ಮನೆ ಖರೀದಿದಾರರಿಗೆ ಸಿಹಿಸುದ್ದಿ! ಗೃಹ ಸಾಲದ ಮಿತಿ ಹೆಚ್ಚಳ
ಗೃಹ ಸಾಲದ ಮಿತಿಯನ್ನು ಭಾರತೀಯ ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ಹೆಚ್ಚಿಸಿರುವ ಹಿನ್ನೆಲೆಯಲ್ಲಿ ಕೈಗೆಟಕುವ ಗೃಹ ನಿರ್ಮಾಣ ಸಾಲಕ್ಕೆ ಉತ್ತೇಜನ ಸಿಗಲಿದೆ.
ಭಾರತೀಯ ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ (ಆರ್ಬಿಐ) ಮನೆ ಖರೀದಾರರಿಗೆ ಸಿಹಿಸುದ್ದಿ ನೀಡಿದ್ದು, ಗೃಹ ಸಾಲದ ಮಿತಿಯನ್ನು ಹೆಚ್ಚಿಸಿದೆ.
ಆದ್ಯತಾ ವಲಯದ ವ್ಯಾಪ್ತಿಗೆ ಬರುವ ಗೃಹ ಸಾಲದ ಮಿತಿಯನ್ನು ಭಾರತೀಯ ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ಹೆಚ್ಚಿಸಿರುವ ಹಿನ್ನೆಲೆಯಲ್ಲಿ ಕೈಗೆಟಕುವ ಗೃಹ ನಿರ್ಮಾಣ ಸಾಲಕ್ಕೆ ಉತ್ತೇಜನ ಸಿಗಲಿದೆ.
ಸಾಲ ಮಿತಿ ಏರಿಕೆ
ಗೃಹಸಾಲದ ಮಿತಿಯನ್ನು ಮಹಾನಗರಗಳಲ್ಲಿ ರೂ. 28 ಲಕ್ಷದಿಂದ ರು. 35 ಲಕ್ಷಗಳಿಗೆ ಏರಿಸಲಾಗಿದೆ. ಅದೇ ರೀತಿ ನಗರಗಳಲ್ಲಿ ರೂ. 20 ಲಕ್ಷದಿಂದ ರೂ. 25 ಲಕ್ಷಗಳವರೆಗೆ ಹೆಚ್ಚಿಸಲಾಗಿದೆ. ಇದು ಆದ್ಯತಾ ವಲಯದ ವ್ಯಾಪ್ತಿಗೆ ಬರುವ ಸಾಲದ ಮಿತಿಯಾಗಿದೆ.
ಅಪಾರ್ಟ್ಮೆಂಟ್ ವೆಚ್ಚ
ಕೈಗೆಟಕುವ ವಸತಿ ಯೋಜನೆಗಳ ಅಪಾರ್ಟ್ಮೆಂಟ್ ವೆಚ್ಚ ರೂ. 10 ಲಕ್ಷಕ್ಕಿಂತ ಹೆಚ್ಚಿನ ಜನಸಂಖ್ಯೆಯಿರುವ ನಗರಗಳಲ್ಲಿ ರೂ. 45 ಲಕ್ಷ ಹಾಗು ಇತರ ನಗರಗಳಲ್ಲಿ ರೂ. 30 ಲಕ್ಷ ನಿಗದಿ ಮಾಡಲಾಗಿದೆ.
ಜೂನ್ ಅಂತ್ಯಕ್ಕೆ ಸುತ್ತೋಲೆ
ಕೈಗೆಟಕುವ ವಸತಿ ಯೋಜನೆಗಳ ಆದೇಶ ಜೂನ್ ಅಂತ್ಯಕ್ಕೆ ಬರುವ ನಿರೀಕ್ಷೆ ಇದೆ. ಆರ್ಬಿಐನ ಈ ತೀರ್ಮಾನದಿಂದಾಗಿ ಎಲ್ಲರಿಗೂ ಮನೆ ಒದಗಿಸುವ ಕೇಂದ್ರ ಸರ್ಕಾರದ ಯೋಜನೆಗೆ ಶಕ್ತಿ ಸಿಗಲಿದೆ.
ಬೇಡಿಕೆ ಹೆಚ್ಚಲಿದೆ
ಗೃಹಸಾಲಕ್ಕೆ ಸಂಬಂಧಿಸಿದಂತೆ ಆದ್ಯತಾ ವಲಯದ ಸಾಲದ ಮಿತಿಯ ಪ್ರಮಾಣ ಹೆಚ್ಚಿಸಿರುವುದರಿಂದ ಬ್ಯಾಂಕ್ ಸಾಲಕ್ಕೆ ಬೇಡಿಕೆ ಹೆಚ್ಚುವ ಸಾದ್ಯತೆ ಇದೆಯೆನ್ನಲಾಗಿದೆ.