For Quick Alerts
ALLOW NOTIFICATIONS  
For Daily Alerts

ಪೆಟ್ರೋಲ್- ಡೀಸೆಲ್ ದರ 80 ದಿನದಲ್ಲಿ ಮೊದಲ ಬಾರಿಗೆ ಏರಿಕೆ: ಎಲ್ಲಿ, ಎಷ್ಟಿದೆ ಬೆಲೆ?

|

ಲಾಕ್ ಡೌನ್ ನಿರ್ಬಂಧ ತೆರವಿನ ಹಿನ್ನೆಲೆಯಲ್ಲಿ ತೈಲಕ್ಕೆ ಬೇಡಿಕೆ ಚೇತರಿಕೆ ಕಂಡ ಮೇಲೆ ಹಾಗೂ ಬ್ರೆಂಟ್ ಕಚ್ಚಾ ತೈಲದ ಬೆಲೆ ಬ್ಯಾರೆಲ್ ಗೆ 40 ಅಮೆರಿಕನ್ ಡಾಲರ್ ವ್ಯವಹರಿಸುತ್ತಿರುವುದರಿಂದ ಸರ್ಕಾರಿ ಸ್ವಾಮ್ಯದ ತೈಲ ರೀಟೇಲರ್ ಗಳು ಭಾನುವಾರದಂದು ಪೆಟ್ರೋಲ್- ಡೀಸೆಲ್ ಬೆಲೆಯಲ್ಲಿ ಲೀಟರ್ ಗೆ ತಲಾ 60 ಪೈಸೆ ಏರಿಕೆ ಮಾಡಿವೆ. 80 ದಿನದಲ್ಲಿ ಇದೇ ಮೊದಲ ಬಾರಿಗೆ ಪೆಟ್ರೋಲ್- ಡೀಸೆಲ್ ಬೆಲೆ ಪರಿಷ್ಕರಣೆ ಆಗಿದೆ.

 

ಕೊನೆಯದಾಗಿ ಮಾರ್ಚ್ 16, 2020ರಲ್ಲಿ ತೈಲ ಬೆಲೆ ಪರಿಷ್ಕರಣೆ ಆಗಿತ್ತು. ಆ ಮಧ್ಯೆ ಆಯಾ ರಾಜ್ಯಗಳ ವ್ಯಾಟ್ ಅಥವಾ ಸೆಸ್ ಏರಿಕೆ ಆಗಿತ್ತು. ಕೊರೊನಾ ಲಾಕ್ ಡೌನ್ ಹಿನ್ನೆಲೆಯಲ್ಲಿ ಉದ್ಭವಿಸಿದ್ದ ನಗದು ಕೊರತೆಯನ್ನು ತುಂಬಿಕೊಳ್ಳುವ ಸಲುವಾಗಿ ತೈಲದ ಮೇಲೆ ತೆರಿಗೆಯನ್ನು ಹೆಚ್ಚಿಸಲಾಗಿತ್ತು.

ಪೆಟ್ರೋಲ್- ಡೀಸೆಲ್ ದರ 80 ದಿನದಲ್ಲಿ ಮೊದಲ ಬಾರಿ ಏರಿಕೆ

ಪ್ರಮುಖ ನಗರಗಳಲ್ಲಿನ ಈಚಿನ ಪೆಟ್ರೋಲ್- ಡೀಸೆಲ್ ದರ ಹೀಗಿದೆ:
ನವದೆಹಲಿ: ಪೆಟ್ರೋಲ್ 71.86, ಡೀಸೆಲ್ 69.99

ಗುರ್ ಗಾಂವ್: ಪೆಟ್ರೋಲ್ 71.68, ಡೀಸೆಲ್ 63.65

ಮುಂಬೈ: ಪೆಟ್ರೋಲ್ 78.91, ಡೀಸೆಲ್ 68.79

ಚೆನ್ನೈ: ಪೆಟ್ರೋಲ್ 76.07, ಡೀಸೆಲ್ 68.74

ಹೈದರಾಬಾದ್: ಪೆಟ್ರೋಲ್ 74.64, ಡೀಸೆಲ್ 68.42

ಬೆಂಗಳೂರು: ಪೆಟ್ರೋಲ್ 74.18, ಡೀಸೆಲ್ 66.54

ಕಳೆದ ತಿಂಗಳು ಕೇಂದ್ರ ಸರ್ಕಾರವು ಪೆಟ್ರೋಲ್ ಮೇಲಿನ ಅಬಕಾರಿ ಸುಂಕವನ್ನು ಲೀಟರ್ ಗೆ 10 ರುಪಾಯಿ ಹಾಗೂ ಡೀಸೆಲ್ ಮೇಲೆ 13 ರುಪಾಯಿ ಏರಿಕೆ ಮಾಡಿತ್ತು. ಆ ಕಾರಣಕ್ಕೆ ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ತೈಲದ ಬೆಲೆ ಕಡಿಮೆಯಾದರೂ ಅದನ್ನು ಈ ತೆರಿಗೆಯೊಂದಿಗೆ ಹೊಂದಾಣಿಕೆ ಮಾಡಲಾಗಿತ್ತು. ಬೆಲೆಯಲ್ಲಿ ಇಳಿಕೆ ಆಗಿರಲಿಲ್ಲ.

ತೈಲ ಬೆಲೆಯು ನಿತ್ಯ ಪರಿಷ್ಕರಣೆ ಆಗುತ್ತದೆ. ಆ ಬೆಲೆ ಕಚ್ಚಾ ತೈಲ ಬೆಲೆ ಹಾಗೂ ಡಾಲರ್ ವಿರುದ್ಧದ ರುಪಾಯಿ ಮೌಲ್ಯ ಮತ್ತಿತರ ಅಂಶಗಳ ಮೇಲೆ ತೀರ್ಮಾನ ಆಗುತ್ತದೆ. ಭಾರತಕ್ಕೆ ಅಗತ್ಯ ಇರುವ ತೈಲ ಪ್ರಮಾಣದಲ್ಲಿ ಶೇಕಡಾ 80ರಷ್ಟು ಆಮದು ಮಾಡಿಕೊಳ್ಳಲಾಗುತ್ತದೆ.

English summary

Petrol- Diesel Price Increased By 60 Paisa First In 80 Days

Petrol and diesel price increased by 60 paisa on Sunady (June 7, 2020) first time in 80 days.
Story first published: Sunday, June 7, 2020, 13:02 [IST]
Company Search
COVID-19
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X