ಆದಾಯ ತೆರಿಗೆ ಸಲ್ಲಿಕೆಗೆ ಗಡುವು ವಿಸ್ತಾರ ಇಲ್ಲ: ತೆರಿಗೆ ಇಲಾಖೆ

ಡಿಸೆಂಬರ್ ನಂತರ ಆದಾಯ ತೆರಿಗೆ ಸಲ್ಲಿಸಲು ಅವಧಿ ವಿಸ್ತರಣೆ ಇರುವುದಿಲ್ಲ ಎಂದು ತೆರಿಗೆ ಇಲಾಖೆ ಹೇಳಿದೆ.

ಪ್ರಸ್ತುತ ತೆರಿಗೆ ಸಲ್ಲಿಕೆಗೆ ದೀರ್ಘ ಅವಧಿ ನೀಡಲಾಗಿದೆ. ಐಟಿಆರ್ ಸಲ್ಲಿಕೆಗೆ ಕೊನೆ ದಿನದವರೆಗೆ ಕಾಯಬೇಕಾಗಿಲ್ಲ. ತೆರಿಗೆದಾರರು ಮುಂಚಿತವಾಗಿಯೇ ಸಲ್ಲಿಸಬೇಕು ಎಂದು ಕಂದಾಯ ಕಾರ್ಯದರ್ಶಿ ಹಸ್ಮುಖ್ ಆದಿಯಾ ಹೇಳಿದ್ದಾರೆ.

ಸಾಮಾನ್ಯವಾಗಿ ತೆರಿಗೆದಾರರು ಕೊನೆ ದಿನದವರೆಗೆ ಕಾಯುವುದರಿಂದ ಕೊನೆ ಘಳಿಗೆಯಲ್ಲಿ ಅಡಚಣೆಯುಂಟಾಗುತ್ತದೆ. ಅದಕ್ಕಾಗಿ ತೆರಿಗೆ ಸಲ್ಲಿಕೆಗಾಗಿ ಕೊನೆ ದಿನಾಂಕದವರೆಗೆ ಕಾಯಬೇಡಿ ಎಂದು ಸೂಚಿಸಲಾಗಿದೆ.