For Quick Alerts
ALLOW NOTIFICATIONS  
For Daily Alerts

ಕ್ವಿಕ್ ಆಗಿ 1 ಕೋಟಿ ಹಣ ಸಂಪಾದಿಸಬೇಕೆ... ಇಲ್ಲಿ ನೋಡಿ..

|

ಕೋಟ್ಯಾಧಿಶ್ವರರಾಗಬೇಕೆಂದು ಪ್ರತಿಯೊಬ್ಬರು ಕನಸು ಕಾಣುತ್ತಾರೆ. ಆದರೆ ಕೋಟ್ಯಾಧಿಪತಿ ಆಗುವುದು ಹೇಗೆ? ಯಾವ ಬಿಸಿನೆಸ್ ಅಥವಾ ಕೆಲಸ ಮಾಡಿದರೆ ಕೋಟ್ಯಧಿಶ್ವರರಾಗಬಹುದು? ಇಂಥ ಪ್ರಶ್ನೆಗಳು ನಿಮ್ಮಲ್ಲಿ ಹಲವಾರು ಬಾರಿ ಮೂಡಿರಬಹುದು. ಹಾಗಾದರೆ ಎಂಟಂಕಿಯ ಮೊತ್ತದಷ್ಟು ಹಣದ ಒಡೆಯನಾಗುವುದು ಹೇಗೆ ಸಾಧ್ಯ? ಇದಕ್ಕೆ ಉತ್ತರ 'ಇಕ್ವಿಟಿ ಮಾರ್ಕೆಟ್. ಹೌದು.. ಇಕ್ವಿಟಿ ಮಾರ್ಕೆಟ್‌ನ ಮ್ಯೂಚುವಲ್ ಫಂಡ್ ಸಿಸ್ಟೆಮ್ಯಾಟಿಕ್ ಇನ್ವೆಸ್ಟಮೆಂಟ್ ಪ್ಲಾನ್‌ಗಳ (ಸಿಪ್) ಮೂಲಕ ಉತ್ತಮ ಹಣ ಸಂಪಾದನೆ ಸಾಧ್ಯ. ಕೇವಲ 5 ವರ್ಷಗಳಲ್ಲಿ ನಿಮ್ಮ ಆದಾಯ ಡಬಲ್ ಮಾಡಬಲ್ಲ ಟಾಪ್ 10 ಮ್ಯೂಚುವಲ್ ಫಂಡ್

ಉದಾಹರಣೆಗೆ ನೋಡಿದರೆ- 15 ವರ್ಷಗಳವರೆಗೆ ಪ್ರತಿ ತಿಂಗಳು ರೂ. 20 ಸಾವಿರದಂತೆ ಸಿಪ್‌ನಲ್ಲಿ ಹೂಡಿಕೆ ಮಾಡಿದಲ್ಲಿ ಶೇ. 12ರ ಬಡ್ಡಿದರ ಸಿಗುತ್ತದೆ ಎಂಬ ಲೆಕ್ಕಾಚಾರದಲ್ಲಿ ನಿಮ್ಮ ಹಣ ಒಂದು ಕೋಟಿ ರೂಪಾಯಿಗಳಾಗುತ್ತದೆ ಎಂದು ಐಸಿಐಸಿಐ ಪ್ರುಡೆನ್ಷಿಯಲ್ ಎಎಂಸಿ ಎಂಡಿ ಹಾಗೂ ಸಿಇಓ ನಿಮೇಶ ಶಾ ಹೇಳುತ್ತಾರೆ. ಹಾಗಾದರೆ ಸಿಪ್ ಹೇಗೆ ಕೆಲಸ ಮಾಡುತ್ತದೆ ತಿಳಿಯೋಣ.

ಹನಿ ಹನಿಗೂಡಿಸಿ ಸಮುದ್ರ ಮಾಡಿ
 

ಹನಿ ಹನಿಗೂಡಿಸಿ ಸಮುದ್ರ ಮಾಡಿ

ಸಿಪ್ ಎಂಬುದು ಮ್ಯೂಚುವಲ್ ಫಂಡ್ ಆಧರಿತ ದೀರ್ಘಾವಧಿಯ ಹೂಡಿಕೆ ಯೋಜನೆಯಾಗಿದ್ದು, ಇದರಲ್ಲಿ ನಿಯಮಿತವಾಗಿ ಚಿಕ್ಕ ಚಿಕ್ಕ ಕಂತುಗಳಲ್ಲಿ ಹಣ ಹೂಡಿಕೆ ಮಾಡುತ್ತ ಹೋಗಬಹುದು. ಇದೊಂದು ವ್ಯವಸ್ಥಿತವಾದ ಹೂಡಿಕೆ ಯೋಜನೆಯಾಗಿದೆ. ಹಣದಿಂದ ಹಣ ಬೆಳೆಯುವ ಶಕ್ತಿಯನ್ನು ಬಳಸಿ ದೀರ್ಘಾವಧಿಯಲ್ಲಿ ದೊಡ್ಡ ಮೊತ್ತದ ಗಂಟು ಕೂಡಿಸಲು ಇದು ಸಹಕಾರಿಯಾಗಿದೆ.

ಶೇರುಗಳ ಬೆಲೆ ನಿರೀಕ್ಷಿತ ಕಡಿಮೆ ಮಟ್ಟದಲ್ಲಿರುವಾಗ ಕೊಂಡುಕೊಳ್ಳುವುದು ಹಾಗೂ ಅವುಗಳ ಬೆಲೆ ಹೆಚ್ಚಾದಾಗ ಸೂಕ್ತ ಸಮಯ ನೋಡಿ ಅವನ್ನು ಮಾರಿ ಲಾಭ ಗಳಿಸುವುದು ಶೇರು ಮಾರುಕಟ್ಟೆಯಲ್ಲಿ ವ್ಯವಹರಿಸುವ ಸಹಜ ವಿಧಾನವಾಗಿದೆ.

12 ಸಾವಿರ ಹೂಡಿಕೆ ಮಾಡಿದರೆ 15 ವರ್ಷಕ್ಕೆ 40 ಲಕ್ಷ ಗಳಿಸಬಹುದು..

ಬೇಗನೆ ಹೂಡಿಕೆ ಆರಂಭಿಸಿ

ಕೋಟ್ಯಧಿಪತಿಯಾಗುವ ಆಸೆ ನಿಮ್ಮಲ್ಲಿದ್ದರೆ ಆದಷ್ಟು ಬೇಗ ಸಿಪ್ ಯೋಜನೆಗಳಲ್ಲಿ ಹೂಡಿಕೆ ಆರಂಭಿಸಬೇಕಾಗುತ್ತದೆ. "ಬೇಗನೆ ಯೋಜನೆಯಲ್ಲಿ ಹಣ ತೊಡಗಿಸಲಾರಂಭಿಸಿದರೆ ಹಣ ಸಂಯೋಜನೆಯ ಲಾಭ ಸಿಗುತ್ತದೆ. ಅದರಲ್ಲೂ ದೀರ್ಘಾವಧಿ ಯೋಜನೆಗಳಲ್ಲಿ ಬೇಗ ಹೂಡಿಕೆ ಆರಂಭಿಸುವುದು ಹಾಗೂ ತಡ ಮಾಡುವುದರ ಮಧ್ಯೆ ಭಾರಿ ಅಂತರವಿದೆ. ತಡವಾದಷ್ಟೂ ಲಾಭ ಕಡಿಮೆಯಾಗುತ್ತದೆ.

ಕೆಲವೇ ತಿಂಗಳ ಅಂತರ ಸಹ ಕೊನೆಯಲ್ಲಿ ದೊಡ್ಡ ಮೊತ್ತದ ಹಣ ಕೊರತೆಯಾಗುವಂತೆ ಮಾಡಬಹುದು. ಅಧ್ಯಯನಗಳ ಪ್ರಕಾರ ಹೂಡಿಕೆ ಆರಂಭಿಸಲು ಒಂಚೂರು ತಡ ಮಾಡಿದರೂ ಅದು ದೀರ್ಘಾವಧಿಯಲ್ಲಿ ನಿಮಗೆ ದೊಡ್ಡ ನಷ್ಟವನ್ನುಂಟು ಮಾಡುತ್ತದೆ.

ಎಲ್ಲಿಂದ ಆರಂಭಿಸುವುದು?

"ಹೂಡಿಕೆದಾರರು ಮೊದಲಿಗೆ ತಮ್ಮ ದೀರ್ಘಾವಧಿಯ ಹೂಡಿಕೆ ಯೋಜನೆ ತಯಾರಿಸಬೇಕು. ಪ್ರತಿ ತಿಂಗಳು ಮ್ಯೂಚುವಲ್ ಫಂಡ್‌ನಲ್ಲಿ ಎಷ್ಟು ಹೂಡಿಕೆ ಮಾಡಬೇಕು ಹಾಗೂ ಇದರಲ್ಲಿ ಡೆಬ್ಟ್ ಹಾಗೂ ಇಕ್ವಿಟಿ ಪ್ರಮಾಣ ಎಷ್ಟು ಎಂಬುದನ್ನು ಸಹ ನಿರ್ಧರಿಸಬೇಕು ಎಂದು ಮೋತಿಲಾಲ ಓಸ್ವಾಲ್ ಕಂಪನಿಯ ಗೌತಮ ಸಿನ್ಹಾ ಹೇಳುತ್ತಾರೆ.

ನಿಪುಣ ಸಲಹೆಗಾರರನ್ನು ಭೇಟಿ ಮಾಡಿ
 

ನಿಪುಣ ಸಲಹೆಗಾರರನ್ನು ಭೇಟಿ ಮಾಡಿ

ಹೂಡಿಕೆಯ ಯೋಜನೆ ತಯಾರಾದ ನಂತರ ಫಂಡ್ ಹೌಸ್ ಹಾಗೂ ಫಂಡ್ ಮ್ಯಾನೇಜರರನ್ನು ಗುರುತಿಸುವುದು ಮುಖ್ಯವಾಗುತ್ತದೆ. ನೀವು ಹೂಡಿಕೆಯನ್ನು ಜಾರಿಯಲ್ಲಿಟ್ಟಿರುವ ಪ್ರತಿದಿನವೂ ನಿಮ್ಮ ಹಣವನ್ನು ನಿರ್ವಹಣೆ ಮಾಡುವವರು ಫಂಡ್ ಮ್ಯಾನೇಜರ್. ನಿಮ್ಮ ಜೀವಮಾನದ ಉಳಿತಾಯವನ್ನೆಲ್ಲ ಅವರ ಭರವಸೆಯ ಮೇಲೆಯೇ ನೀವು ಹೂಡಿಕೆ ಮಾಡಿರುತ್ತೀರಿ.

"ಇದರಲ್ಲಿ ಸಾಕಷ್ಟು ಶಕ್ತಿ ಹಾಗೂ ಸಮಯ ವ್ಯಯವಾಗುತ್ತದೆ. ಆದರೆ ಒಮ್ಮೆ ಮೂಲ ಯೋಜನೆ ತಯಾರಾಯಿತೆಂದರೆ ಸಾಕು ಮುಂದಿನ ಎಲ್ಲ ಹೂಡಿಕೆ ಕೆಲಸಗಳು ಯಾಂತ್ರಿಕವಾಗಿ ನಡೆದುಕೊಂಡು ಹೋಗುತ್ತವೆ" ಎನ್ನುತ್ತಾರೆ ರಾಯ್.

ಹೂಡಿಕೆಯಲ್ಲಿ ವಿಭಿನ್ನತೆ ಇರಲಿ

ಸಿಪ್‌ನಲ್ಲಿ ಇರುವ ಎಲ್ಲ ಹಣವನ್ನು ಇಕ್ವಿಟಿ ಮಾರ್ಕೆಟ್‌ನಲ್ಲಿ ಸುರಿಯಲಾಗುವುದಿಲ್ಲ. ಹೂಡಿಕೆ ಮಾಡುವ ಮುನ್ನ ಅಪಾಯದ ಅಂಶಗಳನ್ನು ಗಮನಿಸಿ ವಿಭಿನ್ನವಾಗಿ ಹೂಡಿಕೆ ಮಾಡಲಾಗುತ್ತದೆ.

"ಮೊತ್ತವನ್ನು ವಿಭಾಗಿಸಿ ಇಕ್ವಿಟಿ ಹಾಗೂ ಡೆಬ್ಟ್‌ಗಳಲ್ಲಿ ಹೂಡಿಕೆ ಮಾಡುವುದು ಮ್ಯೂಚುವಲ್ ಫಂಡ್‌ಗಳ ವಿಶಿಷ್ಟತೆಯಾಗಿದೆ. ಹೂಡಿಕೆದಾರನ ರಿಸ್ಕ್ ತಡೆಯುವ ಸಾಮರ್ಥ್ಯವನ್ನು ಆಗಾಗ ಪರಿಶೀಲಿಸಿ ಅಗತ್ಯ ಬಿದ್ದಲ್ಲಿ ಹೂಡಿಕೆಯನ್ನು ಮರು ಹೊಂದಾಣಿಕೆ ಮಾಡಬೇಕಾಗುತ್ತದೆ.

ನೀವೊಬ್ಬ ಗಾರ್ಡನರ್ ಆಗಬೇಕು

ಒಮ್ಮೆ ಹಣವನ್ನು ಹೂಡಿಕೆ ಮಾಡಿ ಮರೆತುಬಿಡುವುದು ಸಿಪ್ ಯೋಜನೆಯ ಲಕ್ಷಣವಲ್ಲ. ನೀವು ಹೂಡಿಕೆಯನ್ನು ಆಗಾಗ ಪರಿಶೀಲಿಸುತ್ತಿರಬೇಕಾಗುತ್ತದೆ. ತೋಟದ ಮಾಲಿಯೊಬ್ಬ ಗಿಡಗಳನ್ನು ನೆಟ್ಟು ಅವುಗಳಿಗೆ ಪ್ರತಿದಿನ ನೀರು, ಗೊಬ್ಬರ ನೀಡುವಂತೆ ನೀವೂ ಸಹ ಒಬ್ಬ ಗಾರ್ಡನರ್ ರೀತಿಯಲ್ಲಿ ಸಿಪ್ ಯೋಜನೆಯನ್ನು ಪರಿಶೀಲಿಸಬೇಕಾಗುತ್ತದೆ.

"ಹೂಡಿಕೆದಾರರು ಒಟ್ಟಾರೆಯಾಗಿ ತಮ್ಮ ಹೂಡಿಕೆ ಹೇಗೆ ಕಾರ್ಯನಿರ್ವಹಣೆ ಮಾಡುತ್ತಿದೆ ಎಂಬುದನ್ನು ನೋಡುತ್ತಿದ್ದರೆ ಸಾಕು. ಅವರು ತೀರಾ ಕೆಳಹಂತಕ್ಕೆ ಹೋಗಿ ಗಮನಿಸುವ ಅಗತ್ಯವಿಲ್ಲ. ಆದರೆ ಸಿಪ್ ಯೋಜನೆಗಳಲ್ಲಿನ ಹೂಡಿಕೆಯನ್ನು ಮೇಲಿಂದ ಮೇಲೆ ಗಮನಿಸುತ್ತಿರುವುದು ಮಾತ್ರ ಕಡ್ಡಾಯವಾಗಿದೆ. ಒಂದು ನಿರ್ದಿಷ್ಟ ಬೆಂಚಮಾರ್ಕ್ ಆಧರಿಸಿ ಸಿಪ್ ಯೋಜನೆ ಹೇಗೆ ಕೆಲಸ ಮಾಡುತ್ತಿದೆ ಎಂಬುದನ್ನು ನೋಡುತ್ತಲೇ ಇರಬೇಕು ಹಾಗೂ ದೀರ್ಘಾವಧಿಯಲ್ಲಿ ಅದು ಎಷ್ಟು ಮೊತ್ತವನ್ನು ಸಂಗ್ರಹಿಸಬಹುದು ಎಂಬುದನ್ನು ಲೆಕ್ಕ ಹಾಕಬೇಕು" ಎಂಬುದು ಹಣಕಾಸು ತಜ್ಞರ ಸಲಹೆಯಾಗಿದೆ.

ನೆನಪಿರಲಿ..

ಕೋಟಿ ರೂಪಾಯಿ ನಿಮ್ಮದಾಗಿಸುವುದು

ನೀವು ಇಷ್ಟು ಹೊತ್ತಿನವರೆಗೆ ಹೂಡಿಕೆಯ ಮುಖ್ಯ ಅಂಶಗಳನ್ನು ತಿಳಿದುಕೊಂಡಿರುವಿರಿ. ಆದರೆ ಹೂಡಿಕೆ ಮಾಡಿ ಮರೆತು ಬಿಟ್ಟರೆ ಸಾಕಾಗದು. ಇಲ್ಲಿ ತಿಳಿಸಲಾದ ಎಲ್ಲ ವಿಷಯಗಳನ್ನು ಪಾಲಿಸಬೇಕಾಗುತ್ತದೆ. ಇನ್ನು ಕೆಲ ಸಿಸ್ಟೆಮ್ಯಾಟಿಕ್ ವಿತಡ್ರಾವಲ್ ಪ್ಲಾನ್ ಮೂಲಕ ನೀವು ನಿಯಮಿತವಾಗಿ ಆದಾಯ ಪಡೆಯಲಾರಂಭಿಸಬಹುದು. ರಿಟೈರಮೆಂಟ್ ಸಮಯ ಬಂದಾಗ ಈ ರೀತಿಯ ಯೋಜನೆ ತುಂಬಾ ಅನುಕೂಲಕರವಾಗಿರುತ್ತವೆ.

ಏನೇ ಆದರೂ ಹೂಡಿಕೆಯ ಉದ್ದೇಶವು ಯಾವಾಗಲೂ ಪವಿತ್ರವಾಗಿರುತ್ತದೆ ಹಾಗೂ ನಿಗದಿತ ಅವಧಿಯಲ್ಲಿ ಉದ್ದೇಶಿತ ಗುರಿಯನ್ನು ಸಾಧಿಸುವುದು, ಜೊತೆಗೆ ವಿವೇಕಯುತವಾಗಿ ರಿಸ್ಕ್ ನಿಭಾಯಿಸುವುದು ಹೂಡಿಕೆದಾರನ ಗುರಿಯಾಗಿರುತ್ತವೆ.

English summary

7 steps to make Rs 1 crore in the quickest time

How does one become a crorepati? We have all thought about this one question a lot. Is it really possible to have that number?
Story first published: Wednesday, March 20, 2019, 10:26 [IST]
Company Search
Enter the first few characters of the company's name or the NSE symbol or BSE code and click 'Go'

Get Latest News alerts from Kannada Goodreturns

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more