For Quick Alerts
ALLOW NOTIFICATIONS  
For Daily Alerts

ಸತತ 7ನೇ ವರ್ಷ ನಷ್ಟ ಕಂಡ ಪೇಟಿಎಂ ಮಾತೃಸಂಸ್ಥೆ One 97 ಕಮ್ಯುನಿಕೇಷನ್ಸ್

|

ಪೇಟಿಎಂನ ಮಾತೃಸಂಸ್ಥೆಯಾದ One 97 ಕಮ್ಯುನಿಕೇಷನ್ಸ್ 2019- 20ನೇ ಸಾಲಿಗೆ ನಷ್ಟವನ್ನು 28% ಕಡಿತ ಮಾಡಿಕೊಂಡು, 2833 ಕೋಟಿ ರುಪಾಯಿ ತಲುಪಿದೆ ಎಂದು ಎಕನಾಮಿಕ್ ಟೈಮ್ಸ್ ವರದಿ ಮಾಡಿದೆ. ನೋಯ್ಡಾ ಮೂಲದ One 97 ಕಮ್ಯುನಿಕೇಷನ್ಸ್ ವೆಚ್ಚ 20% ಕಡಿಮೆಯಾಗಿ, 5,861 ಕೋಟಿ ರುಪಾಯಿಯನ್ನು ಮುಟ್ಟಿದೆ. FY19ರಲ್ಲಿ 7,254 ಕೋಟಿ ರುಪಾಯಿ ವೆಚ್ಚವಾಗಿತ್ತು ಎಂಬ ಮಾಹಿತಿ ನೀಡಲಾಗಿದೆ.

 

ಸೂರ್ಯೋದಯ್ ಸ್ಮಾಲ್ ಫೈನಾನ್ಸ್ ಬ್ಯಾಂಕ್- ಪೇಟಿಎಂನಿಂದ MSME ಸಾಲ

ಇನ್ನು ಇದೇ ವೇಳೆ ಕಂಪೆನಿಯ ಆದಾಯದಲ್ಲಿ ಸ್ವಲ್ಪ ಮಟ್ಟಿಗೆ ಇಳಿಕೆ ಆಗಿದೆ. ಅಂದರೆ, 1% ಕುಸಿದು, 3350 ಕೋಟಿ ರುಪಾಯಿಯನ್ನು ಮುಟ್ಟಿದೆ. 2019- 20ರ ಹಣಕಾಸು ವರ್ಷದಲ್ಲಿ ಕಾರ್ಯ ನಿರ್ವಹಣ್ ಮೂಲಕ 3115 ಕೋಟಿ ರು. ಆದಾಯ ಬಂದಿದ್ದರೆ, FY19ರಲ್ಲಿ 3049 ಕೋಟಿ ರು. ಬಂದಿತ್ತು. 2019- 20ರಲ್ಲಿ ಬಹುತೇಕ ವೆಚ್ಚಗಳನ್ನು "ಇತರ ಖರ್ಚುಗಳು" ಎಂಬ ವಿಭಾಗದಲ್ಲಿ ಸೇರಿಸಿದ್ದು, ಅದು ಒಟ್ಟು ರು. 5861 ಕೋಟಿ ರು. ವರದಿ ಆಗಿದೆ.

ಸತತ ಏಳನೇ ಹಣಕಾಸು ವರ್ಷ ನಷ್ಟ

ಸತತ ಏಳನೇ ಹಣಕಾಸು ವರ್ಷ ನಷ್ಟ

One 97 ಕಮ್ಯುನಿಕೇಷನ್ಸ್ ಸತತ ಏಳನೇ ಹಣಕಾಸು ವರ್ಷ ನಷ್ಟ ಕಾಣುತ್ತಿದೆ. FY22ರ ಹೊತ್ತಿಗೆ ಕಂಪೆನಿ ಲಾಭದಾಯಕ ಆಗುವ ಬಗ್ಗೆ ವಿಶ್ವಾಸ ವ್ಯಕ್ತಪಡಿಸಲಾಗಿದೆ. ಸಾಲ ವಿತರಣೆ, ಇನ್ಷೂರೆನ್ಸ್, ವೆಲ್ತ್ ಮ್ಯಾನೇಜ್ ಮೆಂಟ್, ವಾಣಿಜ್ಯ ಮತ್ತು ಗೇಮಿಂಗ್ ಸೇರಿ ಇತರ ಹಣಕಾಸು ಸೇವೆಗಳನ್ನು ಆರಂಭಿಸಲಿರುವ ಹಿನ್ನೆಲೆಯಲ್ಲಿ ಕಂಪೆನಿಗೆ ಲಾಭ ಆಗಬಹುದು ಎಂಬ ನಿರೀಕ್ಷೆಯಿದೆ.

ಇತರ ಪ್ಲಾಟ್ ಫಾರ್ಮ್ ಗಳ ಜತೆ ಪೇಟಿಎಂ ಸ್ಪರ್ಧೆ

ಇತರ ಪ್ಲಾಟ್ ಫಾರ್ಮ್ ಗಳ ಜತೆ ಪೇಟಿಎಂ ಸ್ಪರ್ಧೆ

ಯುನಿಫೈಡ್ ಪೇಮೆಂಟ್ ಇಂಟರ್ ಫೇಸ್ (UPI) ಮತ್ತು ಇ ವ್ಯಾಲೆಟ್ ನಲ್ಲಿ ಪೇಟಿಎಂನೊಂದಿಗೆ ಗೂಗಲ್ ಪೇ, ವಾಲ್ ಮಾರ್ಟ್ ನವರ ಫೋನ್ ಪೇ, ಮೊಬಿಕ್ವಿಕ್, ಭಾರತ್ ಪೇ ಮತ್ತು ಅಮೆಜಾನ್ ಪೇ ಸ್ಪರ್ಧಿಸುತ್ತಿವೆ. ಪೇಟಿಎಂಗೆ 1.7 ಕೋಟಿಗೂ ಹೆಚ್ಚು ವರ್ತಕರು ಹಾಗೂ ಸಕ್ರಿಯ ಸಣ್ಣ ಉದ್ಯಮಿಗಳು ಅದರ ಪ್ಲಾಟ್ ಫಾರ್ಮ್ ನಲ್ಲಿ ಇದ್ದಾರೆ.

ಗಣನೀಯವಾಗಿ ವೆಚ್ಚ ಇಳಿಕೆ
 

ಗಣನೀಯವಾಗಿ ವೆಚ್ಚ ಇಳಿಕೆ

FY20ರ ಸೆಪ್ಟೆಂಬರ್ ತ್ರೈಮಾಸಿಕವೊಂದರಲ್ಲೇ ಪೇಟಿಎಂ ನಷ್ಟವು 37% ಇಳಿಕೆಯಾಗಿ, 2597 ಕೋಟಿ ರುಪಾಯಿ ಮುಟ್ಟಿದೆ ಎಂದು ವರದಿ ಆಗಿತ್ತು. ವೆಚ್ಚವನ್ನು ಗಣನೀಯವಾಗಿ ಇಳಿಕೆ ಮಾಡಿದ್ದು, FY22ರ ಹೊತ್ತಿಗೆ ಕಂಪೆನಿಯು ಲಾಭದಾಯಕವಾಗಲಿದೆ ಎಂದು ಹೇಳಿಕೆಯಲ್ಲಿ ತಿಳಿಸಲಾಗಿತ್ತು.

English summary

Paytm Parent Company One97 Communication Reduce Losses By 28 Percent In FY20

Paytm parent company One97 communication cuts losses 28% in fiscal year 2020. Here is the complete details.
Company Search
COVID-19
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X