For Quick Alerts
ALLOW NOTIFICATIONS  
For Daily Alerts

ಬಿಲ್ ಗೇಟ್ಸ್ ನ ಬ್ರೇಕ್ ಥ್ರೂ ಎನರ್ಜಿ ವೆಂಚರ್ಸ್ ನಲ್ಲಿ ರಿಲಯನ್ಸ್ 50 ಮಿಲಿಯನ್ USD ಹೂಡಿಕೆ

By ಅನಿಲ್ ಆಚಾರ್
|

ಎನರ್ಜಿಯಿಂದ ಟೆಲಿಕಾಂ ತನಕ ವ್ಯವಹಾರ ನಡೆಸುವ ರಿಲಯನ್ಸ್ ಇಂಡಸ್ಟ್ರೀಸ್ ಗುರುವಾರದಂದು ಹೇಳಿರುವ ಪ್ರಕಾರ, ಬ್ರೇಕ್ ಥ್ರೂ ಎನರ್ಜಿ ವೆಂಚರ್ಸ್ II LP (BEV)ನಲ್ಲಿ 50 ಮಿಲಿಯನ್ ಯುಎಸ್ ಡಿ (371 ಕೋಟಿ ರುಪಾಯಿ) ತನಕ ಹೂಡಿಕೆ ಮಾಡಲಿದೆ. ಬ್ರೇಕ್ ಥ್ರೂ ಎನರ್ಜಿ ವೆಂಚರ್ಸ್ ನೇತೃತ್ವವನ್ನು ಮೈಕ್ರೋಸಾಫ್ಟ್ ಸ್ಥಾಪಕ ಬಿಲ್ ಗೇಟ್ಸ್ ವಹಿಸಿದ್ದಾರೆ.

50 ಮಿಲಿಯನ್ ಯುಎಸ್ ಡಿ ಹೂಡಿಕೆಗೆ ಸದ್ಯದ ಲೆಕ್ಕಾಚಾರದಲ್ಲಿ 5.75 ಪರ್ಸೆಂಟ್ ಪಾಲು ದೊರೆಯಲಿದೆ. ಈ ಹೂಡಿಕೆ ಮುಂದಿನ ಎಂಟರಿಂದ ಹತ್ತು ವರ್ಷಗಳಲ್ಲಿ ಕಂತು ಕಂತಿನಲ್ಲಿ ಹೂಡಿಕೆ ಮಾಡಲಾಗುವುದು ಎಂದು ರಿಲಯನ್ಸ್ ರೆಗ್ಯುಲೇಟರಿ ಫೈಲಿಂಗ್ ನಲ್ಲಿ ತಿಳಿಸಿದೆ.

ಜಿಯೋ- ಕ್ವಾಲ್ ಕಾಮ್ ನಿಂದ ಯಶಸ್ವಿ 5G ಪರೀಕ್ಷೆ; 1 Gbps ವೇಗದಲ್ಲಿ ಡೇಟಾ ಟ್ರಾನ್ಸ್ ಫರ್

 

ಬ್ರೇಕ್ ಥ್ರೂ ಎನರ್ಜಿ ಮತ್ತು ಕೃಷಿ ತಂತ್ರಜ್ಞಾನದಲ್ಲಿ ಹೂಡಿಕೆ ಮಾಡುವ ಮೂಲಕ ಹವಾಮಾನ ಬಿಕ್ಕಟ್ಟಿಗೆ ಪರಿಹಾರ ಕಂಡುಕೊಳ್ಳುವುದಕ್ಕೆ ಬಿಇವಿ ಯತ್ನಿಸುತ್ತಿದೆ. ಬಿಇವಿಗೆ ಹೂಡಿಕೆದಾರರ ಮೂಲಕ ಬರುವ ಹಣವನ್ನು ಕ್ಲೀನ್ ಎನರ್ಜಿ ಆವಿಷ್ಕಾರವನ್ನು ಬೆಂಬಲಿಸುವುದಕ್ಕೆ ಬಳಸಲಾಗುತ್ತದೆ.

ಬಿಲ್ ಗೇಟ್ಸ್ ನ ಕಂಪೆನಿಯಲ್ಲಿ ರಿಲಯನ್ಸ್ 50 ಮಿಲಿಯನ್ USD ಹೂಡಿಕೆ

ಈಗಿನ ಪ್ರಯತ್ನದ ಫಲಿತಾಂಶದಿಂದ ಭಾರತಕ್ಕೆ ಮಹತ್ತರವಾದ ಪ್ರಾಮುಖ್ಯ ಇದೆ. ಇಡೀ ಮನುಕೂಲಕ್ಕೆ ಇದರಿಂದ ಅನುಕೂಲ ಆಗಲಿದೆ. ಜತೆಗೆ ಹೂಡಿಕೆದಾರರಿಗೆ ಉತ್ತಮ ರಿಟರ್ನ್ಸ್ ನೀಡಲಿದೆ ಎಂದು ರಿಲಯನ್ಸ್ ಹೇಳಿದೆ.

ರಿಲಯನ್ಸ್ ಇಂಡಸ್ಟ್ರೀಸ್ ನ ಈ ಹೂಡಿಕೆ ವ್ಯವಹಾರಕ್ಕೆ ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾದ ಅನುಮತಿ ಬೇಕಾಗುತ್ತದೆ. ಈ ಹೂಡಿಕೆಯು ವ್ಯಕ್ತಿಗಳಿಗೆ ಸಂಬಂಧಿಸಿದ ಹೂಡಿಕೆ ಆಗಿರುವುದಿಲ್ಲ. ರಿಲಯನ್ಸ್ ಪ್ರವರ್ತಕರು ಅಥವಾ ಪ್ರವರ್ತಕರ ಗುಂಪು ಅಥವಾ ಗುಂಪಿನ ಕಂಪೆನಿಗಳಿಗೆ ಈ ವ್ಯವಹಾರದಲ್ಲಿ ಯಾವ ಹಿತಾಸಕ್ತಿ ಇರುವುದಿಲ್ಲ.

English summary

Reliance Industries Will Invest 50 Million USD In Bill Gate's BEV

Reliance Industries Thursday announced that, it will invest 50 million USD in Bill Gate's Breakthrough Energy Ventures (BEV).
Company Search
COVID-19