For Quick Alerts
ALLOW NOTIFICATIONS  
For Daily Alerts

ಅನಿಲ್ ಅಂಬಾನಿಗೆ ಬಿಗ್‌ ರಿಲೀಫ್‌: ರಿಲಯನ್ಸ್‌ ಇನ್ಫ್ರಾಗೆ 4,660 ಕೋಟಿ ರೂ. ಪ್ರಕರಣದ ಗೆಲುವು

|

ಅನಿಲ್ ಅಂಬಾನಿಗೆ ಸುಪ್ರೀಂ ಕೋರ್ಟ್ ನಿಂದ ದೊಡ್ಡ ಮಟ್ಟಿನ ಪರಿಹಾರ ಸಿಕ್ಕಂತಾಗಿದೆ. ಅನಿಲ್ ಅಂಬಾನಿ ನೇತೃತ್ವದ ಸಾಲದಲ್ಲಿ ಮುಳುಗಿರುವ ರಿಲಯನ್ಸ್ ಅನಿಲ್ ಧೀರೂಭಾಯಿ ಅಂಬಾನಿ ಗ್ರೂಪ್ (ಎಡಿಎಜಿ) ಗೆ ಗೆಲುವಿನಲ್ಲಿ, ಸುಪ್ರೀಂ ಕೋರ್ಟ್ ADAG ಪರವಾಗಿ ಮಧ್ಯಸ್ಥಿಕೆ ಪ್ರಶಸ್ತಿಯನ್ನು ಎತ್ತಿಹಿಡಿದಿದೆ.

 

ಕಳೆದ ನಾಲ್ಕು ವರ್ಷದಿಂದ ಕೋರ್ಟ್‌ನಲ್ಲಿ ವಾದ ವಿವಾದಗಳಿಗೆ ಎಡೆಮಾಡಿದ್ದ ಪ್ರಕರಣದಲ್ಲಿ ತೀರ್ಪು ಅನಿಲ್ ಅಂಬಾನಿ ಪರವಾಗಿ ಬಂದಿದೆ. ಆದರೆ ನ್ಯಾಯಾಲಯದ ತೀರ್ಪಿನ ವಿವರವಾದ ಪ್ರತಿಯನ್ನು ನಿರೀಕ್ಷಿಸಲಾಗುತ್ತಿದೆ.

ಏನಿದು ಪ್ರಕರಣ?

ಏನಿದು ಪ್ರಕರಣ?

ರಿಲಯನ್ಸ್ ಇನ್​ಫ್ರಾಸ್ಟ್ರಕ್ಚರ್ ಘಟಕವು 2008ರಲ್ಲಿ ದೇಶದ ಮೊದಲ ಖಾಸಗಿ ನಗರ ರೈಲು ಯೋಜನೆಯನ್ನು 2038ರ ವರೆಗೆ ನಡೆಸಲು ದೆಹಲಿ ಮೆಟ್ರೋ ಜೊತೆ ಒಪ್ಪಂದ ಮಾಡಿಕೊಂಡಿತು. 2012ರಲ್ಲಿ ಶುಲ್ಕ ಮತ್ತು ಕಾರ್ಯಾಚರಣೆಗಳ ವಿವಾದಗಳ ನಂತರ, ಅನಿಲ್ ಅಂಬಾನಿಯ ಸಂಸ್ಥೆಯು ರಾಜಧಾನಿಯ ವಿಮಾನ ನಿಲ್ದಾಣದ ಮೆಟ್ರೋ ಯೋಜನೆಯನ್ನು ನಿರ್ವಹಿಸುವುದನ್ನು ನಿಲ್ಲಿಸಿತು ಮತ್ತು ದೆಹಲಿಯ ಮೆಟ್ರೋ ವಿರುದ್ಧ ಮಧ್ಯಸ್ಥಿಕೆ ಪ್ರಕರಣವನ್ನು ಆರಂಭಿಸಿತು. ಮೆಟ್ರೋ ಒಪ್ಪಂದದ ಉಲ್ಲಂಘನೆ ಆರೋಪ ಮತ್ತು ಟರ್ಮಿನೇಶನ್ ಶುಲ್ಕವನ್ನು ಕೋರಿತು.

ಈ ಪ್ರಕರಣದಲ್ಲಿ ಬಡ್ಡಿ ಸೇರಿದಂತೆ ಒಟ್ಟು ಮೊತ್ತ 4,600 ಕೋಟಿ ರೂ. ನಷ್ಟಿದ್ದು, ಈ ಮೊತ್ತವು ರಿಲಯನ್ಸ್ ಇನ್ಫ್ರಾ ತನ್ನ ಸಾಲವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಸುಪ್ರೀಂ ಕೋರ್ಟ್‌ನ ಇಬ್ಬರು ನ್ಯಾಯಾಧೀಶರ ಪೀಠವು DMRC (ದೆಹಲಿ ಮೆಟ್ರೋ ರೈಲು ನಿಗಮ) ದ ಅರ್ಜಿಯನ್ನು ವಜಾಗೊಳಿಸಿತು ಮತ್ತು ಮಧ್ಯಸ್ಥಿಕೆ ಪ್ರಶಸ್ತಿಯನ್ನು ಎತ್ತಿಹಿಡಿಯಿತು.

 ಮುಕೇಶ್ ಅಂಬಾನಿ ನಿವ್ವಳ ಸಂಪತ್ತು 100 ಬಿಲಿಯನ್ ಡಾಲರ್ ಸಮೀಪಿಸಿದೆ!

ಅನಿಲ್ ಅಂಬಾನಿ ದಿವಾಳಿತನವನ್ನು ಎದುರಿಸುತ್ತಿದ್ದಾರೆ..!
 

ಅನಿಲ್ ಅಂಬಾನಿ ದಿವಾಳಿತನವನ್ನು ಎದುರಿಸುತ್ತಿದ್ದಾರೆ..!

ಅನಿಲ್ ಅಂಬಾನಿ ಎಸ್‌ಬಿಐ ದಾಖಲಿಸಿದ ಪ್ರಕರಣದಲ್ಲಿ ವೈಯಕ್ತಿಕ ದಿವಾಳಿತನವನ್ನು ಎದುರಿಸುತ್ತಿದ್ದಾರೆ, ಆದರೆ ಅವರ ಟೆಲಿಕಾಂ ಕಂಪನಿ ರಿಲಯನ್ಸ್ ಕಮ್ಯುನಿಕೇಷನ್ಸ್ ಕೂಡ ದಿವಾಳಿತನದ ಪ್ರಕ್ರಿಯೆಗಳನ್ನು ಎದುರಿಸುತ್ತಿದೆ. ಕಂಪನಿಯ ವಕೀಲರು ಪ್ರಕರಣದ ವಿಚಾರಣೆಯ ಸಮಯದಲ್ಲಿ ರಿಲಯನ್ಸ್ ಈ ಹಣವನ್ನು ಸಾಲದಾತರಿಗೆ ಪಾವತಿಸಲು ಬಳಸುವುದಾಗಿ ಹೇಳಿದ್ದರು, ಇದರ ನಂತರ ಸುಪ್ರೀಂ ಕೋರ್ಟ್ ಕಂಪನಿಯ ಖಾತೆಗಳನ್ನು NPA ವರ್ಗಕ್ಕೆ ಹಾಕದಂತೆ ಬ್ಯಾಂಕುಗಳನ್ನು ನಿರ್ಬಂಧಿಸಿದೆ.

ತೀವ್ರ ನಷ್ಟಕ್ಕೆ ತುತ್ತಾಗಿರುವ ರಿಲಯನ್ಸ್ ಕಮ್ಯುನಿಕೇಶನ್ಸ್ ಕಂಪನಿಯ ನಿರ್ದೇಶಕ ಹುದ್ದೆಗೆ ಈಗಾಗಲೇ ಅನಿಲ್ ಧೀರೂಭಾಯಿ ಅಂಬಾನಿ ರಾಜೀನಾಮೆ ನೀಡಿದ್ದಾರೆ. ಜೊತೆಗೆ ಮೂರು ಬ್ಯಾಂಕ್‌ಗಳಲ್ಲಿ ಭಾರೀ ಸಾಲವನ್ನು ಸಹ ಹೊಂದಿದ್ದಾರೆ. ಚೀನಾದ ಕೈಗಾರಿಕಾ ಮತ್ತು ವಾಣಿಜ್ಯ ಬ್ಯಾಂಕ್ ಲಿಮಿಟೆಡ್‌, ಚೀನಾ ಅಭಿವೃದ್ಧಿ ಬ್ಯಾಂಕ್, ಚೀನಾ ರಫ್ತು-ಆಮದು ಬ್ಯಾಂಕ್ 2012ರಲ್ಲಿ ಅಂಬಾನಿ ಒಡೆತನದ ರಿಲಯನ್ಸ್ ಕಮ್ಯುನಿಕೇಶನ್ ಲಿಮಿಟೆಡ್‌ಗೆ 925.2 ಮಿಲಿಯನ್ ಅಮೆರಿಕನ್ ಡಾಲರ್ (ಭಾರತದ ರುಪಾಯಿಗಳಲ್ಲಿ 6,603 ಕೋಟಿ 80 ಲಕ್ಷದ 400) ಸಾಲವನ್ನು ನೀಡಿದ್ದವು.

ನಗರದಲ್ಲಿದ್ದುಕೊಂಡೇ ಕೃಷಿ ಮಾಡಬಯಸುವವರಿಗೆ ಇಲ್ಲಿದೆ ಸದಾವಕಾಶ: ಅರ್ಬನ್ ಫಾರ್ಮರ್ಸ್‌ ಕಂಪನಿ

ರಿಲಯನ್ಸ್ ಇನ್ಫ್ರಾ ಷೇರು ಜಿಗಿತ

ರಿಲಯನ್ಸ್ ಇನ್ಫ್ರಾ ಷೇರು ಜಿಗಿತ

ರಿಲಯನ್ಸ್ ಇನ್ಫ್ರಾ ಷೇರು ಜಿಗಿದಿದ್ದು, ಸುಪ್ರೀಂ ಕೋರ್ಟ್ ನಿರ್ಧಾರದಿಂದ ರಿಲಯನ್ಸ್ ಇನ್ಫ್ರಾ ಷೇರುಗಳು ಶೇಕಡಾ 5ರ ಮೇಲಿನ ಸರ್ಕ್ಯೂಟ್ ತಲುಪಿದೆ. ಇಂದು ಕಂಪನಿಯ ಷೇರು ರೂ 3.50 ಅಥವಾ ಶೇ 4.95 ರಷ್ಟು ಏರಿಕೆಯಾಗಿದ್ದು 74.15 ರೂ. ಆಗಿದೆ. ನಿನ್ನೆ ಅದು ರೂ 70.65 ಕ್ಕೆ ಮುಚ್ಚಿತ್ತು ಮತ್ತು ಇಂದು ಬೆಳಿಗ್ಗೆ ರೂ 72.00 ಕ್ಕೆ ತೆರೆಯಿತು. ಪ್ರಸ್ತುತ ಕಂಪನಿಯ ಮಾರುಕಟ್ಟೆ ಬಂಡವಾಳ 1,950.07 ಕೋಟಿ ರೂ. ನಷ್ಟಿದೆ.

ಈ ಹಣವನ್ನು ಬ್ಯಾಂಕ್‌ಗಳಿಗೆ ಪಾವತಿಸಲು ಬಳಕೆ

ಈ ಹಣವನ್ನು ಬ್ಯಾಂಕ್‌ಗಳಿಗೆ ಪಾವತಿಸಲು ಬಳಕೆ

ನ್ಯಾಯಾಲಯದ ಆದೇಶದ ನಂತರ ರಿಲಯನ್ಸ್ ಇನ್​ಫ್ರಾದಿಂದ ಈ ಹಣವನ್ನು ಸಾಲಗಾರರಿಗೆ ಪಾವತಿಸಲು ಬಳಸುತ್ತದೆ ಎಂದು ಕಂಪೆನಿಯ ವಕೀಲರು ಪ್ರಕರಣದ ವಿಚಾರಣೆಯ ಸಮಯದಲ್ಲಿ ಹೇಳಿದ್ದರು. ಅದರ ನಂತರ ಉನ್ನತ ನ್ಯಾಯಾಲಯವು ಬ್ಯಾಂಕ್​ನ ಖಾತೆಗಳನ್ನು ಅನುತ್ಪಾದಕ ಆಸ್ತಿ ಎಂದು ಗುರುತಿಸುವುದನ್ನು ನಿರ್ಬಂಧಿಸಿದೆ. ಪ್ರಕರಣದ ಅಂತಿಮ ತೀರ್ಪು ಸಾಲಗಾರರಿಗೆ ನ್ಯಾಯಾಲಯದ ನಿರ್ಬಂಧವನ್ನು ತೆಗೆದುಹಾಕುತ್ತದೆ.

English summary

Anil Ambani Firm Win 632 Million US Dollar Arbitration Against Delhi Metro

Reliance infrastructure Ltd. won a 4 year battle for control of money from an arbitration award that it says it needs to repay lenders.
Company Search
COVID-19
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X