For Quick Alerts
ALLOW NOTIFICATIONS  
For Daily Alerts

ಡಾಲರ್ ಎದುರು ಹೆಚ್ಚಿದ ರುಪಾಯಿ ಬಲ: 6 ವಾರಗಳಲ್ಲಿ ಗರಿಷ್ಠ ಮಟ್ಟ

|

ಡಾಲರ್ ಎದುರು ರುಪಾಯಿ ಬಲ ಹೆಚ್ಚಾಗಿದ್ದು, ಕಳೆದ 6 ವಾರಗಳಲ್ಲಿ ಅತಿ ಹೆಚ್ಚಿನ ಮೌಲ್ಯ ಪಡೆದಿದೆ. ಗುರುವಾರ 1 ಅಮೆರಿಕನ್ ಡಾಲರ್‌ಗೆ 70.68 ರುಪಾಯಿನಿಂದ ಆರಂಭಗೊಂಡು 70.64 ರುಪಾಯಿಗೆ ತಲುಪುವ ಮೂಲಕ ಹೊಸ ಗರಿಷ್ಠ ಮಟ್ಟಕ್ಕೆ ತಲುಪಿದೆ.

ಅಮೆರಿಕಾ ಡಾಲರ್ ವಿರುದ್ಧ ಮತ್ತಷ್ಟು ಬಲವರ್ಧನೆಗೊಂಡಿರುವ ಭಾರತದ ರುಪಾಯಿ ಗುರುವಾರ ಸುಮಾರು ಆರು ವಾರಗಳ ಗರಿಷ್ಠ ಮಟ್ಟದಲ್ಲಿ ಆರಂಭ ಪಡೆದಿದೆ. ಅಮೆರಿಕಾ ಫೆಡರಲ್ ಬ್ಯಾಂಕ್ 2020ರ ಉದ್ದಕ್ಕೂ ಪ್ರಮುಖ ನೀತಿ ದರಗಳ ಮೇಲೆ ಯಾವುದೇ ಬದಲಾವಣೆಯಿಲ್ಲ ಎಂದು ಘೋಷಿಸಿದ ಬಳಿಕ ಡಾಲರ್ ಎದುರು ರುಪಾಯಿ ಮೌಲ್ಯ ಹೆಚ್ಚಾಗಿದೆ. ದೇಶೀಯ ವ್ಯಾಪಾರಿಗಳು ಗ್ರಾಹಕ ಹಣದುಬ್ಬರ ಪ್ರಮಾಣ ಮತ್ತು ಕಾರ್ಖಾನೆಗಳ ಮಾಹಿತಿಯನ್ನು ತಿಳಿದುಕೊಳ್ಳಲು ಕಾಯುತ್ತಿದ್ದಾರೆ.

ಡಾಲರ್ ಎದುರು ಹೆಚ್ಚಿದ ರುಪಾಯಿ ಬಲ: 6 ವಾರಗಳಲ್ಲಿ ಗರಿಷ್ಠ ಮಟ್ಟ

 

ಗುರುವಾರ ಆರಂಭದಲ್ಲಿ ಡಾಲರ್ ಎದುರು ರುಪಾಯಿ ಮೌಲ್ಯ 70.66ಕ್ಕೆ ವಹಿವಾಟು ನಡೆಸಿದ್ದು, ಬುಧವಾರದ 70.84 ರ ಸಮೀಪದಿಂದ 0.25 ಪರ್ಸೆಂಟ್ ಹೆಚ್ಚಾಗಿದೆ. ನವೆಂಬರ್ 4ರಂದು ಡಾಲರ್ ಎದುರು ರುಪಾಯಿ 70.64 ರುಪಾಯಿಗೆ ತಲುಪುವ ಮೂಲಕ ಗರಿಷ್ಠ ಮಟ್ಟಕ್ಕೆ ತಲುಪಿತ್ತು. ಆದರೆ ಈಗ ಸತತ 6 ವಾರಗಳ ಬಳಿಕ ರುಪಾಯಿ ಏರಿಕೆಯಾಗಿದೆ.

ಸರ್ಕಾರವು ಗುರುವಾರ ಭಾರತದ ಚಿಲ್ಲರೆ ಹಣದುಬ್ಬರ ಮತ್ತು ಕಾರ್ಖಾನೆ ಉತ್ಪಾದನಾ ಅಂಕಿ-ಅಂಶಗಳನ್ನು ಬಿಡುಗಡೆ ಮಾಡುಲಿದೆ. ಚಿಲ್ಲರೆ ಹಣದುಬ್ಬರವು ಅಕ್ಟೋಬರ್ 4.22 ಪರ್ಸೆಂಟ್ ನಿಂದ ನವೆಂಬರ್‌ಗೆ 5.22 ಪರ್ಸೆಂಟ್‌ಗೆ ಏರಿಕೆಯಾಗಿತ್ತು. ಬ್ಲೂಮ್‌ಬರ್ಗ್ ಸಮೀಕ್ಷೆಯ ಪ್ರಕಾರ ಕೈಗಾರಿಕಾ ಉತ್ಪಾದನಾ ಪ್ರಮಾಣವು ಸೆಪ್ಟೆಂಬರ್‌ನಲ್ಲಿ 4.3 ಪರ್ಸೆಂಟ್ ನಿಂದ ಅಕ್ಟೋಬರ್‌ಗೆ 4.8 ಪರ್ಸೆಂಟ್‌ಗೆ ಕುಸಿದಿದೆ.

English summary

Indian Rupee hits 6 Week High

Indian Rupee Thursday opened at nearly six week high against us dollar. In early deals today, rupee traded at 70.66 a dollar
Story first published: Thursday, December 12, 2019, 10:55 [IST]
Company Search
COVID-19
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more