For Quick Alerts
ALLOW NOTIFICATIONS  
For Daily Alerts

ಅತಿಹೆಚ್ಚು ಬ್ಯಾಂಕ್ ಬ್ಯಾಲೆನ್ಸ್ ಹೊಂದಿರುವ ರಾಜಕೀಯ ಪಕ್ಷ ಯಾವುದು ಗೊತ್ತೆ?

|

ಚುನಾವಣೆಗಳ ಸಂದರ್ಭದಲ್ಲಿ ರಾಜಕೀಯ ಪಕ್ಷ ಹಾಗು ಮುಖಂಡರ ಬಗ್ಗೆ ಸಾಕಷ್ಟು ಚರ್ಚೆಗಳು, ಉಹಾಪೋಹಗಳು, ಪರಸ್ಪರ ಜಟಾಪಟಿಗಳು ಹರಿದಾಡುತ್ತಿರುತ್ತವೆ. ಭಾರತದ ಪ್ರಮುಖ ರಾಜಕೀಯ ಪಕ್ಷಗಳ ಬ್ಯಾಂಕ್ ಬ್ಯಾಲೆನ್ಸ್ ಎಷ್ಟಿರಬಹುದು? ಯಾವ ಪಕ್ಷ ಹೆಚ್ಚು ಬ್ಯಾಂಕ್ ಬ್ಯಾಲೆನ್ಸ್ ಹೊಂದಿರಬಹುದು? ಇತ್ಯಾದಿ ಕುತೂಹಲಕಾರಿ ಪ್ರಶ್ನೆಗಳು ನಮ್ಮಲ್ಲಿ ಮೂಡುವುದು ಸಹಜ. ಹಾಗಿದ್ದರೆ ಯಾವ ಪಕ್ಷ ಈ ಪಟ್ಟಿಯಲ್ಲಿ ಮುಂಚೂಣಿಯಲ್ಲಿದೆ ನೋಡೋಣ ಬನ್ನಿ..

ಬಿಎಸ್ಪಿ ನಂಬರ್ ಒನ್
 

ಬಿಎಸ್ಪಿ ನಂಬರ್ ಒನ್

ಅಧಿಕೃತ ದಾಖಲೆಗಳ ಪ್ರಕಾರ ಬಹುಜನ ಸಮಾಜ ಪಕ್ಷ (ಬಿಎಸ್ಪಿ) ಎಲ್ಲಾ ಪಕ್ಷಗಳ ಪೈಕಿ ಅತಿದೊಡ್ಡ ಬ್ಯಾಂಕ್ ಬ್ಯಾಲೆನ್ಸ್ ಹೊಂದಿದ್ದು, ಶ್ರೀಮಂತ ಪಕ್ಷ ಎನಿಸಿದೆ. ಇದರ ಬ್ಯಾಂಕ್ ಬ್ಯಾಲೆನ್ಸ್ ಕೇಳಿದ್ರೆ ದಂಗಾಗ್ತಿರಾ! ಬಿಎಸ್ಪಿ ಪಕ್ಷ ಫೆಬ್ರವರಿ 25 ರಂದು ಚುನಾವಣಾ ಆಯೋಗಕ್ಕೆ ಸಲ್ಲಿಸಿದ ೨೦೨೮ರ ಅಕ್ಟೋಬರ್ ಒಟ್ಟು 665 ಕೋಟಿ ಬ್ಯಾಂಕ್ ಬ್ಯಾಲೆನ್ಸ್ ಹೊಂದಿದೆ. ದೇಶದ ಸಾರ್ವಜನಿಕ ವಲಯ ಎಂಟು ಬ್ಯಾಂಕುಗಳ ಖಾತೆಗಳಲ್ಲಿ ರೂ. 669 ಕೋಟಿ ಹೊಂದಿದೆ.

ಎಸ್ಪಿ ಗೆ 2ನೇ ಸ್ಥಾನ

ಬಹುಜನ ಸಮಾಜ ಪಕ್ಷದ ನಂತರ ಸಮಾಜವಾದಿ ಪಾರ್ಟಿ ಎರಡನೇ ಸ್ಥಾನದಲ್ಲಿದೆ. ಸಮಾಜವಾದಿ ಪಾರ್ಟಿ ತನ್ನ ಬ್ಯಾಂಕು ಖಾತೆಗಳಲ್ಲಿ ರೂ 471 ಕೋಟಿ ಹಣ ಬ್ಯಾಲೆನ್ಸ್ ಹೊಂದಿದೆ. ಮಧ್ಯಪ್ರದೇಶ, ಛತ್ತೀಸ್ಗಢ, ರಾಜಸ್ಥಾನ ಮತ್ತು ತೆಲಂಗಾಣದಲ್ಲಿ ಇತ್ತೀಚೆಗೆ ನಡೆದ ವಿಧಾನಸಭೆ ಚುನಾವಣೆಯ ನಂತರ ಪಕ್ಷದ ಬ್ಯಾಲೆನ್ಸ್ ರೂ 11 ಕೋಟಿ ಕುಸಿದಿದೆ.

ಕಾಂಗ್ರೆಸ್ 3ನೇ ಸ್ಥಾನ

ಬ್ಯಾಂಕ್ ಬ್ಯಾಲೆನ್ಸ್ ನಲ್ಲಿ ಕಾಂಗ್ರೆಸ್ ಪಕ್ಷ ಮೂರನೇ ಸ್ಥಾನ ಪಡೆದಿದೆ. ಇದು ರೂ. 196 ಬ್ಯಾಂಕ್ ಬ್ಯಾಲೆನ್ಸ್ ಹೊಂದಿದೆ. ಈ ಅಂಕಿಅಂಶ ಕಳೆದ ವರ್ಷ ನವೆಂಬರ್ 2 ರಂದು ಕರ್ನಾಟಕದಲ್ಲಿ ನಡೆದ ವಿಧಾನಸಭೆ ಚುನಾವಣೆಯ ಸಂದರ್ಭದಲ್ಲಿ ಕಾಂಗ್ರೆಸ್ ಪಕ್ಷ ಚುನಾವಣಾ ಆಯೋಗಕ್ಕೆ ಸಲ್ಲಿಸಿದ ವಿವರಗಳನ್ನು ಆಧರಿಸಿದೆ. ಮಧ್ಯಪ್ರದೇಶ, ರಾಜಸ್ಥಾನ ಮತ್ತು ಛತ್ತೀಸ್ಘಡ್ ರಾಜ್ಯ ಚುನಾವಣೆಗಳಲ್ಲಿ ಗೆದ್ದ ನಂತರ ಅದರ ಬ್ಯಾಲೆನ್ಸ್ ಬಗ್ಗೆ ವಿವರ ಪಕ್ಷವು ಅಪ್ಡೇಟ್ ಮಾಡಿಲ್ಲ.

ಐದನೇ ಸ್ಥಾನದಲ್ಲಿ ಬಿಜೆಪಿ
 

ಐದನೇ ಸ್ಥಾನದಲ್ಲಿ ಬಿಜೆಪಿ

ಬಿಜೆಪಿ ರೂ. 82 ಕೋಟಿ ಬ್ಯಾಲೆನ್ಸ್ ನೊಂದಿಗೆ ಐದನೇ ಸ್ಥಾನದಲ್ಲಿದೆ. ಬಿಜೆಪಿಯ ಮೊತ್ತ ನೋಡಿದಾಗ ತುಂಬಾ ಕಡಿಮೆ ಅನಿಸಬಹುದು. ಆದರೆ ಚುನಾವಣಾ ಬಾಂಡ್ ಗಳ ಮೂಲಕ ಹಾಗು ಇನ್ನಿತರ ಕೊಡುಗೆ ಸಂಗ್ರಹದ ಮೂಲಕ ಬಿಜೆಪಿ ಮುಂಚೂಣಿಯಲ್ಲಿದೆ. ಪ್ರಾದೇಶಿಕ ತೆಲುಗುದೇಶಂ ಪಕ್ಷ ರೂ. 107 ಕೋಟಿ ಬ್ಯಾಲೆನ್ಸ್ ನೊಂದಿಗೆ ನಾಲ್ಕೆನೇ ಸ್ಥಾನದಲ್ಲಿದೆ. ಎಲ್ಲಾ ಪಕ್ಷಗಳು ಕೊಡುಗೆಗಳ ಮೂಲಕವೇ ಹೆಚ್ಚು ಹಣ ಸಂಗ್ರಹಿಸಿವೆ.

ಕೊಡುಗೆಗಳ ಮೂಲಕ 87% ಆದಾಯ ಸಂಗ್ರಹ

ದೇಶದ ರಾಜಕೀಯ ಪಕ್ಷಗಳ ಆದಾಯ ಮೂಲ ಕೊಡುಗೆಗಳಾಗಿದೆ.

ಛತ್ತೀಸ್ಗಢ, ಮಧ್ಯಪ್ರದೇಶ, ರಾಜಸ್ಥಾನ ಮತ್ತು ತೆಲಂಗಾಣದ ನಾಲ್ಕು ನವೆಂಬರ್-ಡಿಸೆಂಬರ್ ಚುನಾವಣೆಗಳಲ್ಲಿ ಎಸ್ಪಿ ಬ್ಯಾಲೆನ್ಸ್ ರೂ. 11 ಕೋಟಿ ಕುಸಿದಿದೆ. ಇದಕ್ಕೆ ವಿರುದ್ಧವಾಗಿ, ಈ ಚುನಾವಣೆಗಳಲ್ಲಿ ಬಿಎಸ್ಪಿ ರೂ. 24 ಕೋಟಿಗಳನ್ನು ಸಂಗ್ರಹಿಸಿದ್ದು, ತನ್ನ ಮೊತ್ತವನ್ನು ರೂ. 665 ಕೋಟಿಗಳಿಂದ ರೂ. 670 ಕೋಟಿಗೆ ಏರಿಸಿದೆ.

ಈ ಪಕ್ಷಗಳ ಆದಾಯ ತೆರಿಗೆ ರಿಟರ್ನ್ ವಿಶ್ಲೇಷಣೆಯನ್ನು ಅಸೋಸಿಯೇಷನ್ ​​ಫಾರ್ ಡೆಮೋಕ್ರಾಟಿಕ್ ರಿಫಾರ್ಮ್ಸ್ ನಡೆಸಿದ ಸಮೀಕ್ಷೆಯ ಪ್ರಕಾರ, ಬಿಜೆಪಿ ಪಕ್ಷ 2016-17ರಲ್ಲಿ ರೂ. 1,034 ಕೋಟಿ ಮತ್ತು 2017-18ರಲ್ಲಿ ರೂ. 1,027 ಕೋಟಿಗಳನ್ನು ಕೊಡುಗೆಗಳ ಮೂಲಕ ಸಂಗ್ರಹಿಸಿ ಹೆಚ್ಚಿನ ಆದಾಯ ತೋರಿಸಿದೆ. ಅದೇ ಅವಧಿಯಲ್ಲಿ, ಬಿಎಸ್ಪಿ ಆದಾಯವು ರೂ. 174 ಕೋಟಿಯಿಂದ ರೂ. 52 ಕೋಟಿಗೆ ಇಳಿದಿದೆ. 2016-2017ರ ಕಾಂಗ್ರೆಸ್ ಆದಾಯ ರೂ. 225 ಕೋಟಿ ಎಂದು ತೋರಿಸಲಾಗಿದೆ. ಚುನಾವಣಾ ಆಯೋಗ ಹಾಗು ರಾಜಕೀಯ ಪಕ್ಷಗಳು ನಿಮ್ಮ ಮತಕ್ಕೆ ಖರ್ಚು ಮಾಡುವ ಹಣ ಎಷ್ಟು ಗೊತ್ತೆ?

ಹಿಂದಿನ 5 ಚುನಾವಣೆಗಳ ಖರ್ಚುವೆಚ್ಚ ಎಷ್ಟು?

- 1999 ರ ಲೋಕಸಭಾ ಚುನಾವಣೆಯಲ್ಲಿ ಒಟ್ಟು 61.95 ಕೋಟಿ ಮತದಾರರಿದ್ದರು. ಆಗ ಪ್ರತಿ ಮತದಾರನ ಮೇಲೆ ರೂ. 15 ಖರ್ಚು ಮಾಡಲಾಗಿತ್ತು. ಒಟ್ಟು ಬಜೆಟ್ ಮೊತ್ತ ರೂ. 947.68 ಕೋಟಿ ಆಗಿತ್ತು.

- 2004 ರ ಲೋಕಸಭಾ ಚುನಾವಣೆಯಲ್ಲಿ ಒಟ್ಟು 67.14 ಕೋಟಿ ಮತದಾರರಿದ್ದರು. ಆಗ ಪ್ರತಿ ಮತದಾರನ ಮೇಲೆ ಖರ್ಚು ಮಾಡಲಾದ ಹಣ ರೂ. 17. ಒಟ್ಟು ಬಜೆಟ್ ಮೊತ್ತ ರೂ. 1113.88 ಕೋಟಿ ವ್ಯಯಿಸಲಾಗಿತ್ತು.

- 2009 ರ ಲೋಕಸಭಾ ಚುನಾವಣೆಯಲ್ಲಿ ಒಟ್ಟು 71.69 ಕೋಟಿ ಮತದಾರರಿದ್ದು, ಪ್ರತಿ ಮತದಾರನ ಮೇಲೆ ರೂ. 12 ಖರ್ಚಾಗಿತ್ತು. ಅಂದಿನ ಒಟ್ಟು ಬಜೆಟ್ ಮೊತ್ತ ರೂ. 846.67 ಕೋಟಿಯಷ್ಟಿತ್ತು.

- 2014 ರ ಲೋಕಸಭಾ ಚುನಾವಣೆಯಲ್ಲಿ ಒಟ್ಟು 83.4 ಕೋಟಿ ಮತದಾರರಿದ್ದರು. ಪ್ರತಿ ಮತದಾರನ ಮೇಲೆ 46 ರೂಪಾಯಿ ಖರ್ಚು ಮಾಡಲಾಗಿತ್ತು. ಒಟ್ಟು ಬಜೆಟ್ ಮೊತ್ತ ರೂ. 3870 ಕೋಟಿ ಆಗಿತ್ತು.

- 2019 ರ ಲೋಕಸಭಾ ಚುನಾವಣೆಯಲ್ಲಿ 90 ಕೋಟಿ ಮತದಾರರಿದ್ದರು. ಈ ಬಾರಿ ಪ್ರತಿ ಮತದಾರನ ಮೇಲೆ ರೂ. 72 ಖರ್ಚು ಮಾಡಲಾಗುತ್ತಿದೆ. ಪ್ರಸ್ತುತ ಒಟ್ಟು ಬಜೆಟ್ ಮೊತ್ತ ರೂ. 6500 ಕೋಟಿ ಎಂದು ಅಂದಾಜಿಸಲಾಗಿದೆ.

English summary

Which Political party with the highest bank balance in the country?

The Bahujan Samaj Party (BSP) has the biggest bank balance among all parties, according to official records.
Company Search
Enter the first few characters of the company's name or the NSE symbol or BSE code and click 'Go'

Get Latest News alerts from Kannada Goodreturns

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more