For Quick Alerts
ALLOW NOTIFICATIONS  
For Daily Alerts

ಚುನಾವಣೆ ಮುಂಚಿನ ಮಧ್ಯಂತರ ಬಜೆಟ್ಟಿನ ಮೇಲೆ ದೇಶದ ಕಣ್ಣು

|

ಮೇನಲ್ಲಿ ನಡೆಯಲಿರುವ ಲೋಕಸಭೆ ಚುನಾವಣೆಗೂ ಮುನ್ನ ನರೇಂದ್ರ ಮೋದಿ ನೇತೃತ್ವದ ಎನ್ಡಿಎ ಸರಕಾರ ಕಟ್ಟಕಡೆಯ ಬಜೆಟ್ ಮಂಡಿಸಲಿದ್ದು, ಜನಪರ ಬಜೆಟ್ ಮಂಡಿಸಲಿದೆಯೇ, ಚುನಾವಣಾ ಬಜೆಟ್ ಮಂಡಿಸಲಿದೆಯೋ ಎಂದು ಇಡೀ ದೇಶವೇ ಚಕಿತದಿಂದ ನೋಡುತ್ತಿದೆ.

ಕ್ಯಾನ್ಸರ್ ನಿಂದ ಬಳಲುತ್ತಿರುವ ಕೇಂದ್ರ ವಿತ್ತ ಸಚಿವ ಅರುಣ್ ಜೇಟ್ಲಿ ಅವರು ಅಮೆರಿಕಕ್ಕೆ ತೆರಳಿರುವುದರಿಂದ, ಅವರ ಅನುಪಸ್ಥಿತಿಯಲ್ಲಿ ಅವರ ಖಾತೆಯನ್ನು ನಿಭಾಯಿಸುತ್ತಿರು ಕೇಂದ್ರ ರೈಲ್ವೆ ಸಚಿವ ಪಿಯೂಶ್ ಗೋಯಲ್ ಅವರು ಮಧ್ಯಂತರ ಬಜೆಟ್ ಅನ್ನು ಫೆಬ್ರವರಿ 1ರಂದು ಬೆಳಿಗ್ಗೆ 11 ಗಂಟೆಗೆ ಮಂಡಿಸಲಿದ್ದಾರೆ.

ಮಧ್ಯಂತರ ಬಜೆಟ್ 2019: ಮಧ್ಯಮ ವರ್ಗ, ರೈತರು, ಸ್ಟಾರ್ಟಅಪ್ ವಲಯಕ್ಕೆ ಬಂಪರ್ ಕೊಡುಗೆ!

 

ಭಾರತದ ಆರ್ಥಿಕ ಸ್ಥಿತಿ ಅಷ್ಟು ಬಲಿಷ್ಠವಾಗಿ ಇಲ್ಲದಿರುವುದರಿಂದ, ರೈತರು ಸಂಕಷ್ಟದಲ್ಲಿ ಸಿಲುಕಿರುವುದರಿಂದ, ಕಳೆದ ನಲವತ್ತೈದು ವರ್ಷಗಳಲ್ಲಿಯೇ ಉದ್ಯೋಗದ ಕೊರತೆ ಗರಿಷ್ಠವಾಗಿರುವುದರಿಂದ ಮತ್ತು ಅಪನಗದೀಕರಣ ಮತ್ತು ಜಿಎಸ್ಟಿ ಹೊಡೆತಕ್ಕೆ ಸಣ್ಣ ಉದ್ದಿಮೆದಾರರು ಒಳಗಾಗಿರುವುದರಿಂದ ಕೇಂದ್ರ ಸರಕಾರ ಯಾವ ರೀತಿಯ ಬಜೆಟ್ ಮಂಡಿಸಲಿದೆ ಎಂಬುದನ್ನು ಕುತೂಹಲದಿಂದ ಕಾಯುತ್ತಿದ್ದಾರೆ.

ಚುನಾವಣೆ ಮುಂಚಿನ ಮಧ್ಯಂತರ ಬಜೆಟ್ಟಿನ ಮೇಲೆ ದೇಶದ ಕಣ್ಣು

ಲೋಕಸಭೆ ಚುನಾವಣೆ ಕೇವಲ ನಾಲ್ಕು ತಿಂಗಳು ಇರುವಾಗ ಈ ಬಜೆಟ್ ಕೇಂದ್ರ ಸರಕಾರಕ್ಕೆ ಮತದಾರರನ್ನು ಓಲೈಸಲು ಅದ್ಭುತ ಅವಕಾಶ ಮಾಡಿಕೊಟ್ಟಿದ್ದರೆ, ಮೋದಿ ಸರಕಾರ ಜನಪರ ಬಜೆಟ್ ಮಂಡಿಸುವ ಬದಲು ಚುನಾವಣಾ ಬಜೆಟ್ ಮಂಡಿಸುತ್ತದೇನೋ ಎಂದು ವಿರೋಧ ಪಕ್ಷದ ಧುರೀಣರು ಎದುರು ನೋಡುತ್ತಿದ್ದಾರೆ.

ಅಲ್ಲದೆ, 2018 ಡಿಸೆಂಬರ್ ನಲ್ಲಿ ಪ್ರಕಟವಾದ ಐದು ರಾಜ್ಯಗಳ ವಿಧಾನಸಭಾ ಚುನಾವಣೆಯಲ್ಲಿ ಮೂರು ರಾಜ್ಯಗಳಲ್ಲಿ ಬಿಜೆಪಿ ಅಧಿಕಾರ ಕಳೆದುಕೊಂಡಿರುವುದರಿಂದ, ಮತದಾರರನ್ನು ಮತ್ತೆ ಗಳಿಸಬೇಕಾದ ಸಾಕಷ್ಟು ಒತ್ತಡದಲ್ಲಿದೆ. ಆ ಚುನಾವಣೆಗಳಲ್ಲಿ ಗ್ರಾಮೀಣ ಜನರು ಮತ್ತು ರೈತಗಣ ಬಿಜೆಪಿಗೆ ಭಾರೀ ರೀತಿಯಲ್ಲಿ ಕೈಕೊಟ್ಟಿತ್ತು. ಅಲ್ಲದೆ, ಅಧಿಕಾರ ವಿರೋಧಿ ಅಲೆ ಕೂಡ ಆಡಿತಾರೂಢ ಬಿಜೆಪಿಗೆ ಮುಳುವಾಗಿತ್ತು.

ನರೇಂದ್ರ ಮೋದಿ ಸರಕಾರ ಈ ಬಜೆಟ್ಟಿನಲ್ಲಿ ಆರ್ಥಿಕ ಅಭಿವೃದ್ಧಿಯನ್ನು ಶೇ.7.5ರಷ್ಟು ಹೆಚ್ಚಿಸುವ ಗುರಿ ಹೊಂದಿದ್ದು, ರೈಲ್ವೆ ಇಲಾಖೆ, ರಸ್ತೆ ಮತ್ತು ಬಂದರು ವಿಭಾಗದಲ್ಲಿಯೂ ಶೇ.7ರಿಂದ 8ರಷ್ಟು ಹೆಚ್ಚಿನ ಹಣವನ್ನು ವಿನಿಯೋಗಿಸುವ ಸಾಧ್ಯತೆಯಿದೆ. ಜಿಎಸ್ಟಿಯಿಂದಾಗಿ ಖರ್ಚುವೆಚ್ಚದಲ್ಲಿ ಸಾಕಷ್ಟು ಏರುಪೇರಾಗಿರುವುದರಿಂದ ಶ್ರೀಸಾಮಾನ್ಯರು, ಅದರಲ್ಲಿಯೂ ರೈತರು, ಗ್ರಾಮೀಣ ಜನತೆ, ಸಣ್ಣ ಉದ್ದಿಮೆದಾರರು ಮತ್ತು ಪ್ರಮುಖವಾಗಿ ತೆರಿಗೆದಾರರು ತಮಗೇನು ಸಿಗುತ್ತದೆ ಎಂದು ಕಾದು ಕುಳಿತಿದ್ದಾರೆ.

ಮಧ್ಯಂತರ ಕೇಂದ್ರ ಬಜೆಟ್ಟಿನ ಎಲ್ಲ ವಿವರಗಳನ್ನು ಲೈವ್ ಅಪ್ಡೇಟ್ಸ್ ಮೂಲಕ ಒನ್ಇಂಡಿಯಾ ಕನ್ನಡ ಮತ್ತು ಗುಡ್ ರಿಟರ್ನ್ಸ್ ಕನ್ನಡ ಓದುಗರಿಗೆ ಶುಕ್ರವಾರ ನೀಡಲಿದೆ. ಕ್ಷಣಕ್ಷಣದ ಮಾಹಿತಿ, ವಿಶ್ಲೇಷಣೆಗಳು, ಏರಿಕೆ ಇಳಿಕೆಗಳು, ಪ್ರತಿಕ್ರಿಯೆಗಳು, ರುಪಾಯಿ ಯಾವ್ಯಾವ ಕ್ಷೇತ್ರದಲ್ಲಿ ಎಷ್ಟೆಷ್ಟು ವಿನಿಯೋಗವಾಗಲಿದೆ ಇತ್ಯಾದಿ ಮಾಹಿತಿಗಾಗಿ ಈ ತಾಣ ನೋಡುತ್ತಿರೆ.

English summary

Interim Union Budget 2019 : A curtain raiser

Interim Union Budget 2019 in Kannada : Narendra Modi lead NDA government will be presenting budget on February 1, Friday. The budget will be presented by union minister Piyush Goyal in the absence of finance minister Arun Jaitley. Farmers, rural people, small businessmen, tax payers expecting goodies in the last budget before Lok Sabha Elections 2019.
Company Search
Enter the first few characters of the company's name or the NSE symbol or BSE code and click 'Go'

Find IFSC

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more