For Quick Alerts
ALLOW NOTIFICATIONS  
For Daily Alerts

Diwali Muhurat Trading: ಸೆನ್ಸೆಕ್ಸ್‌ 296 ಪಾಯಿಂಟ್ಸ್, ನಿಫ್ಟಿ 92 ಪಾಯಿಂಟ್ಸ್ ಏರಿಕೆ

|

ದೀಪಾವಳಿಯ ಸಂದರ್ಭದಲ್ಲಿ ನವೆಂಬರ್ 4, 2021ರಂದು 'ಮುಹೂರ್ತ' ಟ್ರೇಡಿಂಗ್ ಸೆಷನ್‌ ನಡೆದಿದೆ. ಈ ಸೆಷನ್‌ ಮೂಲಕ ಬಿಎಸ್‌ಇ ಹಾಗೂ ಎನ್‌ಎಸ್‌ಇ ಹೂಡಿಕೆದಾರರು ಸ್ಟಾಕ್‌ ಅನ್ನು ಖರೀದಿ ಮಾಡಲು ಹಾಗೂ ಮಾರಾಟ ಮಾಡಲು ಅವಕಾಶವನ್ನು ನೀಡಲಾಗಿತ್ತು.

 

ಗುರವಾರದಂದು ನಡೆದ ಮುಹೂರ್ತ ಟ್ರೇಡಿಂಗ್ ಸೆಷನ್​ನಲ್ಲಿ ಸೆನ್ಸೆಕ್ಸ್ ಮತ್ತೆ 60,500 ಪಾಯಿಂಟ್ಸ್ ಕಂಡಿದೆ. ಇದೇ ಸಂದರ್ಭದಲ್ಲಿ ನಿಫ್ಟಿ 50 ಸೂಚ್ಯಂಕವು 18000 ಪಾಯಿಂಟ್ಸ್ ಸಮೀಪಕ್ಕೆ ತಲುಪಿದೆ.

Diwali Muhurat Trading 2021: ದಿನಾಂಕ, ಅವಧಿ, ಮಹತ್ವ, ವಿಶೇಷದ ಬಗ್ಗೆ ತಿಳಿಯಿರಿ

ದೀಪಾವಳಿ ಹಿನ್ನೆಲೆ ನಡೆಯುವ 'ಮುಹೂರ್ತ' ಟ್ರೇಡಿಂಗ್ ಸೆಷನ್‌ ಸಂದರ್ಭದಲ್ಲಿ ಹೂಡಿಕೆದಾರರಿಗೆ ಉತ್ತಮವಾದ ರಿಟರ್ನ್ ಅನ್ನು ನೀಡುವ ಪ್ರೀ-ಓಪನ್ ಸೆಷನ್​ನಲ್ಲಿ ನೀಡಲಾಗಿದೆ. ಆ ಬಳಿಕ ನಡೆದ ವಹಿವಾಟಿನ ಅಂತ್ಯದಲ್ಲಿ ಬಿಎಸ್​ಇ ಸೆನ್ಸೆಕ್ಸ್ 295.70 ಪಾಯಿಂಟ್ಸ್ ಅಥವಾ ಶೇ 0.49ರಷ್ಟು ಮೇಲೇರಿದ್ದು 60,067.62 ಪಾಯಿಂಟ್ಸ್​ನೊಂದಿಗೆ ವ್ಯವಹಾರ ಮುಗಿದಿದೆ. ಇನ್ನು ನಿಫ್ಟಿ ನಿಫ್ಟಿ 50 ಸೂಚ್ಯಂಕವು 91.80 ಪಾಯಿಂಟ್ಸ್ ಅಥವಾ ಶೇ 0.51ರಷ್ಟು ಮೇಲೇರಿ 17,921 ಪಾಯಿಂಟ್ಸ್​ನಲ್ಲಿ ವಹಿವಾಟು ಮುಗಿಸಿದೆ.

 Diwali Muhurat Trading: ಸೆನ್ಸೆಕ್ಸ್‌ ,ನಿಫ್ಟಿ ಏರಿಕೆ

ನವೆಂಬರ್‌ 4ರಂದು ಸಂಜೆ 5:45ಕ್ಕೆ ಬ್ಲಾಕ್ ಡೀಲ್ ಸೆಷನ್ ಆರಂಭವಾಗಿದೆ. ಸಂಜೆ 5:45ಕ್ಕೆ ಆರಂಭವಾದ ಬ್ಲಾಕ್ ಡೀಲ್ ಸೆಷನ್ 6 ಗಂಟೆಗೆ ಕೊನೆಯಾಗಿದೆ. ಬಳಿಕ ಸಂಜೆ 6 ಮತ್ತು 6:08ರ ನಡುವೆ ಪ್ರೀ- ಓಪನ್ ಸೆಷನ್ ನಡೆದಿದೆ. ಸಾಮಾನ್ಯ ಮಾರುಕಟ್ಟೆಯು ಸಂಜೆ 6:15ರಿಂದ ರಾತ್ರಿ 7:15ರ ವರೆಗೆ ನಡೆದಿದೆ. ಆ ಬಳಿಕ ಕಾಲ್ ಆಕ್ಷನ್ ಇಲಿಕ್ವಿಡ್ ಸೆಷನ್ ಮತ್ತು ಮುಕ್ತಾಯದ ಅವಧಿ ನಡೆಸಲಾಗಿದೆ.

ಇನ್ನು ಈ 'ಮುಹೂರ್ತ' ಟ್ರೇಡಿಂಗ್ ಸೆಷನ್‌ ಸಂದರ್ಭದಲ್ಲಿ ಸುಮಾರು 2535 ಕಂಪೆನಿಯ ಷೇರುಗಳು ಹೆಚ್ಚಳವಾಗಿದೆ. ಆದರೆ ಇದೇ ಸಂದರ್ಭದಲ್ಲಿ 514 ಕಂಪೆನಿಯ ಷೇರುಗಳು ಇಳಿಕೆಯನ್ನು ದಾಖಲು ಮಾಡಿದೆ. ಈ ನಡುವೆ 146 ಕಂಪನಿಗಳ ಷೇರುಗಳಲ್ಲಿ ಯಾವುದೇ ಬದಲಾವಣೆಗಳು ದಾಖಲು ಆಗಿಲ್ಲ. ಇನ್ನು ವಾಹನ ಹಾಗೂ ಸಾರ್ವಜನಿಕ ಸ್ವಾಮ್ಯದ ಬ್ಯಾಂಕುಗಳ ಸೂಚ್ಯಂಕವು ತಲಾ ಶೇಕಡ ಒಂದರಷ್ಟು ಏರಿಕೆ ಕಂಡಿದೆ. ಮಧ್ಯಮ ಬಂಡವಾಳದ ಹಾಗೂ ಸಣ್ಣ ಬಂಡವಾಳದ ಸೂಚ್ಯಂಕಗಳು ಶೇಕಡ 0.5ರಿಂದ ಶೇ 1ರ ತನಕ ತಲಾ ಅಧಿಕವಾಗಿದೆ.

 

ನೋಟ್‌ ಬ್ಯಾನ್‌ ಆಗಿ ಐದು ವರ್ಷ: ಜನರಲ್ಲಿ ಇರುವ ನಗದು ಪ್ರಮಾಣ ಸಾರ್ವಕಾಲಿಕ ಹೆಚ್ಚಳ

ಪ್ರಮುಖವಾಗಿ ಯಾವೆಲ್ಲಾ ಷೇರುಗಳಲ್ಲಿ ಏರಿಕೆ ಕಂಡಿದೆ?

ಇನ್ನು ನಿಫ್ಟಿಯಲ್ಲಿ ಪ್ರಮುಖವಾಗಿ ಕೆಲವು ಸುಮಾರು 2535 ಕಂಪೆನಿಯ ಷೇರುಗಳು ಏರಿಕೆ ಕಂಡಿದೆ. ಐಷರ್ ಮೋಟಾರ್ಸ್‌ನ ಷೇರುಗಳು ಶೇಕಡ 5.54 ರಷ್ಟು ಹೆಚ್ಚಳವನ್ನು ದಾಖಲು ಮಾಡಿದೆ. ಇನ್ನು ಇದೇ ಸಂದರ್ಭದಲ್ಲಿ ಮಹೀಂದ್ರಾ ಅಂಡ್ ಮಹೀಂದ್ರಾವು ಶೇಕಡ 2.81 ಷೇರು ಏರಿಕೆಯನ್ನು ಕಂಡಿದೆ. ಈ ನಡುವೆ ಐಟಿಸಿ ಷೇರು ಶೇಕಡ 1.84 ರಷ್ಟು ಹೆಚ್ಚಳವಾಗಿದೆ. ಇನ್ನು ಬಜಾಜ್‌ ಆಟೋ ಷೇರು ಶೇಕಡ 1.65 ರಷ್ಟು ಅಧಿಕ ಆಗಿದೆ. ಈ ಮಧ್ಯೆ ಐಒಸಿ ಷೇರುಗಳು ಶೇಕಡ 1.58 ರಷ್ಟು ಏರಿಕೆಯನ್ನು ದಾಖಲು ಮಾಡಿದೆ.

ದೀಪಾವಳಿ ಸಂಭ್ರಮ: ತೆರಿಗೆ ಪಾವತಿಸದೆಯೇ ಎಷ್ಟು ಹಣ ಉಡುಗೊರೆ ಪಡೆಯಬಹುದು?

ಇಳಿಕೆ ಕಂಡ ಪ್ರಮುಖ ಷೇರುಗಳು ಯಾವುದು?

'ಮುಹೂರ್ತ' ಟ್ರೇಡಿಂಗ್ ಸೆಷನ್‌ ಸಂದರ್ಭದಲ್ಲಿ ಹೆಚ್ಚಾಗಿ ಷೇರುಗಳು ಏರಿಕೆ ಆಗುವ ನಿರೀಕ್ಷೆ ಇರುತ್ತದೆ. 2535 ಕಂಪೆನಿಯ ಷೇರುಗಳು ಏರಿಕೆ ಕಂಡಿದೆ. ಆದರೆ ಈ ಸಂದರ್ಭದಲ್ಲೇ 514 ಕಂಪೆನಿಯ ಷೇರುಗಳು ಇಳಿಕೆಯನ್ನು ದಾಖಲು ಮಾಡಿದೆ. ಪ್ರಮುಖವಾಗಿ ಹಿಂಡಾಲ್ಕೋ ಷೇರು ಶೇಕಡ -1.19 ರಷ್ಟು ಇಳಿಕೆ ದಾಖಲಿಸಿದೆ. ಐಸಿಐಸಿಐ ಬ್ಯಾಂಕು ಷೇರು ಶೇಕಡ -0.49 ರಷ್ಟು ಇಳಿಕೆ ಕಂಡಿದೆ. ಏಷ್ಯನ್ ಪೇಂಟ್ಸ್ ಷೇರು ಶೇಕಡ -0.36 ರಷ್ಟು ಕುಸಿದಿದೆ. ಜೆಎಸ್​ಡಬ್ಲ್ಯು ಸ್ಟೀಲ್ ಷೇರು ಶೇಕಡ -0.24 ರಷ್ಟು ಪಾತಾಳಕ್ಕೆ ಇಳಿದಿದೆ. ಇನ್ನು ಈ ಸಂದರ್ಭದಲ್ಲೇ ಸಿಪ್ಲಾ ಷೇರು ಕೂಡಾ ಶೇಕಡ -0.21 ರಷ್ಟು ಇಳಿದಿದೆ.

English summary

Muhurat Trading: Sensex regain 60500 points and nifty 50 index near 18000 points

Muhurat Trading: Sensex regain 60500 points and nifty 50 index near 18000 points.
Story first published: Friday, November 5, 2021, 16:11 [IST]
Company Search
COVID-19
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X