For Quick Alerts
ALLOW NOTIFICATIONS  
For Daily Alerts

ಷೇರು ಮಾರ್ಕೆಟ್ ಹೂಡಿಕೆಗೆ ಸೂಕ್ತವಲ್ಲದ "ಮನಸ್ಥಿತಿಯವರು" ಇವರು

By ಅನಿಲ್ ಆಚಾರ್
|

ಸರಿಯಾದ ಸಮಯಕ್ಕೆ ಅಗತ್ಯವಾದ ಮಾಹಿತಿ ಇದ್ದರೆ ಸಾಕು, ಷೇರು ಮಾರ್ಕೆಟ್ ನಲ್ಲಿ ಯಶಸ್ವಿ ಆಗಬಹುದು. ಈಗಿನ ಇಂಟರ್ ನೆಟ್ ಯುಗದಲ್ಲಿ ಮಾಹಿತಿ ಎಂಬುದು ದುಬಾರಿ ಏನಲ್ಲ. ಆದರೂ ಸಾಮಾನ್ಯ ಹೂಡಿಕೆದಾರರು ತುಂಬ ನಿಖರವಾದ ಮಾಹಿತಿಯನ್ನು ನಿರೀಕ್ಷೆ ಮಾಡುತ್ತಾರೆ. ಅದರಿಂದ ತನಗೆ ಶ್ರೀಮಂತಿಕೆ ಬಂದು ಬಿಡಬೇಕು ಎಂಬುದು ಲೆಕ್ಕಾಚಾರ ಆಗಿರುತ್ತದೆ.

ಕ್ರೆಡಿಟ್ ಕಾರ್ಡ್ ಯಾವಾಗ ಬಳಸಬೇಕು? ಇಲ್ಲಿವೆ ಟಿಪ್ಸ್

ಬಹಳ ಮಂದಿಗೆ ಗೊತ್ತಿರದ ವಿಚಾರ ಏನೆಂದರೆ ಈ ಹಿಂದೆಯೂ ತುಂಬ ಗಟ್ಟಿಯಾದ ಮಾಹಿತಿಯೇ ಸಿಕ್ಕಿರುತ್ತದೆ. ಆದರೂ ಕೋಟ್ಯಧಿಪತಿ ಅಂತೇನೂ ಆಗಿರುವುದಿಲ್ಲ. ಏಕೆಂದರೆ, ಷೇರು ಮಾರ್ಕೆಟ್ ಅಂದರೆ ಬುದ್ಧಿವಂತಿಕೆ, ದುಡ್ಡು, ಲೆಕ್ಕಾಚಾರ ಮಾತ್ರ ಅಲ್ಲ. ಅದಕ್ಕೆ ಮಾನಸಿಕ ಸ್ಥಿತಿ ಸಹ ಅಷ್ಟೇ ಮುಖ್ಯ. ಅದನ್ನೇ ಈ ಲೇಖನದಲ್ಲಿ ಪ್ರಸ್ತಾವ ಮಾಡಲಾಗುತ್ತಿದೆ. ಇವುಗಳು ನಿಮ್ಮಲ್ಲಿವೆಯೇ ಪರೀಕ್ಷಿಸಿಕೊಳ್ಳಿ. ಇಲ್ಲದೇ ಹೋದಲ್ಲಿ ರೂಢಿಸಿಕೊಳ್ಳಿ.

ಭಾವೋದ್ವೇಗಕ್ಕೆ ಒಳಗಾಗುತ್ತೀರಾ?
 

ಭಾವೋದ್ವೇಗಕ್ಕೆ ಒಳಗಾಗುತ್ತೀರಾ?

ಹೂಡಿಕೆದಾರರಿಗೆ ಬುದ್ಧಿವಂತಿಕೆಗಿಂತ ಸ್ಥಿತಪ್ರಜ್ಞ ಮನಸ್ಥಿತಿ ಮುಖ್ಯ. ನಿಮ್ಮ ಜತೆಗೆ ಬಹಳ ದೊಡ್ಡ ಸಂಖ್ಯೆಯ ಜನರಿದ್ದಾರೆ ಎಂಬ ಸಂಗತಿ ಅತಿಯಾದ ಸಂತೋಷವನ್ನು ನೀಡಬಾರದು, ಅಥವಾ ನಿಮ್ಮ ಆಲೋಚನೆಗೆ ವಿರುದ್ಧವಾಗಿ ಜನರ ಗುಂಪಿದೆ ಎಂದು ಕುಗ್ಗಲೂ ಬಾರದು ಎಂದಿದ್ದಾರೆ ಜಗತ್ ಪ್ರಸಿದ್ಧ ಹೂಡಿಕೆದಾರ ವಾರೆನ್ ಬಫೆಟ್.

* ನಿಮ್ಮ ಪೋರ್ಟ್ ಫೋಲಿಯೋ ಹತ್ತು ಪರ್ಸೆಂಟ್ ಗಿಂತ ಹೆಚ್ಚು ನಷ್ಟ ಕಂಡಲ್ಲಿ ಗಾಬರಿ ಆಗುತ್ತೀರಾ?

* ನಿಮ್ಮ ಈಕ್ವಿಟಿ ಹೂಡಿಕೆಯನ್ನು ಐದು ವರ್ಷಗಳ ಕಾಲ ಇರಿಸಿಕೊಳ್ಳುವುದು ದೀರ್ಘ ಸಮಯ ಎನಿಸುತ್ತದೆಯಾ?

* ಯಾವ ಷೇರು ಲಾಭದಲ್ಲಿದೆಯೋ ಅದನ್ನು ಮಾರಿ, ಯಾವುದು ನಷ್ಟದಲ್ಲಿದೆಯೋ ಅದನ್ನು ಇರಿಸಿಕೊಳ್ಳುತ್ತೀರಾ?

* ಮಾರ್ಕೆಟ್ ನ ಅರ್ಥ ಮಾಡಿಕೊಳ್ಳಬೇಕು ಎಂದು ಪ್ರಯತ್ನಿಸುತ್ತೀರಾ?

* ಮಾರ್ಕೆಟ್ ಅವಧಿಯಲ್ಲಿ ಕಂಪ್ಯೂಟರ್ ಸ್ಕ್ರೀನ್ ಮುಂದೆ ಕಣ್ಣು ಕೀಲಿಸಿ ಕೂರುತ್ತೀರಾ?

* ಅವಕಾಶ ಕಳೆದುಕೊಂಡಾಗ ಬಹಳ ಬೇಸರ ಮಾಡಿಕೊಳ್ಳುತ್ತೀರಾ?

* ಟ್ರೇಡಿಂಗ್ ಮಾಡುವುದರಿಂದ ನಿಮ್ಮ ರಿಟರ್ನ್ಸ್ ಜಾಸ್ತಿ ಆಗುತ್ತದೆ ಎಂದು ನಂಬುತ್ತೀರಾ?

ಈ ಮೇಲಿನ ಪ್ರಶ್ನೆಗಳಿಗೆ ಉತ್ತರ ಕೇಳಿಕೊಳ್ಳಿ. ಯಾವುದಾದರೂ ಒಂದಕ್ಕೆ ನಿಮ್ಮ ಉತ್ತರ 'ಹೌದು' ಎಂದಾದರೂ ನಿಮ್ಮ ಭಾವೋದ್ವೇಗದ ಕಡೆಗೆ ಗಮನ ನೀಡಬೇಕು. ಷೇರು ಮಾರ್ಕೆಟ್ ಹೂಡಿಕೆ ವಿಚಾರ ಬಂದಾಗ ಮಾಹಿತಿ 1 ಪರ್ಸೆಂಟ್ ಮಾತ್ರ. ಭಾವೋದ್ವೇಗ 99 ಪರ್ಸೆಂಟ್ ಕೆಲಸ ಮಾಡುತ್ತದೆ.

ಪ್ರತಿ ಷೇರು ಮತ್ತು ಮ್ಯೂಚುವಲ್ ಫಂಡ್ ನಲ್ಲೂ ಲಾಭದ ನಿರೀಕ್ಷೆ

ಪ್ರತಿ ಷೇರು ಮತ್ತು ಮ್ಯೂಚುವಲ್ ಫಂಡ್ ನಲ್ಲೂ ಲಾಭದ ನಿರೀಕ್ಷೆ

ಒಬ್ಬ ಉದ್ಯಮಿ ಪ್ರತಿ ವ್ಯವಹಾರದಲ್ಲೂ ಲಾಭ ಕಾಣುತ್ತಾನೆ ಅಂತ ನಿಮಗೆ ಅನಿಸುತ್ತದೆಯೆ? ಕೆಲವು ವ್ಯವಹಾರದಲ್ಲಿ ಬರುವುದೇ ಅರ್ಧ ದುಡ್ಡು ಅಥವಾ ಬರುವುದೇ ಇಲ್ಲ. ಆದರೆ ದೀರ್ಘಾವಧಿಯಲ್ಲಿ ಒಳ್ಳೆ ಲಾಭ ಮಾಡುವ ನಿರೀಕ್ಷಿಯಿಂದಲೇ ಉದ್ಯಮವನ್ನು ಮುಂದುವರಿಸುತ್ತಾರೆ ಅಲ್ಲವೆ? ಮ್ಯೂಚುವಲ್ ಫಂಡ್ ಹಾಗೂ ಷೇರುಗಳು ಸಹ ಅದೇ ಥರ. ಎಲ್ಲ ಷೇರು, ಮ್ಯೂಚುವಲ್ ಫಂಡ್ ನಲ್ಲಿ ಲಾಭ ಮಾಡಲು ಆಗಲ್ಲ. ಕೆಲವು ಹೂಡಿಕೆಯಲ್ಲಿ ನಷ್ಟವಾಗುತ್ತದೆ. ಜಗತ್ತಿನ ಅತ್ಯಂತ ಯಶಸ್ವಿ ಹೂಡಿಕೆದಾರರು ಎನಿಸಿಕೊಂಡವರು ಸಹ ಆಗೀಗ ನಷ್ಟ ಅನುಭವಿಸುತ್ತಾರೆ. ವಾರೆನ್ ಬಫೆಟ್, ಪೀಟರ್ ಲಿಂಚ್, ಫಿಲಿಪ್ ಫಿಷರ್, ರಾಕೇಶ್ ಜುಂಜುನ್ ವಾಲಾ, ವಿಜಯ್ ಕೇಡಿಯಾ ಮುಂತಾದವರು ಉದಾಹರಣೆಯಾಗಿ ಸಿಗುತ್ತಾರೆ. ಹೂಡಿಕೆ ಮಾಡಿದ ಹತ್ತರಲ್ಲಿ ಎರಡು ಷೇರಿನಲ್ಲಿ ಹಣ ಕಳೆದುಕೊಳ್ಳುತ್ತಾರೆ. ಆದರೂ ಅವರು ಶ್ರೀಮಂತರಾಗಿ ಉಳಿದಿದ್ದಾರೆ. ಆದ್ದರಿಂದ ಒಟ್ಟಾರೆ ಪೋರ್ಟ್ ಫೋಲಿಯೋದಿಂದ ಎಷ್ಟು ಲಾಭ ಆಗಿದೆ ಎಂಬ ಕಡೆಗೆ ಗಮನ ಇರಬೇಕು. ಒಂದೆರಡು ಮ್ಯೂಚುವಲ್ ಫಂಡ್ ಅಥವಾ ಷೇರಿನಲ್ಲಿ ನಷ್ಟವಾದಲ್ಲಿ ಚಿಂತಿಸುತ್ತಾ ಕೂರುವವರ ಪಾಲಿಗೆ ಷೇರು ಮಾರ್ಕೆಟ್ ಸೂಕ್ತವಲ್ಲ. ಹೂಡಿಕೆ ಮಾಡಿ, ಅದರಿಂದ ನಿದ್ದೆ ಕೆಡಿಸಿಕೊಂಡು, ಹಣ ಮಾಡಬೇಕಾ?

English summary

Psychological Factors Which Are Influence On Stock Market Investors

Here are the psychological factors which influence on stock market investors. So, before investing these things to keep it in mind.
Story first published: Thursday, November 26, 2020, 12:32 [IST]
Company Search
COVID-19
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X