

"ಶಿಕ್ಷಣವು ಯಶಸ್ವೀ ಜೀವನಕ್ಕೆ ಕೀಲಿಕೈ ಇದು ನಮ್ಮ ಭವಿಷ್ಯವನ್ನು ನಿರ್ಧರಿಸುತ್ತದೆ" ಅಂತಾರೆ. ಆದರೆ ಅತ್ಯಂತ ದುಬಾರಿಯಾಗಿರುವ ಇಂತಹ ಶಿಕ್ಷಣವು ವಿದ್ಯಾಕಾಂಕ್ಷಿಗಳಿಗೆ ಕೈಗೆಟುಕುವುದು ಬಹಳ ಕಷ್ಟವಾಗಿದೆ. ಅದನ್ನು ಎಟುಕಿಸಿಕೊಳ್ಳುಲು ಶಿಕ್ಷಣ ಸಾಲವು ಬಹು ಸಹಕಾರಿಯಾಗಿದೆ. ಆದರೆ ಸಾಲ ತೆಗೆದುಕೊಳ್ಳುವುದರಿಂದ ಹಿಡಿದು ಮರುಪಾವತಿ ಮಾಡುವ ತನಕ ಎಲ್ಲೂ ಏನೂ ಅಡ್ಡಿ ಆತಂಕಗಳು ಬರದಂತೆ ಎಚ್ಚರಿಕೆವಹಿಸುವುದು ಬಹಳ ಮುಖ್ಯ. ಇಂದಿನ ಹೆಜ್ಜೆ ಸರಿಯಾಗಿಟ್ಟರೆ ನಾಳೆಯು ಸುಗಮವಾಗಿರುತ್ತದೆ. ಈ ನಿಟ್ಟಿನಲ್ಲಿ, ನಿಮಗಾಗಿ ಕೆಲವು ಉಪಯುಕ್ತ ಮಾಹಿತಿಗಳು ಇಲ್ಲಿವೆ ನೋಡಿ.

 

ಪ್ರಮುಖ ಸಂಗತಿಗಳು

ಪ್ರಮುಖ ಸಂಗತಿಗಳು

ಶಿಕ್ಷಣದ ವ್ಯವಹಾರವು ದಶಕದ ಹಿಂದೆ ಇದ್ದಂತೆ ಈಗಿಲ್ಲ. ಅದರಲ್ಲೂ ಉನ್ನತ ಶಿಕ್ಷಣವಂತೂ ಬಹಳ ದುಬಾರಿಯಾಗಿದೆ. ಭಾರತದ ಕೆಲವು ಕಾಲೇಜುಗಳಲ್ಲಿ ಉನ್ನತ ಶಿಕ್ಷಣ ಹೊಂದಲು ಎಂಟರಿಂದ ಹತ್ತು ಲಕ್ಷ ರೂಪಾಯಿಗಳು ಬೇಕಾಗುತ್ತದೆ. ಇದೇ ಹೀಗಾದಲ್ಲಿ, ಇನ್ನು ವಿದೇಶಕ್ಕೆ ಹೋಗಿ ಅಧ್ಯಯನ ಮಾಡುವುದಂತೂ ಕಷ್ಟಸಾಧ್ಯವಾಗಿದೆ. ವಿದೇಶದ ವಿದ್ಯಾಭ್ಯಾಸವಂತೂ ಬಹಳ ತುಟ್ಟಿಯಾಗಿದೆ. ಹೀಗಾಗಿ ಎಷ್ಟೋ ಜನ ವಿದ್ಯಾಪೇಕ್ಷಿಗಳ ಪಾಲಿಗೆ ಶಿಕ್ಷಣವು ಮರೀಚಿಕೆಯಾಗುತ್ತಿದೆ. ಅದೇನೇ ಇರಲಿ, ಶಿಕ್ಷಣವನ್ನು ಹೊಂದಲೇಬೇಕೆಂಬ ಹಂಬಲವಿರುವವರಿಗೆ ಶಿಕ್ಷಣ ಸಾಲಗಳು ಒಂದು ಉತ್ತಮ ಮಾರ್ಗವೇ ಸರಿ. ವಿದ್ಯಾರ್ಥಿಗಳ ವಿದ್ಯಾಭ್ಯಾಸದ ಬಯಕೆಯನ್ನು ಪೂರೈಸುವಲ್ಲಿ ಬ್ಯಾಂಕುಗಳು ನೆರವಿಗೆ ಬರುತ್ತಿದೆ. ಆದರೆ ಒಂದು ಬ್ಯಾಂಕಿನ ಬಡ್ಡಿದರಗಳಿಗೂ, ಇನ್ನೊಂದು ಬ್ಯಾಂಕಿನ ಬಡ್ಡಿದರಗಳಿಗೂ ವ್ಯತ್ಯಾಸಗಳಿರುತ್ತವೆ. ಹೀಗಾಗಿ, ಕೆಲವೊಮ್ಮೆ ಉತ್ತಮವಾದ ಆಯ್ಕೆಯನ್ನು ಗುರುತಿಸುವಲ್ಲಿ ಗೊಂದಲ ಮತ್ತು ಕಷ್ಟಗಳು ತಲೆದೋರುತ್ತವೆ. ಶಿಕ್ಷಣ ಸಾಲವನ್ನು ತೆಗೆದುಕೊಳ್ಳುವ ಮೊದಲು ಯಾವಾಗಲೂ ಗಮನದಲ್ಲಿಟ್ಟುಕೊಳ್ಳಬೇಕಾದ ಕೆಲವು ವಿಷಯಗಳಿವೆ. ಉದಾಹರಣೆಗೆ ಎಚ್. ಆರ್. ಡಿ ಸಚಿವಾಲಯವು ಒದಗಿಸಿರುವ ಕೇಂದ್ರ ಸರ್ಕಾರದ ಬಡ್ಡಿ ಸಬ್ಸಿಡಿ ಯೋಜನೆಯು ಆರ್ಥಿಕವಾಗಿ ದುರ್ಬಲರಾಗಿರುವ ವಿದ್ಯಾರ್ಥಿಗಳಿಗಾಗಿ ಅನುದಾನಿತ ದರದಲ್ಲಿ ಶಿಕ್ಷಣ ಸಾಲವನ್ನು ಪಡೆಯುವಲ್ಲಿ ಸಹಾಯ ಮಾಡಿ ಕೊಡುತ್ತಿದೆ. ಭಾರತದಲ್ಲಿ ಗುರುತಿಸಲ್ಪಟ್ಟ ವೃತ್ತಿಪರ ಮತ್ತು ತಾಂತ್ರಿಕ ವಿಶ್ವವಿದ್ಯಾಲಯಗಳಿಗೆ ಮತ್ತು ಕೋರ್ಸ್ ಅನ್ನು ಪೂರ್ಣಗೊಳಿಸಿದ ವಿದ್ಯಾರ್ಥಿಗಳಿಗೆ ಮಾತ್ರ ಈ ಸಬ್ಸಿಡಿ ಲಭ್ಯವಿದೆ. ವಿದ್ಯಾರ್ಥಿಗಳು ತಮ್ಮ ನಾನಾ ರೀತಿಯ ಕೋರ್ಸ್ ಗಳಿಗೆ ವಿಭಿನ್ನ ಬ್ಯಾಂಕುಗಳಿಂದ ಶಿಕ್ಷಣ ಸಾಲಗಳನ್ನು ಪಡೆಯಬಹುದಾಗಿದೆ.

ಯಾವ ಶಿಕ್ಷಣ ಸಾಲ ಉತ್ತಮ ಎನ್ನುವುದಕ್ಕಿಂತ ನಮಗೆ ಮತ್ತು ನಮ್ಮ ಕೋರ್ಸ್ ಗಳಿಗೆ ಅನುಗುಣವಾದ ಶಿಕ್ಷಣ ಸಾಲ ಯಾವುದು ಎಂದು ತಿಳಿದುಕೊಂಡು ಮುಂದಕ್ಕೆ ಹೆಜ್ಜೆ ಹಾಕುವುದೇ ಸಮಂಜಸವಾಗಿದೆ. ಶಿಕ್ಷಣ ಸಾಲವನ್ನು ಪಡೆದು ಕೊಳ್ಳುವ ಮೊದಲು ನಿಮಗೆ ಸಹಾಯವಾಗುವಂತಹ ಸಲಹೆಗಳು ನಿಮಗಾಗಿ ಇಲ್ಲಿವೆ ನೋಡಿ...

ನಿಮ್ಮ ಕೋರ್ಸ್ ಗೆ ಸಾಲ ಲಭ್ಯವಿದೆಯೇ?
 

ನಿಮ್ಮ ಕೋರ್ಸ್ ಗೆ ಸಾಲ ಲಭ್ಯವಿದೆಯೇ?

ನೀವು ಕೋರ್ಸ್ ಮತ್ತು ಕಾಲೇಜ್ ನಿರ್ಧರಿಸುವುದಕಿಂತ ಮೊದಲು ಅದಕ್ಕೆ ಶಿಕ್ಷಣ ಸಾಲ ದೊರೆಯುವುದೇ ಎಂದು ಮೊದಲು ಖಚಿತಪಡಿಸಿಕೊಳ್ಳಿ. ನಿಮಗೆ ಆ ಸಾಲ ದೊರೆಯುವುದರಲ್ಲಿ ಯಾವುದೇ ಅನುಮಾನವಿಲ್ಲ ಎಂಬುದು ಖಾತ್ರಿಯಾದ ನಂತರ ಮಾತ್ರ ಮುಂದುವರೆಯಿರಿ. ಅದಕ್ಕೆ ಬೇಕಾದ ಕಾಗದ ಪತ್ರಗಳನ್ನು ಸಿದ್ಧಪಡಿಸಿಕೊಳ್ಳಿ. ಆಗ ಕಾರ್ಯವಿಧಾನಗಳಲ್ಲಿ ನಿಮಗೆ ಯಾವುದೇ ಅಡೆತಡೆಗಳು ಉಂಟಾಗುವುದಿಲ್ಲ. ಅಷ್ಟೇ ಅಲ್ಲದೆ, ಕಾರ್ಯ ಗತಿಯು ಶೀಘ್ರ ಮತ್ತು ಸಲೀಸಾಗಿರುತ್ತದೆ. ದಾಖಲೆಗಳು ಸಂಪೂರ್ಣ ಮತ್ತು ಸೂಕ್ತವಾಗಿದ್ದಲ್ಲಿ ಸಾಲಗಾರನ ವಿಶ್ವಾಸಾರ್ಹತೆಯೂ ಹೆಚ್ಚಾಗುತ್ತದೆ ಹಾಗೂ ಸಾಲವು ಬಹುಬೇಗ ಅಂಗೀಕೃತವಾಗುತ್ತದೆ.

ಡೌನ್ ಪೇಮೆಂಟ್

ಡೌನ್ ಪೇಮೆಂಟ್

ಶಿಕ್ಷಣ ಸಾಲವನ್ನು ತೆಗೆದುಕೊಳ್ಳುವ ಮುನ್ನ ನಿಮಗೆ ಡೌನ್ ಪೇಮೆಂಟ್ ಮಾಡಲು ಸಾಕಷ್ಟು ಹಣವಿದೆ ಎಂಬುದನ್ನು ಖಚಿತಪಡಿಸಿಕೊಳ್ಳಿ. ನೀವು 4 ಲಕ್ಷದೊಳಗೆ ಸಾಲವನ್ನು ತೆಗೆದುಕೊಂಡರೆ ಡೌನ್ ಪೇಮೆಂಟ್ ಮಾಡುವ ಅವಶ್ಯಕತೆಯಿಲ್ಲ. ನೀವೇನಾದರೂ 4 ಲಕ್ಷಕ್ಕೂ ಮೇಲ್ಪಟ್ಟು ಸಾಲವನ್ನು ತೆಗೆದುಕೊಳ್ಳುತ್ತಿರುವ ಪಕ್ಷದಲ್ಲಿ ಆ ಮೊತ್ತದ 5 % ಹಣವನ್ನು ಮುಂಗಡವಾಗಿಯೇ ಕಟ್ಟಬೇಕಾಗುತ್ತದೆ. ಅದೇನಾದರೂ ಅಂತರಾಷ್ಟ್ರೀಯ ಅಧ್ಯಯನದ ಸಾಲವಾದಲ್ಲಿ ಡೌನ್ ಪೇಮೆಂಟ್ 15% ಮಾಡಬೇಕಾಗುತ್ತದೆ. ಕೆಲವು ಬ್ಯಾಂಕುಗಳು ಡೌನ್ ಪೇಮೆಂಟ್ ಅನ್ನು ಕಂತುಗಳಲ್ಲಿ ಪಾವತಿಸಲು ಕೂಡ ಅವಕಾಶ ನೀಡಿದೆ. ಆದುದರಿಂದ ನಿಮಗೆ ಸೂಕ್ತವಾದದ್ದು ಏನು ಎಂಬುದನ್ನು ಖಚಿತಪಡಿಸಿಕೊಳ್ಳಿ.

ನಿಮ್ಮ ಮಿತಿಗಳನ್ನು ತಿಳಿದುಕೊಳ್ಳಿ

ನಿಮ್ಮ ಮಿತಿಗಳನ್ನು ತಿಳಿದುಕೊಳ್ಳಿ

ಶಿಕ್ಷಣ ಸಾಲವನ್ನು ತೆಗೆದುಕೊಳ್ಳುವಾಗ ನೀವು ಗರಿಷ್ಠ ಮಿತಿಯ ಸಾಲವನ್ನು ತೆಗೆದುಕೊಳ್ಳಬಹುದು. ಒಂದು ವೇಳೆ ನಿಮ್ಮ ಅಧ್ಯಯನವು ಕಡಿಮೆ ಮೊತ್ತದಲ್ಲೇ ಪೂರ್ಣಗೊಳ್ಳುವ ಸಾಧ್ಯತೆಗಳಿದ್ದರೆ, ಯಾವಾಗಲೂ ಕನಿಷ್ಠ ಮೊತ್ತ ಎಷ್ಟು ಬೇಕೋ ಅಷ್ಟು ಮಾತ್ರ ಸಾಲ ತೆಗೆದುಕೊಳ್ಳುವುದು ಉತ್ತಮ. ಇದರಿಂದ ಸಾಲವನ್ನು ನೀವು ಬೇಗ ಮರುಪಾವತಿಸಲು ಸಹಾಯವಾಗುತ್ತದೆ. ಅದಷ್ಟೇ ಅಲ್ಲದೆ ಭವಿಷ್ಯದಲ್ಲಿ ನೀವು ಸಂಪಾದಿಸುವ ಹಣವನ್ನು ಉಳಿತಾಯ ಮಾಡಿಟ್ಟುಕೊಳ್ಳಲೂ ನಿಮಗಿದು ಸಹಕರಿಸುತ್ತದೆ.

ಭಾರತೀಯ ಮತ್ತು ಅಂತರಾಷ್ಟ್ರೀಯ ಶಿಕ್ಷಣದ ನಡುವಿನ ವ್ಯತ್ಯಾಸ ಅರಿಯಿರಿ

ಭಾರತೀಯ ಮತ್ತು ಅಂತರಾಷ್ಟ್ರೀಯ ಶಿಕ್ಷಣದ ನಡುವಿನ ವ್ಯತ್ಯಾಸ ಅರಿಯಿರಿ

ಭಾರತೀಯ ಮತ್ತು ಅಂತರಾಷ್ಟ್ರೀಯ ಅಧ್ಯಯನವೆರಡಕ್ಕೂ ಬ್ಯಾಂಕುಗಳು ಶಿಕ್ಷಣ ಸಾಲವನ್ನು ನೀಡುತ್ತವೆ. ಭಾರತದಲ್ಲಿ ಮಾಡುವ ಅಧ್ಯಯನಗಳಿಗೆ 10 ಲಕ್ಷ ರೂಪಾಯಿಗಳ ಗರಿಷ್ಠ ಸಾಲ ಮತ್ತು ಅಂತರರಾಷ್ಟ್ರೀಯ ಅಧ್ಯಯನಗಳಿಗೆ 20 ಲಕ್ಷ ರೂಪಾಯಿಗಳ ಗರಿಷ್ಠ ಸಾಲ ದೊರೆಯುತ್ತಿದೆ.
ನೀವು ಆಯ್ಕೆ ಮಾಡಿಕೊಂಡಿರುವ ಕಾಲೇಜು ಅಥವಾ ಶಿಕ್ಷಣ ಸಂಸ್ಥೆಯು ಯಾವುದಾದರೂ ಬ್ಯಾಂಕುಗಳೊಂದಿಗೆ ಸೇರಿಕೊಂಡು ಸಂಬಂಧ ಹೊಂದಾಣಿಕೆ (ಟೈ ಅಪ್) ಮಾಡಿಕೊಂಡಿದೆಯೇ ಎಂಬುದನ್ನು ತಿಳಿದುಕೊಳ್ಳಿ. ಹಾಗಿದ್ದಲ್ಲಿ ಇದು ನಿಮ್ಮ ಕೆಲಸವನ್ನು ಸರಾಗವಾಗಿಸುತ್ತದೆ.

ಮರುಪಾವತಿ

ಮರುಪಾವತಿ

ಶಿಕ್ಷಣ ಸಾಲದ ಪ್ರಮುಖ ಲಾಭವೆಂದರೆ ಮರುಪಾವತಿಯ ಸೂಚನೆ ಅವಧಿ. ನಿಮ್ಮ ಕೋರ್ಸ್ ಮುಗಿದು ಆರು ತಿಂಗಳು ಅಥವಾ ಒಂದು ವರ್ಷವಾದರೂ ನೀವು ಬ್ಯಾಂಕ್ ಗೆ ಮರುಪಾವತಿಸುವ ಅವಶ್ಯಕತೆಯಾಗಲೀ, ತರಾತುರಿಯಾಗಲಿ, ಚಿಂತೆಯಾಗಲಿ ಇಲ್ಲ. ಇದರಿಂದ ನಿಮಗೆ ಒಂದು ಒಳ್ಳೆಯ ಯೋಗ್ಯವಾದ ಕೆಲಸವನ್ನು ಹುಡುಕಿಕೊಳ್ಳಲು ಸಾಕಷ್ಟು ಸಮಯ ಸಿಗುತ್ತದೆ. ಶಿಷ್ಟ ವೇತನ ನಿಮಗೆ ದೊರಕಲು ಶುರುವಾದ ನಂತರ ಸಾಲವನ್ನು ಮರು ಪಾವತಿಸಬಹುದು. ಅಲ್ಲದೆ, ಮರುಪಾವತಿಯ ಅವಧಿಯು ಐದರಿಂದ ಏಳು ವರ್ಷಗಳ ವರೆಗೆ ಇದ್ದು ನಿಮಗೆ ಸಂಪೂರ್ಣ ಮರುಪಾವತಿ ಮಾಡಲು ಸಾಕಷ್ಟು ಸಮಯ ಸಿಗುತ್ತದೆ. ಆದರೆ ನಿಮ್ಮ ಕೋರ್ಸ್ ನಿಮಗೆ ಉತ್ತಮ ಕೆಲಸವನ್ನು ದೊರಕುವಲ್ಲಿ ಸಹಕಾರಿಯಾ ಎಂಬುದನ್ನು ಖಾತರಿಪಡಿಸಿಕೊಳ್ಳಿ. ಇಲ್ಲದಿದ್ದಲ್ಲಿ, ನೀವು ಸಾಲವನ್ನು ತೀರಿಸಲು ಸಾಧ್ಯವಾಗುವುದಿಲ್ಲ.

ಸಾಲ ಪಾವತಿಸಲು ಸಾಧ್ಯವಾಗದಿದ್ದಲ್ಲಿ

ಸಾಲ ಪಾವತಿಸಲು ಸಾಧ್ಯವಾಗದಿದ್ದಲ್ಲಿ

ಒಂದು ವೇಳೆ, ನೀವು ಸಾಲವನ್ನು ಮರುಪಾವತಿಸಲು ಸಾಧ್ಯವಾಗದಿದ್ದರೆ ಅದರ ಪರಿಣಾಮಗಳು, ಆಗು ಹೋಗುಗಳು ಏನೆಂದು ತಿಳಿದುಕೊಳ್ಳಿ. ಕೆಲವೊಮ್ಮೆ ನಿಮಗೆ ಸಾಲವನ್ನು ಮರುಪಾವತಿಸಲು
ಸಾಧ್ಯವಾಗದಿದ್ದಲ್ಲಿ ನೀವು ನಿಮ್ಮ ಪರಿಸ್ಥಿತಿ ಬಗ್ಗೆ ಸಾಲಗಾರನಿಗೆ ತಿಳಿಸಿ ಹೇಳಿದರೆ ಅವರು ನಿಮಗೆ ಮರುಪಾವತಿಸಲು ಇನ್ನೂ ಹೆಚ್ಚಿನ ಸಮಯವನ್ನು ನೀಡುವ ಸಾಧ್ಯತೆಗಳಿರುತ್ತದೆ. ಎಲ್ಲಾ ಸಮಯದಲ್ಲೂ ಇದು ಹೀಗೇ ನಡೆಯುತ್ತದೆ ಎಂದು ಹೇಳಲಿಕ್ಕಾಗುವುದಿಲ್ಲ. ಖಾತರಿದಾರರು ಇದ್ದರೆ ಅವರು ನಿಮ್ಮ ಪರವಾಗಿ ಸಾಲವನ್ನು ಮರುಪಾವತಿ ಮಾಡಬೇಕಾಗುತ್ತದೆ. ಆದರೆ, ಇಲ್ಲಿ ಗಮನದಲ್ಲಿಟ್ಟುಕೊಳ್ಳಬೇಕಾದ ಇನ್ನೊಂದು ಅಂಶವೆಂದರೆ ಸಾಲವನ್ನು ಮರುಪಾವತಿಸುವಲ್ಲಿ ನೀವೇನಾದರೂ ಅಸಮರ್ಥರಾದರೆ, ಇದು ನಿಮ್ಮ ಕ್ರೆಡಿಟ್ ಸ್ಕೋರ್ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ. ನೀವು ಭವಿಷ್ಯದಲ್ಲಿ ಯಾವುದೇ ರೀತಿಯ ಸಾಲ ತೆಗೆದುಕೊಳ್ಳಬೇಕಾಗಿ ಬಂದಲ್ಲಿ ಇದು ಅಡ್ಡಿಮಾಡುತ್ತದೆ. ಇದರಿಂದಾಗಿ ನೀವು ದಾಪುಗಾಲು ಹಾಕುವುದು ಕಷ್ಟವಾಗುತ್ತದೆ.

ಕೊನೆಮಾತು

ಕೊನೆಮಾತು

ಆದರೆ, ನಾವಿಲ್ಲಿ ಹೇಳಿರುವ ಪ್ರತಿಯೊಂದು ಅಂಶಗಳನ್ನು ನೀವು ಗಮನದಲ್ಲಿಟ್ಟುಕೊಂಡು ಹೆಜ್ಜೆಯಿಟ್ಟರೆ ಯಶಸ್ವಿಯಾಗಿ ಮುನ್ನಡೆಯುತ್ತೀರಿ ಎಂಬುದರಲ್ಲಿ ಯಾವುದೇ ಸಂದೇಹವಿಲ್ಲ. ಈ ಮಾಹಿತಿಗಳಿಂದ ನೀವು ಸುಲಭವಾಗಿ ಸಮರ್ಪಕವಾದ ಸಾಲದ ಆಯ್ಕೆಯನ್ನು ಮಾಡಿ ಸರಾಗವಾಗಿ ಅದನ್ನು ಮರುಪಾವತಿ ಮಾಡುವಲ್ಲಿ ಯಶಸ್ಸು ಕಾಣುತ್ತೀರಿ ಎಂದು ಆಶಿಸುತ್ತೇವೆ.

English summary

Which things you need to know before taking an Education Loan

Seven things to remember before you take an education loan
Story first published: Wednesday, May 30, 2018, 10:50 [IST]
Company Search
COVID-19
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X