For Quick Alerts
ALLOW NOTIFICATIONS  
For Daily Alerts

ಕೇಂದ್ರ ಬಜೆಟ್ 2020: ಆದಾಯ ತೆರಿಗೆಯಲ್ಲಿನ ಬದಲಾವಣೆಯ ಸಂಪೂರ್ಣ ಮಾಹಿತಿ

|

ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಸಂಸತ್ತಿನಲ್ಲಿ ನೇರ ತೆರಿಗೆ ದರಗಳಲ್ಲಿ ಏನೆಲ್ಲಾ ಬದಲಾವಣೆ ತರಲಿದ್ದಾರೆ ಎಂದು ಇಡೀ ಭಾರತವೇ ಎದುರು ನೋಡುತ್ತಿತ್ತು. ಅದರಲ್ಲೂ ತೆರಿಗೆದಾರರು ಅಂದುಕೊಂಡಂತೆ ಈ ಬಾರಿ ಭರ್ಜರಿ ಕೊಡುಗೆಯನ್ನೇ ನೀಡಿದ್ದಾರೆ. ಆದಾಯ ತೆರಿಗೆ ದರಗಳಲ್ಲಿ ಮಹತ್ತರ ಬದಲಾವಣೆ ತರಲಾಗಿದೆ.

ಪ್ರಸ್ತುತ ಇರುವ ಆದಾಯ ತೆರಿಗೆ ದರಗಳನ್ನು ಬದಲಾಯಿಸಿದ್ದು, ಎಷ್ಟು ಆದಾಯಕ್ಕೆ ಎಷ್ಟು ತೆರಿಗೆ ವಿಧಿಸಲಾಗಿದೆ ಹಾಗೂ ಏನೆಲ್ಲಾ ಬದಲಾವಣೆ ತರಲಾಗಿದೆ ಎಂಬುದರ ಸಂಪೂರ್ಣ ಮಾಹಿತಿ ಈ ಕೆಳಕಂಡಂತಿದೆ.

5 ಲಕ್ಷದವರೆಗೆ ಆದಾಯ : ಯಾವುದೇ ತೆರಿಗೆ ಇಲ್ಲ
 

5 ಲಕ್ಷದವರೆಗೆ ಆದಾಯ : ಯಾವುದೇ ತೆರಿಗೆ ಇಲ್ಲ

ಕೇಂದ್ರ ಸರ್ಕಾರ ಮಧ್ಯಮ ವರ್ಗದ ಕುಟುಂಬಗಳಿಗೆ ತೆರಿಗೆ ಅನುಕೂಲವಾಗಲೆಂದು ಆರಂಭಿಕ ಆದಾಯ ತೆರಿಗೆ ದರಗಳಲ್ಲಿ ಇಳಿಸಿದೆ. ಪ್ರಸ್ತುತ 2.5 ಲಕ್ಷದಿಂದ 5 ಲಕ್ಷದವರೆಗೆ ಆದಾಯ ಪಡೆಯುವವರಿಗೆ 5 ಪರ್ಸೆಂಟ್ ತೆರಿಗೆಯನ್ನು ಕಟ್ಟಬೇಕಿತ್ತು. ಆದರೆ ಹೊಸ ತೆರಿಗೆ ಅನ್ವಯ ಇನ್ಮುಂದೆ 5 ಲಕ್ಷದವರೆಗೆ ಆದಾಯ ಪಡೆಯುವವರಿಗೆ ಯಾವುದೇ ತೆರಿಗೆ ಅನ್ವಯಿಸುವುದಿಲ್ಲ.

5 ರಿಂದ 7.5  ಲಕ್ಷದವರೆಗೆ ಆದಾಯ :  10 ಪರ್ಸೆಂಟ್ ತೆರಿಗೆ

5 ರಿಂದ 7.5 ಲಕ್ಷದವರೆಗೆ ಆದಾಯ : 10 ಪರ್ಸೆಂಟ್ ತೆರಿಗೆ

5 ರಿಂದ 7.5 ಲಕ್ಷದವರೆಗೆ ಆದಾಯ ಪಡೆಯುವವರು ಪ್ರಸ್ತುತ 20 ಪರ್ಸೆಂಟ್ ಆದಾಯ ತೆರಿಗೆಯನ್ನು ಪಾವತಿಸಬೇಕಾಗಿತ್ತು. ಆದರೆ ಈ ತೆರಿಗೆ ದರಗಳಲ್ಲಿ 2020ರ ಕೇಂದ್ರ ಬಜೆಟ್‌ನಲ್ಲಿ 10 ಪರ್ಸೆಂಟ್ ಇಳಿಕೆ ಮಾಡಲಾಗಿದೆ. ಹೀಗಾಗಿ 5 ರಿಂದ 7.5 ಲಕ್ಷದವರೆಗೆ ಆದಾಯ ಪಡೆಯುವವರು 10 ಪರ್ಸೆಂಟ್‌ ನಷ್ಟು ತೆರಿಗೆಯನ್ನು ಪಾವತಿಸಬೇಕಿದೆ.

 7.5 ರಿಂದ 10 ಲಕ್ಷದವರೆಗೆ ಆದಾಯ : 15 ಪರ್ಸೆಂಟ್ ತೆರಿಗೆ

7.5 ರಿಂದ 10 ಲಕ್ಷದವರೆಗೆ ಆದಾಯ : 15 ಪರ್ಸೆಂಟ್ ತೆರಿಗೆ

7.5 ರಿಂದ 10 ಲಕ್ಷದವರೆಗೆ ಆದಾಯ ಪಡೆಯುವ ಜನರು ಪ್ರಸ್ತುತ 20 ಪರ್ಸೆಂಟ್ ಆದಾಯ ತೆರಿಗೆಯನ್ನು ಪಾವತಿಸಬೇಕಾಗಿತ್ತು. ಈ ದರಗಳಲ್ಲಿ 5 ಪರ್ಸೆಂಟ್‌ನಷ್ಟು ಇಳಿಕೆಯಾಗಿದ್ದು, ಇನ್ಮುಂದೆ 15 ಪರ್ಸೆಂಟ್‌ನಷ್ಟೇ ತೆರಿಗೆ ಪಾವತಿಸುವ ಅವಕಾಶ ಒದಗಿ ಬಂದಿದೆ.

10 ರಿಂದ 12.5 ಲಕ್ಷದವರೆಗೆ ಆದಾಯ : 20 ಪರ್ಸೆಂಟ್ ತೆರಿಗೆ
 

10 ರಿಂದ 12.5 ಲಕ್ಷದವರೆಗೆ ಆದಾಯ : 20 ಪರ್ಸೆಂಟ್ ತೆರಿಗೆ

10 ರಿಂದ 12.5 ಲಕ್ಷದವರೆಗೆ ಆದಾಯ ಗಳಿಸುವ ಜನರು ಗರಿಷ್ಟ ಆದಾಯ ತೆರಿಗೆ ದರವಾದ 30 ಪರ್ಸೆಂಟ್‌ನಷ್ಟು ತೆರಿಗೆಯನ್ನು ಪಾವತಿಸುತ್ತಿದ್ದರು. ಆದರೆ ಈ ತೆರಿಗೆ ದರಗಳಲ್ಲೂ ಬದಲಾವಣೆ ತರಲಾಗಿದ್ದು 30 ಪರ್ಸೆಂಟ್‌ನಿಂದ 20 ಪರ್ಸೆಂಟ್‌ಗೆ ತೆರಿಗೆ ಇಳಿಸಲಾಗಿದೆ. ಈ ಮೂಲಕ ಪ್ರಾಮಾಣಿಕವಾಗಿ ತೆರಿಗೆ ಪಾವತಿಸುವವರಿಗೆ 10 ಪರ್ಸೆಂಟ್ ನಷ್ಟು ತೆರಿಗೆ ಹಣ ಉಳಿತಾಯವಾಗಲಿದೆ.

12.5 ರಿಂದ 15 ಲಕ್ಷದವರೆಗೆ ಆದಾಯ: 25 ಪರ್ಸೆಂಟ್ ತೆರಿಗೆ

12.5 ರಿಂದ 15 ಲಕ್ಷದವರೆಗೆ ಆದಾಯ: 25 ಪರ್ಸೆಂಟ್ ತೆರಿಗೆ

12.5 ರಿಂದ 15 ಲಕ್ಷದವರೆಗೆ ಆದಾಯಗಳಿಸವವರಿಗೂ ಕೊಂಚ ಆದಾಯ ತೆರಿಗೆ ದರ ತಗ್ಗಿದೆ. ಈ ಸ್ಲ್ಯಾಬ್‌ನಲ್ಲಿ ಆದಾಯ ಗಳಿಸುವವರು 30 ಪರ್ಸೆಂಟ್‌ನಷ್ಟು ತೆರಿಗೆ ಪಾವತಿಸುತ್ತಿದ್ದರು. ಆದರೆ ಇದೀಗ 5 ಪರ್ಸೆಂಟ್ ತೆರಿಗೆ ಇಳಿಕೆಯಾಗಿದ್ದು, ಆದಾಯದ ಮೇಲೆ 25 ಪರ್ಸೆಂಟ್ ತೆರಿಗೆ ಪಾವತಿಸಬೇಕಿದೆ.

15  ಲಕ್ಷ ಮೇಲ್ಪಟ್ಟು ಆದಾಯ: 30 ಪರ್ಸೆಂಟ್ ತೆರಿಗೆ

15 ಲಕ್ಷ ಮೇಲ್ಪಟ್ಟು ಆದಾಯ: 30 ಪರ್ಸೆಂಟ್ ತೆರಿಗೆ

15 ಲಕ್ಷ ಮೇಲ್ಪಟ್ಟು ಎಷ್ಟೇ ಆದಾಯ ಗಳಿಸುವವರು ಪ್ರಸ್ತುತ 30 ಪರ್ಸೆಂಟ್ ಆದಾಯ ತೆರಿಗೆ ಪಾವತಿಸುತ್ತಿದ್ದರು. ಈ ತೆರಿಗೆ ದರದಲ್ಲಿ ಕೇಂದ್ರ ಸರ್ಕಾರ ಯಾವುದೇ ಬದಲಾವಣೆ ತರಲು ಮನಸ್ಸು ಮಾಡಿಲ್ಲ. ಹೀಗಾಗಿ 15 ಲಕ್ಷ ಮೇಲ್ಪಟ್ಟು ಆದಾಯ ಗಳಿಸುವವರು ಈ ಹಿಂದಿನಂತೆ 30 ಪರ್ಸೆಂಟ್ ತೆರಿಗೆಯನ್ನು ಪಾವತಿಸಬೇಕಿದೆ.

English summary

Central Budget 2020: New Income Tax Slabs Here

Central Government reduced current Income tax , up to 5 Lakhs income tax free for tax payers. new simplified personal income tax here
Story first published: Saturday, February 1, 2020, 15:52 [IST]
Company Search
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more