ನೋಟು ರದ್ದತಿ ಎಫೆಕ್ಟ್: ನೇರ ತೆರಿಗೆ ಪಾವತಿ ಪ್ರಮಾಣ ಏರಿಕೆ

ನವೆಂಬರ್ 8ರ ಮಧ್ಯರಾತ್ರಿ ನೋಟು ರದ್ದು ಮಾಡಿದ ನಂತರ ದೇಶದಲ್ಲಿ ನೇರ ತೆರಿಗೆ ಪಾವತಿ ಮಾಡುವ ಪ್ರಮಾಣ ಏರಿಕೆಯಾಗಿದೆ ಎಂದು ಹಣಕಾಸು ಸಚಿವ ಅರುಣ್ ಜೇಟ್ಲಿ ಹೇಳಿದ್ದಾರೆ.

ಸರ್ಕಾರದ ನೋಟು ರದ್ದತಿ ಕ್ರಮವನ್ನು ದೇಶದ ಜನರು ಬೆಂಬಲಿಸಿದ್ದು, ತುಂಬಾ ಶಾಂತ ರೀತಿಯಲ್ಲಿ ಸ್ವೀಕರಿಸಿದ್ದಾರೆ. ಶಾಂತ ರೀತಿಯಿಂದ ವರ್ತಿಸಿದ ದೇಶದ ಜನತೆಗೆ ಧನ್ಯವಾದ ಅರ್ಪಿಸುತ್ತೇನೆ ಎಂದರು.

ಹಳೆ ನೋಟು ನಿಷೇಧದ ನಂತರ ನೇರ ತೆರಿಗೆ ಪಾವತಿ ಪ್ರಮಾಣ ಹೆಚ್ಚಳವಾಗುತ್ತಿದ್ದು, ಶೇ. 14.4ರಷ್ಟು ನೇರ ತೆರಿಗೆ ಪಾವತಿ ಹೆಚ್ಚಳವಾಗಿದೆ. ಬರುವ ದಿನಗಳಲ್ಲಿ ನೋಟು ನಿಷೇಧದ ಪರಿಣಾಮಗಳೇನು ಎಂಬುದು ಗೊತ್ತಾಗಲಿದೆ ಎಂದರು.