ಪಿಪಿಎಫ್, ಎನ್ಪಿಸಿ, ಸುಕನ್ಯಾ ಸಮೃದ್ಧಿ ಖಾತೆ ಹೊಂದಿರುವವರು ಮಾ.31 ರೊಳಗೆ ಈ ಕೆಲಸ ಮುಗಿಸಿ..

ಸುಕನ್ಯಾ ಸಮೃದ್ಧಿ

ಹೆಣ್ಣು ಮಕ್ಕಳಿಗಾಗಿ ಸುಕನ್ಯಾ ಸಮೃದ್ಧಿ ಯೋಜನೆಯಲ್ಲಿ ನೀವು ಖಾತೆ ತೆರೆದಿದ್ದರೆ ಹಣಕಾಸು ವರ್ಷದಲ್ಲಿ ರೂ. 250 ಪಾವತಿ ಮಾಡಬೇಕು. ಮಾರ್ಚ್ 31ರೊಳಗೆ ಹಣ ಪಾವತಿ ಮಾಡದೆ ಹೋದಲ್ಲಿ ರೂ. 50 ರೂಪಾಯಿ ದಂಡ ವಿಧಿಸಲಾಗುತ್ತದೆ. ರೂ. 50 ರೂಪಾಯಿ ದಂಡ ಪಾವತಿ ಮಾಡಿದರೆ ನಿಮ್ಮ ಖಾತೆ ಮತ್ತೆ ಚಾಲ್ತಿಯಾಗಲಿದೆ.

ಪಿಪಿಎಫ್

ಪಬ್ಲಿಕ್ ಪ್ರಾವಿಡೆಂಟ್ ಫಂಡ್ (ಪಿಪಿಎಫ್) ಖಾತೆಯಲ್ಲಿ ವಾರ್ಷಿಕವಾಗಿ ರೂ. 500 ಪಾವತಿ ಮಾಡಬೇಕು. ಪ್ರಸ್ತುತ ಹಣಕಾಸು ವರ್ಷದಲ್ಲಿ ರೂ. 500 ಪಾವತಿ ಮಾಡದೇ ಹೋದರೆ 50 ರೂಪಾಯಿ ದಂಡ ವಿಧಿಸಲಾಗುತ್ತದೆ.

 

ಎನ್ಪಿಎಸ್

ರಾಷ್ಟ್ರೀಯ ಪಿಂಚಣಿ ಯೋಜನೆ (ಎನ್ಪಿಎಸ್) ಯಲ್ಲಿ ಖಾತೆ ತೆರೆದಿರುವ ಗ್ರಾಹಕರು ಒಂದು ವರ್ಷಕ್ಕೆ ರೂ. 1000 ಹೂಡಿಕೆ ಮಾಡಬೇಕು. ಮಾರ್ಚ್ 31ರೊಳಗೆ ಹಣ ಪಾವತಿ ಮಾಡದೆ ಹೋದಲ್ಲಿ ಖಾತೆ ಬಂದ್ ಆಗಲಿದ್ದು, ಇದಾದ ನಂತರ ರೂ. 100 ದಂಡ ಪಾವತಿಸಿ ಖಾತೆಯನ್ನು ಮರು ಸ್ಥಾಪಿಸಬೇಕಾಗುತ್ತದೆ.