For Quick Alerts
ALLOW NOTIFICATIONS  
For Daily Alerts

2 ಲಕ್ಷದಲ್ಲಿ ಈ ಬಿಸಿನೆಸ್ ಆರಂಭಿಸಿ, ಪ್ರತಿ ತಿಂಗಳು 25 ಸಾವಿರ ಗಳಿಸಿ..

|

ಭಾರತದಲ್ಲಿ ಪ್ರತಿಯೊಬ್ಬರ ಮನೆಯಲ್ಲೂ ಪೂಜೆ-ಪುರಸ್ಕಾರ, ಧಾರ್ಮಿಕ ವಿಧಿವಿಧಾನಗಳ ಸಂದರ್ಭದಲ್ಲಿ ಧೂಪ,‌ ಅಗರಬತ್ತಿಯನ್ನು ಬಳಸುತ್ತಾರೆ. ಎಲ್ಲರೂ ದೇವರ ಪೂಜೆಗೆ ಅಗತ್ಯವಾಗಿ ಅಗರಬತ್ತಿ, ಧೂಪ ಹಚ್ಚುತ್ತಾರೆ. ಮನೆ ಪರಿಸರವನ್ನು ಪವಿತ್ರಗೊಳಿಸಲು ಧೂಪದ್ರವ್ಯ ಸ್ಥಾನ ಪಡೆದಿದೆ.

ಅಗರಬತ್ತಿ ಬಿಸಿನೆಸ್ ಅತಿ ಕಡಿಮೆ ಬಂಡವಾಳದಲ್ಲಿ ನಡೆಸಬಹುದಾಗಿರುವುದರಿಂದ ಯಾವುದೇ ಒಬ್ಬ ವ್ಯಕ್ತಿಯೂ ಅಗರಬತ್ತಿ-ಧೂಪದ ವ್ಯವಹಾರವನ್ನು ಪ್ರಾರಂಭಿಸಲು ಯೋಜಿಸಬಹುದು. ಭಾರತದಲ್ಲಿ ಅಗರಬತ್ತಿ, ಧೂಪಗಳಿಗೆ ಅತಿಹೆಚ್ಚು ಬೇಡಿಕೆ ಇರುವುದರಿಂದ ಭಾರೀ ಯಶಸ್ಸನ್ನು ಹೊಂದಬಹುದು. ಇದರ ಮಾರಾಟ ಕೂಡ ಸುಲಭ.

ಬಿಸಿನೆಸ್ ಬಜೆಟ್
 

ಬಿಸಿನೆಸ್ ಬಜೆಟ್

ಭಾರತದಲ್ಲಿ ಅಗರಬತ್ತಿ ತಯಾರಿಕೆ ಯಂತ್ರದ ಬೆಲೆ ರೂ. 35,000 ರಿಂದ 175,000 ವರೆಗೆ ಇರುತ್ತದೆ. ಈ ಯಂತ್ರದ ಮೂಕ ನೀವು 1 ನಿಮಿಷದಲ್ಲಿ 150 ರಿಂದ 200 ಅಗರಬತ್ತಿಗಳನ್ನು ತಯಾರಿಸಬಹುದು. ಅಗರಬತ್ತಿ ವ್ಯವಹಾರವನ್ನು ಹೇಗೆ ಪ್ರಾರಂಭಿಸಬಹುದು ಮತ್ತು ನೀವು ಎಷ್ಟು ಪ್ರಯೋಜನ ಪಡೆಯುತ್ತೀರಿ ಎಂಬುದನ್ನು ತಿಳಿಯೋಣ ಬನ್ನಿ. ಮಶಿನ್ ಮೂಲಕ ಬಿಸಿನೆಸ್ ಆರಂಭಿಸಿದರೆ ನಿಮಗೆ 3-5 ಲಕ್ಷದವರೆಗೆ ಖರ್ಚು ಬರಬಹುದು. ಇದು ನೀವು ಖರೀದಿ ಮಾಡುವ ಮಶಿನ್, ಕಚ್ಚಾ ವಸ್ತುಗಳು ಹಾಗೂ ಬಾಡಿಗೆ, ಕೆಲಸಗಾರರ ಸಂಬಳವನ್ನು ಆಧರಿಸಿರುತ್ತದೆ.

ಅಗರಬತ್ತಿ ತಯಾರಿಸುವಿಕೆ

ಅಗರಬತ್ತಿಯನ್ನು ತಯಾರಿಸಲು ಹಲವು ರೀತಿಯ ಯಂತ್ರಗಳನ್ನು ಬಳಸಲಾಗುತ್ತದೆ. ಇವುಗಳಲ್ಲಿ ಮಿಕ್ಸರ್ ಯಂತ್ರ, ಡ್ರೈಯರ್ ಯಂತ್ರ ಮತ್ತು ಮುಖ್ಯ ಉತ್ಪಾದನಾ ಯಂತ್ರಗಳು ಒಳಗೊಂಡಿವೆ. ಮಿಶ್ರಣ ಯಂತ್ರವು ಕಚ್ಛಾ ವಸ್ತು ಪೇಸ್ಟ್ ಮಾಡಲು ಮತ್ತು ಮುಖ್ಯ ಉತ್ಪಾದನಾ ಯಂತ್ರವನ್ನು ಬಿದಿರಿನ ಮೇಲೆ ಅಂಟು ಹಚ್ಚುವ ಕೆಲಸ ಮಾಡುತ್ತದೆ. ಅಟೋಮೆಟಿಕ್ ಅಗರಬತ್ತಿ ಮಶಿನ್ ಕೂಡ ಲಭ್ಯವಿದ್ದು, ಬಜೆಟ್ ಮೇಲೆ ನೀವು ಮಶಿನ್ ಖರೀದಿ ಮಾಡಬಹುದು. ಬಜೆಟ್ ಗೆ ಅನುಸಾರವಾಗಿ ಯಂತ್ರ ಪೂರೈಕೆದಾರರೊಂದಿಗೆ ವ್ಯವಹರಿಸಿ ಯಂತ್ರಗಳನ್ನು ಆಯ್ಕೆ ಮಾಡಿ ಮಶಿನ್ ಇನಸ್ಟಾಲೇಶನ್ ಮಾಡಿ. ಬಿಸಿನೆಸ್ ಆರಂಭಿಸುವ ಮುನ್ನ ಯಂತ್ರಗಳ ಬಳಕೆ ಮಾಡಲು ತರಬೇತಿ ಪಡೆಯುವುದು ಅಗತ್ಯವಾಗಿದೆ.

ಯಂತ್ರಗಳ ವೆಚ್ಚ

ಭಾರತದಲ್ಲಿ ಅಗರಬತ್ತಿ ತಯಾರು ಮಾಡುವ ಮಶಿನ್ ಬೆಲೆ ರೂ. 35,000 ರಿಂದ 175,000 ವರೆಗಿನ ಮೊತ್ತದ ಯಂತ್ರಗಳನ್ನು ಖರೀದಿಸಬಹುದು. ಇದಕ್ಕಿಂತ ಕಡಿಮೆ ವೆಚ್ಚದ ಯಂತ್ರದ ಮೂಲಕ ಉತ್ಪಾದನೆ ಕಡಿಮೆಯಾಗುತ್ತದೆ. ಅದರಿಂದ ನೀವು ಹೆಚ್ಚು ಲಾಭ ಪಡೆಯಲು ಸಾಧ್ಯವಾಗುವುದಿಲ್ಲ. ನನ್ನ ಸಲಹೆಯು ನೀವು ಅಟೋಮೆಟಿಕ್ (ಸ್ವಯಂಚಾಲಿತ) ಯಂತ್ರದೊಂದಿಗೆ ಬಿಸಿನೆಸ್ ಆರಂಭಿಸಿದರೆ ಅಗರಬತ್ತಿ ಉತ್ಪಾದನೆ ವೇಗವಾಗಿರುತ್ತದೆ. ಅಲ್ಲದೇ ಲಾಭ ಕೂಡ ಹೆಚ್ಚಿರುತ್ತದೆ. ಸ್ವಯಂಚಾಲಿತ ಯಂತ್ರದ ಬೆಲೆ ರೂ. 90000 ರಿಂದ 175,000 ನಡುವೆ ಇದೆ.

ಅಗರಬತ್ತಿ ಕಚ್ಛಾ ಸಾಮಗ್ರಿಗಳ ಸರಬರಾಜು
 

ಅಗರಬತ್ತಿ ಕಚ್ಛಾ ಸಾಮಗ್ರಿಗಳ ಸರಬರಾಜು

ಯಂತ್ರ ಇನಸ್ಟಾಲ್ ಮಾಡಿದ ನಂತರ, ಕಚ್ಚಾ ವಸ್ತುಗಳ ಪೂರೈಕೆಗಾಗಿ ಮಾರುಕಟ್ಟೆಯ ಉತ್ತಮ ಸರಬರಾಜುದಾರರನ್ನು ಸಂಪರ್ಕಿಸಿ. ಉತ್ತಮ ಪೂರೈಕೆದಾರರ ಪಟ್ಟಿ ಪಡೆಯಲು ಈಗಾಗಲೇ ಅಗರಬತ್ತಿ ಉದ್ಯಮದಲ್ಲಿ ವ್ಯವಹಾರ ಹೊಂದಿರುವ ಜನರಿಂದ ನೀವು ಸಹಾಯ ಪಡೆಯಬಹುದು. ಕಚ್ಚಾ ಸಾಮಗ್ರಿಗಳನ್ನು ಯಾವಾಗಲೂ ಸಾಮಾನ್ಯಕ್ಕಿಂತ ಸ್ವಲ್ಪ ಹೆಚ್ಚು ಖರೀದಿಸಿ, ಏಕೆಂದರೆ ಅದರ ಕೆಲ ಭಾಗ ತ್ಯಾಜ್ಯಕ್ಕೆ ಹೋಗುತ್ತದೆ.

ಅಗರಬತ್ತಿ ತಯಾರಿಸುವ ಪದಾರ್ಥಗಳು

ಅಗರಬತ್ತಿ ತಯಾರಿಸಲು ಬೇಕಾಗುವ ಪದಾರ್ಥಗಳೆಂದರೆ ಗಮ್ ಪುಡಿ, ಇದ್ದಿಲು ಪುಡಿ, ಬಿದಿರು, ನರ್ಗಿಸ್ ಪುಡಿ, ಸುಗಂಧ ತೈಲಗಳು, ನೀರು, ಸೆಂಟ್, ಹೂವಿನ ದಳಗಳು, ಶ್ರೀಗಂಧದ ಮರ, ಜೆಲಾಟಿನ್ ಕಾಗದ, ಶಾ ಧೂಳು, ಪ್ಯಾಕಿಂಗ್ ಸಾಮಗ್ರಿಗಳು ಇತ್ಯಾದಿ.

ಪ್ಯಾಕಿಂಗ್ & ಮಾರ್ಕೆಟಿಂಗ್

ನಿಮ್ಮ ಉತ್ಪನ್ನವು ನಿಮ್ಮ ವಿನ್ಯಾಸದ ಪ್ಯಾಕಿಂಗ್ ನಲ್ಲಿ ಮಾರಾಟವಾಗುತ್ತದೆ. ಪ್ಯಾಕಿಂಗ್ ಮಾಡಲು ಪ್ಯಾಕೇಜಿಂಗ್ ತಜ್ಞರನ್ನು ಸಂಪರ್ಕಿಸಿ, ನಿಮ್ಮ ಪ್ಯಾಕೇಜಿಂಗ್ ವಿನ್ಯಾಸವನ್ನು ಆಕರ್ಷಕವಾಗಿ ಮಾಡಿ. ಪ್ಯಾಕೇಜಿಂಗ್ ಮೂಲಕ ಜನರ ಧಾರ್ಮಿಕತಾ ಭಾವವನ್ನು ಸ್ಪರ್ಶಿಸಲು ಪ್ರಯತ್ನಿಸಿ. ಅಗರಬತ್ತಿ ಮಾರಾಟಕ್ಕಾಗಿ ಟಿವಿ, ಪತ್ರಿಕೆಗಳಲ್ಲಿ ಜಾಹೀರಾತುಗಳನ್ನು ನೀಡಬಹುದು. ಇದಲ್ಲದೆ, ಕಂಪನಿಯ ಆನ್ಲೈನ್ ​​ವೆಬ್ಸೈಟ್ ತಯಾರಿಸಿ ನಿಮ್ಮ ವಿವಿಧ ಉತ್ಪನ್ನಗಳನ್ನು ಮಾರಾಟ ಮಾಡಿ.

ಅಗರಬತ್ತಿ ಮಾಡಲು ಸಮಯ

ನೀವು ಬಳಸುವ ಯಂತ್ರಗಲ ಪ್ರಕಾರ, ಅಗರಬತ್ತಿ ತಯಾರಿಸುವ ಸಮಯ ವಿಭಿನ್ನವಾಗಿರಬಹುದು. ನೀವು ಅಟೋಮೆಟಿಕ್ ಯಂತ್ರವನ್ನು ಬಳಸುತ್ತಿದ್ದರೆ, ನಂತರ ನೀವು 1 ನಿಮಿಷದಲ್ಲಿ 150 ರಿಂದ 200 ಅಗರಬತ್ತಿಗಳನ್ನು ತಯಾರಿಸಬಹುದು. ಒಂದು ವೇಳೆ ನಿಮ್ಮ ಕೈಯಲ್ಲಿ ಉತ್ಪಾದಿಸುತ್ತಿದ್ದರೆ ಅದು ತೆಗೆದುಕೊಳ್ಳುವ ಸಮಯ ನಿಮ್ಮ ಅಥವಾ ನೌಕರರ ಕೆಲಸದ ಸಾಮರ್ಥ್ಯವನ್ನು ಅವಲಂಬಿಸಿರುತ್ತದೆ.

ಅಗರಬತ್ತಿ ಬಿಸಿನೆಸ್ ಆರಂಭಿಸಲು ತಗಲುವ ವೆಚ್ಚ

ಅಗರಬತ್ತಿ ವ್ಯಾಪಾರವನ್ನು ಮನೆಯಲ್ಲಿ ತಯಾರಿಸಲು ಬಯಸಿದ್ದರೆ ಕೇವಲ ರೂ. 13,000 ವೆಚ್ಚದಲ್ಲಿ ಆರಂಭಿಸಬಹುದು. ಆದರೆ ನೀವು ಅಗರಬತ್ತಿ ವ್ಯವಹಾರವನ್ನು ಮಶೀನ್ ಗಳ ಮೂಲಕ ಆರಂಭಿಸಲು ಬಯಸಿದರೆ ಸುಮಾರು 5 ಲಕ್ಷದವರೆಗೆ ವೆಚ್ಚವಾಗುತ್ತದೆ. ಬೇಕಾಗುವ ಕಚ್ಚಾ ವಸ್ತುಗಳು ಮತ್ತು ಅಂದಾಜು ವೆ್ಚ್ಚವನ್ನು ಇಲ್ಲಿ ವಿವರಿಸಲಾಗಿದೆ.

ಚಾರ್ಕೋಲ್ ಡಸ್ಟ್ 1 ಕೆ.ಜಿ. 13 ರೂಪಾಯಿ,

ಜಿಗಾತ್ ಪುಡಿ 1 ಕೆ.ಜಿ. 60

ಬಿಳಿ ಚಿಪ್ಸ್ ಪುಡಿ 1 ಕೆಜಿ 22 ರೂಪಾಯಿ

ಗಂಧದ ಪುಡಿ 1 ಕೆಜಿ 35 ರೂಪಾಯಿ

ಬಿದಿರು ಸ್ಟಿಕ್ 1 ಕೆಜಿ 116 ರೂಪಾಯಿ

ಸುಗಂಧ 1 ತುಂಡು 400 ರೂಪಾಯಿ

1 ಲೀಟರ್ ಅದ್ದು 135 ರೂಪಾಯಿ

ಪೇಪರ್ ಬಾಕ್ಸ್ 1 ಡಜನ್ 75 ರೂಪಾಯಿ

ಸುತ್ತುವ ಕಾಗದ 1 ಪ್ಯಾಕೆಟ್ 35 ರೂಪಾಯಿ ಮತ್ತು ಕುಪ್ಪಮ್ ಡಸ್ಟ್ 1 ಕಿಲೋ 85 ರೂಪಾಯಿ.

ಪ್ರತಿ ತಿಂಗಳ ಗಳಿಕೆ

ಅಟೋಮೆಟಿಕ್ ಯಂತ್ರದ ಮೂಲಕ ಪ್ರತಿ ದಿನಕ್ಕೆ 100 ಕಿ.ಗ್ರಾಂ ಅಗರಬತ್ತಿ ಉತ್ಪಾದಿಸಬಹುದು. ವರ್ಷಕ್ಕೆ ನೀವು 30 ಲಕ್ಷದಷ್ಟು ಬಿಸಿನೆಸ್ ಮಾಡುತತ್ತಿರಿ ಎಂದಾದರೆ ಶೇ. 10ರಷ್ಟು ಲಾಭದ ಜೊತೆ 3 ಲಕ್ಷ ರೂಪಾಯಿ ಗಳಿಕೆ ಮಾಡಬಹುದು. ಅಂದರೆ ಪ್ರತಿ ತಿಂಗಳು ರೂ. 25 ಸಾವಿರ ಆದಾಯ ಗಳಿಸಬಹುದು.

English summary

start agarbati making business with 2 lakh earn 25 thousand monthly

You can start Agarbati making business with 2 lakh earn 25 thousand every month. this is one of best business idea.
Company Search
Enter the first few characters of the company's name or the NSE symbol or BSE code and click 'Go'
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more