For Quick Alerts
ALLOW NOTIFICATIONS  
For Daily Alerts

ವಿಜಯ್ ಮಲ್ಯಗೆ ಸೇರಿದ 14 ಕೋಟಿ ರು. ಮೌಲ್ಯದ ಆಸ್ತಿ ಇ.ಡಿ. ವಶಕ್ಕೆ

By ಅನಿಲ್ ಆಚಾರ್
|

ದೇಶ ಬಿಟ್ಟು ಪರಾರಿ ಆಗಿರುವ ಉದ್ಯಮಿ ವಿಜಯ್ ಮಲ್ಯಗೆ ಸೇರಿದ ಫ್ರಾನ್ಸ್ ನಲ್ಲಿನ 16 ಲಕ್ಷ ಯುರೋ ಮೌಲ್ಯದ (ಭಾರತದ ರುಪಾಯಿ ಲೆಕ್ಕದಲ್ಲಿ 14.35 ಕೋಟಿ) ಆಸ್ತಿಯನ್ನು ಜಾರಿ ನಿರ್ದೇಶನಾಲಯದಿಂದ ವಶಪಡಿಸಿಕೊಳ್ಳಲಾಗಿದೆ ಎಂದು ತನಿಖಾ ಸಂಸ್ಥೆಯು ಶುಕ್ರವಾರ ಹೇಳಿಕೆಯಲ್ಲಿ ತಿಳಿಸಿದೆ.

 

"ಜಾರಿ ನಿರ್ದೇಶನಾಲಯದ (ಇ.ಡಿ.) ಮನವಿ ಮೇರೆಗೆ ಫ್ರಾನ್ಸ್ ನ 32 ಅವೆನ್ಯೂದಲ್ಲಿ ಇರುವ ಆಸ್ತಿಯನ್ನು ಫ್ರೆಂಚ್ ಅಧಿಕಾರಿಗಳು ವಶಕ್ಕೆ ಪಡೆದಿದ್ದಾರೆ. ವಶಪಡಿಸಿಕೊಂಡ ಆಸ್ತಿಯ ಮೌಲ್ಯ 1.6 ಮಿಲಿಯನ್ ಯುರೋ (14 ಕೋಟಿ ರುಪಾಯಿ). ಕಿಂಗ್ ಫಿಷರ್ ಏರ್ ಲೈನ್ಸ್ ಲಿಮಿಟೆಡ್ ಬ್ಯಾಂಕ್ ಖಾತೆಯಿಂದ ವಿದೇಶಕ್ಕೆ ದೊಡ್ಡ ಮೊತ್ತ ವರ್ಗಾವಣೆ ಮಾಡಿರುವುದು ತನಿಖೆಯಿಂದ ಬಯಲಾಗಿದೆ," ಎಂದು ಇ.ಡಿ. ಹೇಳಿಕೆಯಲ್ಲಿ ತಿಳಿಸಲಾಗಿದೆ.

ಬ್ಯಾಂಕ್ ಗಳ ಪೂರ್ತಿ ಸಾಲ ತೀರಿಸುವುದಾಗಿ ಮತ್ತೊಮ್ಮೆ ಮಲ್ಯ ಮನವಿ

ಈ ತನಕ ಇ.ಡಿ.ಯಿಂದ 11,231 ಕೋಟಿ ರುಪಾಯಿ ಮೌಲ್ಯದ ಆಸ್ತಿಯನ್ನು ವಶಕ್ಕೆ ಪಡೆಯಲಾಗಿದೆ ಎಂದು ಹೇಳಲಾಗಿದೆ. ಸದ್ಯಕ್ಕೆ ಕಾರ್ಯ ನಿರ್ವಹಣೆ ಮಾಡದ ಕಿಂಗ್ ಫಿಷರ್ ನ ಸ್ಥಾಪಕರಾದ ವಿಜಯ್ ಮಲ್ಯ 9000 ಕೋಟಿ ರುಪಾಯಿ ಸಾಲ ಪಾವತಿಸಬೇಕಾಗಿದೆ. ಮಾರ್ಚ್ 2016ರಲ್ಲಿ ಭಾರತ ಬಿಟ್ಟ ವಿಜಯ್ ಮಲ್ಯ ಯು.ಕೆ.ಗೆ ಪರಾರಿ ಆಗಿದ್ದಾರೆ.

ವಿಜಯ್ ಮಲ್ಯಗೆ ಸೇರಿದ 14 ಕೋಟಿ ರು. ಮೌಲ್ಯದ ಆಸ್ತಿ ಇ.ಡಿ. ವಶಕ್ಕೆ

ತಮ್ಮ ವಿರುದ್ಧದ ಆರೋಪವನ್ನು ವಿಜಯ್ ಮಲ್ಯ ನಿರಾಕರಿಸುತ್ತಾ ಬಂದಿದ್ದಾರೆ. ಭಾರತದ ಬ್ಯಾಂಕ್ ಗಳು ನೀಡಿದ ಅಸಲು ಮೊತ್ತ ಶೇಕಡಾ ನೂರರಷ್ಟನ್ನು ಪಾವತಿಸಲು ಸಿದ್ಧ ಎಂದಿದ್ದಾರೆ. ಆದರೆ ಭಾರತದಲ್ಲಿ ಮಲ್ಯರನ್ನು ದೇಶಭ್ರಷ್ಟ ಆರ್ಥಿಕ ಅಪರಾಧಿ ಎಂದು ಘೋಷಿಸಲಾಗಿದೆ. ಯು.ಕೆ.ಯಿಂದ ಭಾರತಕ್ಕೆ ವಿಜಯ್ ಮಲ್ಯ ಹಸ್ತಾಂತರಕ್ಕೆ ಪ್ರಯತ್ನ ಮುಂದುವರಿದಿದೆ.

English summary

Vijay Mallya's Rs 14 Crore Worth Of Property In France Seized By Enforcement Directorate

Fugitive billionaire Vijay Mallya's Rs. 14 crore worth of property in France seized by enforcement directorate.
Company Search
COVID-19
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X