For Quick Alerts
ALLOW NOTIFICATIONS  
For Daily Alerts

ಭವಿಷ್ಯದ ಬಗ್ಗೆ ಯೋಚಿಸಿ; ಆರೋಗ್ಯ ವಿಮೆ ಸ್ವಾವಲಂಬನೆ ಬಗ್ಗೆ ನಿರ್ಧರಿಸಿ

By ಕೆ.ಜಿ.ಕೃಪಾಲ್
|

ಮಕ್ಕಳ ಶಿಕ್ಷಣ, ಸ್ವಂತ ಹಾಗೂ ಅವಲಂಬಿತರ ಆರೋಗ್ಯ ತುರ್ತು ಸಂದರ್ಭಗಳು ಎದುರಾದರೆ ಏನು ಮಾಡಬೇಕು ಎಂಬುದು ಈ ದೇಶದಲ್ಲಿನ ಹತ್ತಕ್ಕೆ ಒಂಬತ್ತು ಮಂದಿಯ ಚಿಂತೆಯಾಗಿರುತ್ತದೆ. ಅಯ್ಯೋ, ಈಗಿರುವ ಕೆಲಸದಿಂದ ತೆಗೆದುಹಾಕಿದರೆ ಏನು ಮಾಡಬೇಕು? ಇದು ಕೂಡ ಚಿಂತೆಯೇ. ಸಾಮಾಜಿಕ ಭದ್ರತೆ (ಸೋಶಿಯಲ್ ಸೆಕ್ಯೂರಿಟಿ) ಎಂಬುದು ಎಲ್ಲರ ಪಾಲಿನ ಅಗತ್ಯ.

ಈ ಭದ್ರತೆಯನ್ನು ಅವಶ್ಯಕತೆಗೆ ತಕ್ಕಂತೆ ನಾವೇ ಮಾಡಿಕೊಳ್ಳಬಹುದು. ಉಳಿತಾಯ ಯೋಜನೆಗಳು ಹಿಂದಿನ ದಿನಗಳಲ್ಲಿದ್ದಂತೆ ಆಕರ್ಷಣೀಯವಾಗಿ ಇಲ್ಲ. ಉಳಿತಾಯ ಶೈಲಿಯಿಂದ ಜೀವನವು ಕೊಳ್ಳುಬಾಕತನದತ್ತ ವಾಲಿಕೊಂಡು ದಶಕಗಳೇ ಆಗಿ, ಸಾಮಾನ್ಯರ ಬವಣೆ ತಪ್ಪಿಲ್ಲ.

ಕಡಿಮೆ ಬಂಡವಾಳದಲ್ಲಿ ಕೈತುಂಬಾ ಹಣ ಗಳಿಸಬಹುದಾದ 20 ಬಿಸಿನೆಸ್ ಐಡಿಯಾ

 

ಕೊಳ್ಳುಬಾಕತನದ ಕಾರಣ ಸೇವಿಂಗ್ಸ್ ಯೋಜನೆಗಳು ಪಕ್ಕಕ್ಕೆ ಸರಿದವು, ಮಾರ್ಕೆಟಿಂಗ್ ಯೋಜನೆಗಳು ತಾಂಡವವಾಡುತ್ತಿವೆ. ಭಾರತೀಯ ರಿಸರ್ವ್ ಬ್ಯಾಂಕ್ ತನ್ನ ಕ್ರೆಡಿಟ್ ಪಾಲಿಸಿಯಲ್ಲಿ ಬ್ಯಾಂಕ್ ಬಡ್ಡಿದರವನ್ನು ಕಡಿತಗೊಳಿಸುತ್ತಿರುವುದು, ಪಿಂಚಣಿ ವ್ಯವಸ್ಥೆ ಮಾಯವಾಗಿರುವ ಈಗಿನ ದಿನಗಳಲ್ಲಿ ತಮ್ಮ ಮಾಸಿಕ ಅಗತ್ಯಕ್ಕೆ ಬೇಕಾದ ಹಣವನ್ನು ಒದಗಿಸಿಕೊಳ್ಳುವುದು ನಿವೃತ್ತರಿಗೂ, ವೃದ್ಧರಿಗೂ, ಬ್ಯಾಂಕ್ ಬಡ್ಡಿಯನ್ನೇ ಆಧರಿಸಿದ ಅವಲಂಬಿತರಿಗೂ ಕಠಿಣವಾಗಿದೆ.

ಭವಿಷ್ಯದ ಬಗ್ಗೆ ಯೋಚಿಸಿ; ಆರೋಗ್ಯ ವಿಮೆ ಸ್ವಾವಲಂಬನೆ ಬಗ್ಗೆ ನಿರ್ಧರಿಸಿ

ಈ ಕಾರಣದಿಂದ ಬ್ಯಾಂಕೇತರ ಖಾಸಗಿ ಯೋಜನೆಗಳ ಮೂಲಕ ಹೆಚ್ಚಿನ ಆದಾಯ ಗಳಿಸುವ ಪ್ರಯತ್ನವನ್ನು ಮಾಡುವ ಅನಿವಾರ್ಯ ಉಂಟಾಗಿದೆ. ಈ ಅನಿವಾರ್ಯದಿಂದಾಗಿ ಅನೇಕ 'ಪೊಂಜಿ ಯೋಜನೆ'ಗಳು ತಲೆ ಎತ್ತುವಂತೆ ಆಗಿದೆ. ಇತ್ತೀಚಿನ ಐಎಂಎ ಜ್ಯುವೆಲ್ಲರ್ಸ್, ಹಿಂದಿನ ವರ್ಷದ ಅಂಬಿಡೆಂಟ್ ಮಾರ್ಕೆಟಿಂಗ್, ಅದರ ಹಿಂದೆ ವಿಕ್ರಂ ಇನ್ವೆಸ್ಟ್ ಮೆಂಟ್, ವಿನಿವಿಂಕ್ ಮುಂತಾದ ಹತ್ತಾರು ಸಂಸ್ಥೆಗಳಲ್ಲಿ ಹೂಡಿಕೆ ಮಾಡಿದ್ದವರು ಮೋಸ ಹೋಗಿದ್ದಾರೆ.

ಪಿಪಿಎಫ್, ಸುಕನ್ಯಾ ಸಮೃದ್ದಿ, ಕೆವಿಪಿ ಸೇರಿ ಸಣ್ಣ ಉಳಿತಾಯ ಯೋಜನೆಗಳ ಬಡ್ಡಿದರ ಇಳಿಕೆ

ಇಎಂಐಗಳನ್ನು ನಿಭಾಯಿಸವುದು ಕಠಿಣವಾಗಿದೆ

ಹೊರನೋಟಕ್ಕೆ ದೇಶವು ಪ್ರಗತಿಯ ನಾಗಾಲೋಟದಲ್ಲಿ ಸಾಗಿದೆಯಾದರೂ ಆಂತರಿಕವಾಗಿ ಜನಸಾಮಾನ್ಯರ ಬವಣೆ ಹೇಳತೀರದು. ವೃತ್ತಿಪರರು ತಾವು ಕಟ್ಟಬೇಕಾದ ಇಎಂಐಗಳನ್ನು ನಿಭಾಯಿಸವುದು ಕಠಿಣವಾಗಿದೆ. ಸಾಮಾಜಿಕ ಭದ್ರತೆಗಾಗಿ ತೆಗೆದುಕೊಂಡಿರುವ ಜೀವ ವಿಮಾ ಪಾಲಿಸಿ, ಅರೋಗ್ಯ ವಿಮೆಗಳ ಪ್ರೀಮಿಯಂ ಪದೇ ಪದೇ ಏರಿಕೆ ಮಾಡಲಾಗುತ್ತಿದೆ. ಅದು ಯಾವ ಮಟ್ಟದಲ್ಲಿ ಏರಿಕೆ ಕಾಣುತ್ತಿವೆ ಎಂದರೆ 2017-18 ರಲ್ಲಿ ರು.7,000 ದಷ್ಟಿದ್ದಂತಹ ಅರೋಗ್ಯ ವಿಮಾ ಪ್ರೀಮಿಯಂ 2018-19ರಲ್ಲಿ ರು.11,500ಕ್ಕೆ ಏರಿಕೆ ಕಂಡಿದೆ.

ಈ ರೀತಿಯ ಅಸಹಜ ಏರಿಕೆಯನ್ನು ಮಾಡಿದ ವಿಮಾ ಕಂಪೆನಿಗಳೂ ವ್ಯವಹಾರಿಕತೆ ಹಾದಿಯಲ್ಲಿ ಸಾಗಿವೆ ಮತ್ತು ನಾಗರಿಕರ ಅನಿವಾರ್ಯವನ್ನು ತಮ್ಮ ಅನುಕೂಲಕ್ಕೆ ಬಳಸಿಕೊಂಡು ಹಿಂಸಿಸುತ್ತಿವೆ. ಈಗಿನ ಷೇರುಪೇಟೆಯಲ್ಲಿ ದಿ ನ್ಯೂ ಇಂಡಿಯಾ ಅಶುರನ್ಸ್ ಕಂಪೆನಿ 2017ರಲ್ಲಿ ಪ್ರತಿ ಷೇರಿಗೆ ರು.800 ರಂತೆ, ಜನರಲ್ ಇನ್ಷೂರೆನ್ಸ್ ಕಾರ್ಪೊರೇಷನ್ 2017ರಲ್ಲಿ ಪ್ರತಿ ಷೇರಿಗೆ ರು.912ರಂತೆ ಐಪಿಒ ಮೂಲಕ ಷೇರು ವಿತರಿಸಿದವು.

ಚಿಲ್ಲರೆ ಹೂಡಿಕೆದಾರರಿಗೆ ತೆರಿಗೆ ವಿನಾಯಿತಿ!

1:1ರ ಬೋನಸ್ ಷೇರು ವಿತರಿಸಿದ ನಂತರ ಷೇರಿನ ಬೆಲೆ ಕ್ರಮವಾಗಿ ರು.150 ಮತ್ತು ರು.226ರ ಸಮೀಪವಿದ್ದು, ಷೇರುದಾರರ ಬಂಡವಾಳ, ನಂಬಿಕೆಯನ್ನು ಕರಗಿಸಿವೆ. ಸಾರ್ವಜನಿಕ ವಲಯದ ಸಾಮಾನ್ಯ ವಿಮಾ ಕಂಪೆನಿಗಳು ಷೇರುಪೇಟೆಯಲ್ಲಿ ಹೂಡಿಕೆದಾರರಿಗೆ ಹಾನಿಯುಂಟು ಮಾಡಿದರೆ, ವಿಮಾ ಪಾಲಿಸಿದಾರರಿಗೆ ಹೆಚ್ಚಿನ ಪ್ರೀಮಿಯಂ ವಸೂಲಿ ಮಾಡುವ ಮೂಲಕ ಬರೆ ಎಳೆಯುತ್ತಿವೆ.

ಪರ್ಯಾಯ ಸಾಧ್ಯತೆಗಳ ಬಗ್ಗೆ ಗಮನ ಹರಿಸಿ

 

ಪರ್ಯಾಯವಾಗಿ ಕೆಲವು ಬ್ಯಾಂಕ್ ಗಳು ಅಂದರೆ ಕರ್ನಾಟಕ ಬ್ಯಾಂಕ್, ಕರೂರು ವೈಶ್ಯ ಬ್ಯಾಂಕ್ ಗಳು ತೇಲಿ ಬಿಟ್ಟಿರುವ ಕ್ರಮವಾಗಿ ಶೇ.12 ಮತ್ತು ಶೇ.11.95 ರಂತೆ ವಾರ್ಷಿಕ ಬಡ್ಡಿ ನೀಡುವ ನಾನ್ ಕನ್ವರ್ಟಬಲ್ ಡಿಬೆಂಚರ್ ಗಳಲ್ಲಿ ಹೂಡಿಕೆ ಮಾಡಿ, ಅದರ ಮೂಲಕ ಬರುವ ಬಡ್ಡಿ ಹಣವನ್ನು ಸೇರಿಸಿ ಪ್ರತ್ಯೇಕವಾಗಿ ಇರಿಸಿಕೊಂಡಲ್ಲಿ ಅದು ವಿಮಾ ಪಾಲಿಸಿಯ ಮೊತ್ತದ ಹಣಕ್ಕೆ ಸಮಾನವಾಗಿರುತ್ತದೆ.

ಉದಾಹರಣೆಗೆ ಕರ್ನಾಟಕ ಬ್ಯಾಂಕ್ ಶೇ.12ರಷ್ಟು ವಾರ್ಷಿಕ ಬಡ್ಡಿ ನೀಡುವುದರಿಂದ ರು.5 ಲಕ್ಷ ಮೌಲ್ಯದ ಬಾಂಡ್ ಖರೀದಿ ಮಾಡಿದಲ್ಲಿ ಪ್ರತಿ ವರ್ಷ ರು.60 ಸಾವಿರ ಹಣ ಬಡ್ಡಿ ರೂಪದಲ್ಲಿ ಬರುತ್ತದೆ. ಐದು ವರ್ಷಗಳಲ್ಲಿ ರು.3 ಲಕ್ಷ ಹಣ ಶೇಖರಣೆ ಆಗುವುದು. ಇದನ್ನು ಪ್ರತ್ಯೇಕವಾಗಿರಿಸಿ ಆರೋಗ್ಯದ ವೆಚ್ಚಕ್ಕಾಗಿ ಮೀಸಲಿಟ್ಟರೆ ಯಾವ ವಿಮಾ ಸಂಸ್ಥೆಗಳನ್ನೂ ಅವಲಂಬಿಸದೇ ಸ್ವಾವಲಂಬಿಗಳಾಗಬಹುದು.

ಇದು ವಿಶೇಷವಾಗಿ ಯುವಕರು ತಮ್ಮ ವೃತ್ತಿಯ ಆರಂಭಿಕ ದಿನಗಳಲ್ಲಿ ದುಂದುವೆಚ್ಚದ ಕಡೆ ಗಮನಹರಿಸದೇ, ಇಎಂಐಗಳ ಬಾಧೆಯಿಂದ ಮುಕ್ತರಾಗಿ ಈ ರೀತಿಯ ಯೋಜನೆ ಅಳವಡಿಸಿಕೊಂಡಲ್ಲಿ ಆರ್ಥಿಕ ಸಾಕ್ಷರತೆಯನ್ನು ಸಾಧಿಸಿದಂತಾಗುತ್ತದೆ.

English summary

Health insurance alternative by the way of investment

Health insurance alternative by the way of investment. Here is the best alternative investment idea by financial analyst and columnist K.G.Krupal.
Company Search
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more