ವರಿಷ್ಠ ಪಿಂಚಣಿ ವಿಮಾ ಯೋಜನೆ ಗುಣಾವಗುಣಗಳ ಪಟ್ಟಿ
ಹಿರಿಯ ನಾಗರಿಕರಿಗೆ ನೀಡುತ್ತಿರುವ ವರಿಷ್ಠ ಪಿಂಚಣಿ ಯೋಜನೆಯನ್ನು ಹಣಕಾಸು ಸಚಿವ ಅರುಣ್ ಜೇಟ್ಲಿ ಈ ಸಾರಿಯ ಬಜೆಟ್ ನಲ್ಲಿ ಕೆಲ ಹೊಸ ಬದಲಾವಣೆಗಳೊಂದಿಗೆ ರೀ ಲಾಂಚ್ ಮಾಡಿದ್ದಾರೆ.
2014 ರ ಆಗಸ್ಟ್ 15 ರಿಂದ ಆರಂಭವಾದ ಯೋಜನೆ 2015 ರ ಆಗಸ್ಟ್ 14 ರವರೆಗಿನ ಸೀಮಿತ ಅವಧಿಯನ್ನು ಹೊಂದಿದ್ದು 60 ವರ್ಷ ಮೇಲ್ಪಟ್ಟವರಿಗೆ ಸೌಲಭ್ಯ ದೊರೆಯಲಿದೆ. ಇ ಯೋಜನೆ ಅನ್ವಯ ಹಿರಿಯ ನಾಗರಿಕರು ತಿಂಗಳ ಲೆಕ್ಕದಲ್ಲಿ ಅಥವಾ ವರ್ಷದ ಆಧಾರದಲ್ಲಿ ಪಿಂಚಣಿಯನ್ನು ಪಡೆಯಬಹುದು.[ಅಟಲ್ ಪಿಂಚಣಿ ಯೋಜನೆ ಮಾಡಿಸುವುದು ಹೇಗೆ?]
ಯೋಜನೆ ಗುಣಗಳು
* ತಿಂಗಳು, ತ್ರೈಮಾಸಿಕ, ಅರ್ಧವಾರ್ಷಿಕ ಮತ್ತು ವಾರ್ಷಿಕ ಲೆಕ್ಕದಲ್ಲಿ ಪಿಂಚಣಿ ಪಡೆದುಕೊಳ್ಳಲು ಸಾಧ್ಯವಿದೆ.
* ಪಾಲಿಸಿ ಮಾಡಿಸಿ ಮೂರು ವರ್ಷ ಕಳೆದ ಮೇಲೆ ಸಾಲ ಸವಲತ್ತನ್ನು ಪಡೆದುಕೊಳ್ಳಬಹುದು. ಯೋಜನೆ ಮೊತ್ತದ ಶೇ. 75ನ್ನು ಸಾಲವಾಗಿ ಪಡೆದುಕೊಳ್ಳಬಹುದು.
* ಹಣವನ್ನು ಹಿಂದಕ್ಕೆ ಪಡೆದುಕೊಳ್ಳಲು ಯಾವುದೇ ಕಠಿಣ ನಿಯಮಗಳು ಇಲ್ಲ
* ಕಾಯುವ ಕೆಲಸ ಇಲ್ಲ. ನೀವು ನೋಂದಣಿ ಮಾಡಿದಂತೆ ಅವಧಿಗೆ ತಕ್ಕುದಾಗಿ ಪಿಂಚಣಿ ಖಾತೆ ಸೇರಲಿದೆ.
* ಉಳಿದ ಪಿಂಚಣಿ ಯೋಜನೆಗಳಿಗೆ ಹೋಲಿಸಿದರೆ ಇಲ್ಲಿ ಬಡ್ಡಿ ದರವೂ ಅಧಿಕವಾಗಿದ್ದು, ನಿಮಗೆ ಶೇ. 9.38 ರಷ್ಟು ಬಡ್ಡಿ ನೀಡಲಾಗುತ್ತದೆ.
* ಪಾಲಿಸಿದಾರ ಕೆಲ ಅನಿವಾರ್ಯ ಕಾರಣ, ಅನಾರೋಗ್ಯದಿಂದ ತನ್ನ ಪಿಂಚಣಿ ಯೋಜನೆಯನ್ನು 15 ವರ್ಷಕ್ಕೂ ಮೊದಲೆ ಸರಂಡರ್ ಮಾಡಿದರೆ ಒಟ್ಟು ಮೊತ್ತದ(ಕಂತು ತುಂಬಿದ) ಶೇ. 98 ರಷ್ಟನ್ನು ಒದಗಿಸಿಕೊಡಲಾಗುವುದು.[ಎನ್ಪಿಎಸ್ vs ಅಟಲ್ ಪಿಂಚಣಿ, 11 ವ್ಯತ್ಯಾಸಗಳು]
ವರಿಷ್ಠ ಪಿಂಚಣಿ ಯೋಜನೆಯ ಅವಗುಣಗಳು
* ಯೋಜನೆಯಲ್ಲಿ ಅತಿ ಹೆಚ್ಚು ಅಂದರೆ 6,66,665 ರು. ಮೊತ್ತದ ಪಾಲಿಸಿ ಮಾಡಿಸಬಹುದು. ಇದರರ್ಥ ತಿಂಗಳಿಗೆ 5 ಸಾವಿರ ರು. ಪಿಂಚಣಿ ಪಡೆಯಬಹುದು. ಕುಟುಂಬದ ನಿರ್ವಹಣೆಗೆ ಹೋಲಿಸಿದರೆ ಇದು ಅತಿ ಕಡಿಮೆ ಮೊತ್ತ ಎಂದೇ ಭಾವಿಸಬೇಕಾಗುತ್ತದೆ.
* ಯೋಜನೆ ಸೇವಾ ಶುಲ್ಕದ ವ್ಯಾಪ್ತಿಗೆ ಒಳಪಡುತ್ತದೆ.
* ಆದಾಯ ತೆರಿಗೆ ಅಡಿಯಲ್ಲಿ ಯಾವುದೇ ವಿನಾಯಿತಿ ಇಲ್ಲ
* ಪಾಲಿಸಿ ಮಾಡಿಸಿ 15 ವರ್ಷ ಕಳೆದರೆ ಮಾತ್ರ ಪಿಂಚಣಿ ಅರ್ಹತೆ ಸಂಪಾದಿಸಿಕೊಳ್ಳಬಹುದು. ಆದರೆ ಇಲ್ಲಿ 15 ವರ್ಷ ಕಳಿಯಲೇಬೇಕು ಎಂಬ ನಿಯಮ ಮಾಡಲಾಗಿದೆ.
* ಇಷ್ಟೇ ಹಣವನ್ನು ಬೇರೆಡೆ ಹೂಡಿದರೆ ಇಲ್ಲಿ ದೊರೆಯುವುದಕ್ಕಿಂತ ಹೆಚ್ಚಿನ ಬಡ್ಡಿ ಪಡೆದುಕೊಳ್ಳಲು ಸಾಧ್ಯವಿದೆ.(ಗುಡ್ ರಿಟರ್ನ್ಸ್.ಇನ್)