For Quick Alerts
ALLOW NOTIFICATIONS  
For Daily Alerts

ಸ್ಟ್ಯಾಂಡರ್ಡ್ ಚಾರ್ಟರ್ಡ್ ಬ್ಯಾಂಕ್- ಇಂಡಿಯಾಗೆ RBIನಿಂದ 2 ಕೋಟಿ ರು. ದಂಡ

By ಅನಿಲ್ ಆಚಾರ್
|

ವಂಚನೆ ಬಗ್ಗೆ ವರದಿ ಮಾಡುವುದನ್ನು ತಡ ಮಾಡಿದ ಕಾರಣಕ್ಕೆ ಸ್ಟ್ಯಾಂಡರ್ಡ್ ಚಾರ್ಟರ್ಡ್ ಬ್ಯಾಂಕ್- ಇಂಡಿಯಾಗೆ ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾವು 2 ಕೋಟಿ ರುಪಾಯಿ ಜುಲ್ಮಾನೆ ವಿಧಿಸಿದೆ. ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ (ವಾಣಿಜ್ಯ ಬ್ಯಾಂಕ್ ಗಳು ಮತ್ತು ಆಯ್ದ ಹಣಕಾಸು ಸಂಸ್ಥೆಗಳ ವಂಚನೆ- ವರ್ಗೀಕರಣ ಮತ್ತು ವರದಿ) ನಿರ್ದೇಶನ 2016ರಲ್ಲಿ ಇರುವ ಕೆಲವು ಮಾರ್ಗದರ್ಶಿ ಸೂತ್ರಗಳಿಗೆ ಬದ್ಧವಾಗಿಲ್ಲ ಎಂದು ಹಣದ ದಂಡ ವಿಧಿಸಲಾಗಿದೆ.

 

ಮಾರ್ಚ್ 31, 2018 ಹಾಗೂ ಮಾರ್ಚ್ 31, 2019ರ ಹಣಕಾಸು ಸ್ಥಿತಿಯ ಬಗ್ಗೆ ಕಾನೂನು ಪ್ರಕಾರದ ಪರಿಶೀಲನೆಯನ್ನು ಬ್ಯಾಂಕ್ ನಲ್ಲಿ ಮಾಡುವ ವೇಳೆ ವಂಚನೆ ಬಗ್ಗೆ ಆರ್ ಬಿಐಗೆ ವರದಿ ಮಾಡಿರುವುದು ತಡವಾಗಿದೆ ಎಂಬುದು ಗಮನನಕ್ಕೆ ಬಂತು. ಆದ್ದರಿಂದ ದಂಡ ಹಾಕಲಾಗಿದೆ ಎಂದು ಹೇಳಿಕೆಯಲ್ಲಿ ತಿಳಿಸಲಾಗಿದೆ.

ಡಾಯಿಶ್ ಬ್ಯಾಂಕ್ ಎಜಿಗೆ 2 ಕೋಟಿ ರುಪಾಯಿ ದಂಡ ವಿಧಿಸಿದ RBI

ನಿರ್ದೇಶನಕ್ಕೆ ಬದ್ಧವಾಗಿಲ್ಲ ಎಂಬ ಕಾರಣಕ್ಕೆ ಸ್ಟ್ಯಾಂಡರ್ಡ್ ಚಾರ್ಟರ್ಡ್ ಬ್ಯಾಂಕ್- ಇಂಡಿಯಾಗೆ ಏಕೆ ದಂಡ ವಿಧಿಸಬಾರದು ಎಂದು ತಿಳಿಸುವಂತೆ ಆರ್ ಬಿಐನಿಂದ ನೋಟಿಸ್ ನೀಡಲಾಗಿತ್ತು. "ನೋಟಿಸ್ ಗೆ ಬ್ಯಾಂಕ್ ನ ಪ್ರತಿಕ್ರಿಯೆ ಮತ್ತು ಮೌಖಿಕ ಉತ್ತರವನ್ನು ಕೇಳಿಸಿಕೊಂಡ ಮೇಲೆ ಆರ್ ಬಿಐ ನಿರ್ದೇಶನವನ್ನು ಪಾಲನೆ ಮಾಡಿಲ್ಲ ಎಂಬುದು ಕಂಡುಬಂದಿದೆ. ಆ ಕಾರಣಕ್ಕೆ ದಂಡವನ್ನು ಹಾಕಲಾಗಿದೆ" ಎಂದು ಹೇಳಿಕೆಯಲ್ಲಿ ತಿಳಿಸಿದೆ.

ಸ್ಟ್ಯಾಂಡರ್ಡ್ ಚಾರ್ಟರ್ಡ್ ಬ್ಯಾಂಕ್ ಗೆ RBIನಿಂದ 2 ಕೋಟಿ ರು. ದಂಡ

ಆರ್ ಬಿಐ ನಿರ್ದೇಶನಗಳ ಪೈಕಿ ಕೆಲವನ್ನು ಪಾಲನೆ ಮಾಡಿಲ್ಲ ಎಂಬ ಕಾರಣಕ್ಕೆ ಈ ದಂಡ ಹಾಕಲಾಗಿದೆ. ಅದನ್ನು ಹೊರತು ಪಡಿಸಿದರೆ ಗ್ರಾಹಕರ ಜತೆಗಿನ ಯಾವುದೇ ವಹಿವಾಟು, ಒಪ್ಪಂದದ ಸಿಂಧುತ್ವದ ಕಾರಣಕ್ಕೆ ಅಲ್ಲ ಎಂದು ಸ್ಪಷ್ಟಪಡಿಸಲಾಗಿದೆ.

English summary

RBI Imposed Rs 2 Crore Penalty On Standard Chartered Bank India

Reserve Bank Of India imposes Rs 2 core penalty on Standard Chartered Bank- India for non compliance of certain directions.
Company Search
COVID-19
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X