For Quick Alerts
ALLOW NOTIFICATIONS  
For Daily Alerts

ತಣ್ಣನೆಯ ಗಾಳಿ ನಿಮ್ಮ ಮನೆಯನ್ನ ತುಂಬಲು ಮೂರು ಸಾವಿರ ಕೋಟಿ ಬಂಡವಾಳ !

By ರಂಗಸ್ವಾಮಿ ಮೂಕನಹಳ್ಳಿ
|

ಕೇಂದ್ರ ಸರಕಾರ ಪ್ರೊಡಕ್ಷನ್ ಲಿಂಕ್ಡ್ ಇನ್ಸೆನ್ಟಿವ್ (PLI )ಯೋಜನೆಯನ್ನ ಏರ್ ಕಂಡಿಷನರ್ ಉತ್ಪಾದಿಸುವ ಕಂಪನಿಗಳಿಗೆ ಘೋಷಣೆ ಮಾಡಿದೆ. ಇದೆ ತಿಂಗಳು ಅಂದರೆ ಸೆಪ್ಟೆಂಬರ್ 15 ರ ವರೆಗೆ ಇಲ್ಲಿಗೆ ಅರ್ಜಿಯನ್ನ ಹಾಕಲು ಸಮಯಾವಕಾಶವಿದೆ. ಈಗಾಗಲೇ ವೋಲ್ಟಾಸ್ , ಬ್ಲೂ ಸ್ಟಾರ್ , ಡಿಕ್ಸ್ಆನ್ ಚೈನೀಸ್ ಜಿ ಎಂ ಸಿ ಸಿ , ಅಂಬರ್ , ಪ್ಯಾನಸೋನಿಕ್ , ಲಾಯ್ಡ್ , ಹಿಂಡಾಲ್ಕೋ ಸಂಸ್ಥೆಗಳು ಇದಕ್ಕೆ ಅರ್ಜಿಯನ್ನ ಹಾಕಿವೆ.

 

ಇದರಿಂದ ತಕ್ಷಣ ಈ ಕ್ಷೇತ್ರದಲ್ಲಿ ಮೂರು ಸಾವಿರ ಕೋಟಿ ರೂಪಾಯಿ ಹೊಸ ಬಂಡವಾಳ ಹರಿದು ಬರಲಿದೆ. ಮೊಬೈಲ್ ಫೋನ್ ಗಳಲ್ಲಿ ಪೂರ್ಣ ಉತ್ಪಾದಿತ ಕಂಪೋನೆಂಟ್ ಗಳ ಮೇಲೆ ಈ ರೀತಿಯ ಇನ್ಸೆನ್ಟಿವ್ ನೀಡಲಾಗಿತ್ತು. ಆದರೆ ಈಗ ಉತ್ಪಾದನೆಗೆ ಬೇಕಾಗುವ ಪದಾರ್ಥಗಳ ಮೇಲೆ ಈ ರೀತಿಯ ಇನ್ಸೆನ್ಟಿವ್ ನೀಡಲಾಗುತ್ತಿದೆ. ಅಂಬರ್ ಎಂಟರ್ಪ್ರೈಸಸ್ 400 ಕೋಟಿ , ಬ್ಲೂ ಸ್ಟಾರ್ 250 ಕೋಟಿ ರೂಪಾಯಿ ಹೂಡಿಕೆಯನ್ನ ಈಗಾಗಲೇ ಘೋಷಿಸಿವೆ. ಉಳಿದ ಸಂಸ್ಥೆಗಳು ಕೂಡ ಶೀಘ್ರದಲ್ಲಿ ಹೂಡಿಕೆಯನ್ನ ಮಾಡಲಿವೆ. ಹೀಗೆ ನಮ್ಮ ಮನೆಯಲ್ಲಿ ತಣ್ಣನೆಯ ಗಾಳಿಯನ್ನ ಪಸರಿಸಲು ಮೊದಲ ಹಂತದಲ್ಲಿ ಮೂರು ಸಾವಿರ ಕೋಟಿ ರೂಪಾಯಿ ಬಂಡವಾಳ ಹೂಡಿಕೆಯಾಗುತ್ತಿದೆ.

ತಣ್ಣನೆಯ ಗಾಳಿ ನಿಮ್ಮ ಮನೆಯನ್ನ ತುಂಬಲು 3 ಸಾವಿರ ಕೋಟಿ ಬಂಡವಾಳ !

ಈ ಯೋಜನೆಯ ಅಡಿಯಲ್ಲಿ ಮುಂದಿನ ಐದು ವರ್ಷದಲ್ಲಿ 40 ಮಿಲಿಯನ್ ಅಂದರೆ ಬರೋಬ್ಬರಿ 4 ಕೋಟಿ ಏರ್ ಕಂಡಿಷನರ್‌ಗಳು ಉತ್ಪಾದನೆಯಾಗಲಿದೆ. ಹೀಗೆ ಉತ್ಪಾದನೆಯಾದ 4 ಕೋಟಿಯಲ್ಲಿ ಒಂದೂವರೆ ಕೋಟಿಗೂ ಹೆಚ್ಚು ಎಸಿ ಗಳು ವಿದೇಶಗಳಿಗೆ ರಪ್ತಾಗಲಿವೆ. ನಿಮಗೆಲ್ಲ ಒಂದು ಮಾಹಿತಿ ತಿಳಿದಿರಲಿ , ಇಲ್ಲಿಯವರೆಗೆ ಭಾರತದಲ್ಲಿ ತಯಾರಾದ ಎಸಿ ಗಳಲ್ಲಿನ 75 ರಿಂದ 80 ಪ್ರತಿಶತ ಬಿಡಿ ಭಾಗಗಳು ವಿದೇಶದಿಂದ ಆಮದು ಮಾಡಿಕೊಂಡವಾಗಿವೆ. ಈ ನಿಟ್ಟಿನಲ್ಲಿ ನೋಡಿದಾಗ ಈ ಬದಲಾವಣೆ ಭಾರತದ ಮಟ್ಟಿಗೆ ಒಳಿತು. ಇಲ್ಲಿಯವರೆಗೆ ಭಾರತದಲ್ಲಿ ಮಾರಾಟವಾದ ಎಸಿ ಗಳಲ್ಲಿ 95 ಪ್ರತಿಶತ ಭಾರತದಲ್ಲಿ ಉತ್ಪಾದನೆ ಮಾಡಲಾಗಿದೆ. ಆದರೆ ಉತ್ಪಾದನೆಗೆ ಬೇಕಾಗುವ ಕೆಲವು ಪದಾರ್ಥಗಳನ್ನ ವಿದೇಶದಿಂದ ತರಿಸಿಕೊಳ್ಳುತ್ತಿದ್ದೆವು.

 

ಎಸ್‌ಬಿಐ ವಿಶೇಷ ಠೇವಣಿ ಯೋಜನೆ: ಸೆಪ್ಟೆಂಬರ್ 14ಕ್ಕೆ ಕೊನೆಗೊಳ್ಳಲಿದೆ

ಚೀನಾ ದೇಶದ ಜಿ ಎಂ ಸಿ ಸಿ ಸಂಸ್ಥೆಯು ಕೂಡ ಈ ಯೋಜನೆಯಲ್ಲಿ ಪಾಲ್ಗೊಳ್ಳುತ್ತಿದೆ. ಮಹಾರಾಷ್ಟ್ರದ ಪುಣೆಯ ಸಮೀಪ 700 ಕೋಟಿ ರೂಪಾಯಿ ಬಂಡವಾಳ ಹೂಡಿ ಹೊಸ ಕಾರ್ಖಾನೆಯನ್ನ ತೆರೆಯುತ್ತಿದೆ. ಹೀಗಾಗಿ ಈ ಕ್ಷೇತ್ರದಲ್ಲಿ ಸಾಕಷ್ಟು ಪೈಪೋಟಿ ಇರಲಿದೆ. ಎಸಿ ಗಳನ್ನ ತಯಾರಿಸಲು ಸರಕಾರದ ಈ ಯೋಜನೆ ಚನ್ನಾಗಿದೆ , ಆದರೆ ಇದರಲ್ಲೂ ವಿದೇಶಿ ಸಂಸ್ಥೆಗಳಿಗೆ ಪಾಲ್ಗೊಳ್ಳಲು ಅವಕಾಶ ನೀಡಿರುವುದು ಏಕೆ ? ಎನ್ನುವುದು ಮಾತ್ರ ಪ್ರಶ್ನೆಯಾಗಿ ಉಳಿದುಕೊಂಡಿದೆ.

ಇದೆಲ್ಲಾ ಏನೇ ಇರಲಿ ಮುಂಬರುವ ವರ್ಷಗಳಲ್ಲಿ ಹೊಸ ತಂತ್ರಜ್ಞಾನದ ಹೊಸ ರೀತಿಯ ಎಸಿ ಗಳು ನಮ್ಮ ಮನೆಯಲ್ಲಿ ತಂಗಾಳಿಯನ್ನ ಹರಿಸಲಿವೆ , ಹೆಚ್ಚು ವಿದ್ಯುತ್ ಬಿಲ್ಲನ್ನ ನಮಗೆ ನೀಡದೆ ಅವುಗಳು ಬಹಳ ದಕ್ಷವಾಗಿ ಕಾರ್ಯ ನಿರ್ವಹಿಸಲಿವೆ.

English summary

Union Govt approves production-linked incentive scheme for air-conditioners; Sep 15 last date to apply

Union Govt approves production-linked incentive scheme for air-conditioners; September 15 last date to apply Know more.
Company Search
COVID-19
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X