For Quick Alerts
ALLOW NOTIFICATIONS  
For Daily Alerts

ಎಲ್‌ಐಸಿ: ಈ ಯೋಜನೆ ಮೂಲಕ 1 ಕೋಟಿ ರೂಪಾಯಿ ಲಾಭ ಪಡೆಯಿರಿ

|

ನಿಮ್ಮ ನಿವೃತ್ತಿಯ ಅವಧಿಯಲ್ಲಿ ಹೂಡಿಕೆ ಮಾಡಲು ಯೋಜಿಸುತ್ತಿದ್ದರೆ, ದೇಶದ ಅತಿದೊಡ್ಡ ವಿಮಾ ಕಂಪನಿ ಭಾರತೀಯ ಜೀವ ವಿಮಾ ನಿಗಮ (ಎಲ್‌ಐಸಿ) ನಿಮಗಾಗಿ ಉತ್ತಮ ಯೋಜನೆಯನ್ನು ಹೊಂದಿದೆ. ಈ ಯೋಜನೆಯ ಹೆಸರೇ ಜೀವನ್ ಶಿರೋಮಣಿ ಯೋಜನೆ.

 

ಈ ಹೊಸ ಯೋಜನೆಯಲ್ಲಿ ಹೂಡಿಕೆ ಮಾಡಲು ಪ್ರತಿ ವಯಸ್ಸಿನ ವರ್ಗಕ್ಕೂ ಅವಕಾಶವಿದೆ. ಎಲ್‌ಐಸಿ ಪ್ರತಿಯೊಬ್ಬರನ್ನು ಗಮನದಲ್ಲಿಟ್ಟುಕೊಂಡು ಈ ಯೋಜನೆಯನ್ನು ರೂಪಿಸಿದೆ. ಜೀವನ್ ಶಿರೋಮಣಿ ಯೋಜನೆಯ ವಿಶೇಷತೆ ಎಂದರೆ ಅದು ರಕ್ಷಣೆ ಮತ್ತು ಉಳಿತಾಯ ಎರಡನ್ನೂ ನೀಡುತ್ತದೆ.

ಇನ್ನೂ ವಿಶೇಷ ಏನೆಂದರೆ ಜೀವನ್ ಶಿರೋಮಣಿ ಯೋಜನೆಯಲ್ಲಿ, ಕನಿಷ್ಠ ವಿಮಾ ಮೊತ್ತವು 1 ಕೋಟಿ ರೂ. ಆಗಿದೆ. ಹಾಗಿದ್ದರೆ ಈ ಯೋಜನೆಯ ಬಗ್ಗೆ ಸಂಪೂರ್ಣ ಮಾಹಿತಿಯನ್ನು ಈ ಕೆಳಗೆ ತಿಳಿಯಿರಿ.

4 ವರ್ಷಗಳ ಹಿಂದೆ ಆರಂಭ

4 ವರ್ಷಗಳ ಹಿಂದೆ ಆರಂಭ

ಎಲ್‌ಐಸಿ ಜೀವನ್ ಶಿರೋಮಣಿ ಯೋಜನೆಯನ್ನು ನಾಲ್ಕು ವರ್ಷದ ಹಿಂದೆ 19 ಡಿಸೆಂಬರ್ 2017 ರಂದು ಆರಂಭಿಸಲಾಯಿತು. ಇದು ಲಿಂಕ್ ಮಾಡದ ಹಾಗೂ ಸೀಮಿತ ಪ್ರೀಮಿಯಂ ಪಾವತಿಸುವ ಮನಿ ಬ್ಯಾಕ್ ಪ್ಲಾನ್ ಆಗಿದೆ. ಎಚ್‌ಎನ್‌ಐ (ಹೈ ನೆಟ್ ವರ್ತ್ ವ್ಯಕ್ತಿಗಳು) ವಿಭಾಗದಲ್ಲಿ ಬರುವ ಜನರಿಗಾಗಿ ಇದನ್ನು ವಿಶೇಷವಾಗಿ ಆರಂಭಿಸಲಾಗಿದೆ. ಈ ಯೋಜನೆಯಲ್ಲಿ ನೀವು ಗಂಭೀರ ಕಾಯಿಲೆಗಳಿಗೆ ರಕ್ಷಣೆ ಪಡೆಯುತ್ತೀರಿ.

LIC ಹೊಸ ಯೋಜನೆ: ಒಂದು ಬಾರಿ ಹಣ ಪಾವತಿ, ತಕ್ಷಣವೇ ಪಿಂಚಣಿ ಸೌಲಭ್ಯ

ಕುಟುಂಬವು ಸುರಕ್ಷತೆಯನ್ನು ಪಡೆಯುತ್ತದೆ

ಕುಟುಂಬವು ಸುರಕ್ಷತೆಯನ್ನು ಪಡೆಯುತ್ತದೆ

ಪಾಲಿಸಿ ಅವಧಿಯಲ್ಲಿ ಪಾಲಿಸಿದಾರರು ಮೃತಪಟ್ಟರೆ ಪಾಲಿಸಿದಾರರ ಕುಟುಂಬಕ್ಕೆ ಆರ್ಥಿಕ ನೆರವು ನೀಡಲಾಗುತ್ತದೆ. ಈ ಸಂದರ್ಭದಲ್ಲಿ ಪಾಲಿಸಿದಾರರು ಬದುಕುಳಿದಲ್ಲಿ ನಿಗದಿತ ಅವಧಿಯಲ್ಲಿ ಪಾವತಿಯ ಸೌಲಭ್ಯವೂ ಲಭ್ಯವಿರುತ್ತದೆ. ಇದರ ಹೊರತಾಗಿ, ಮುಕ್ತಾಯದ ನಂತರ, ನಿಮಗೆ ಒಂದೇ ಬಾರಿಗೆ ಭಾರೀ ಮೊತ್ತವನ್ನು ಪಾವತಿಸಲಾಗುತ್ತದೆ. ಬದುಕುಳಿಯುವ ಲಾಭದ ರೂಪದಲ್ಲಿ ಸ್ಥಿರ ಪಾವತಿಯನ್ನು ಮಾಡಲಾಗುತ್ತದೆ.

ಇನ್ನು ಈ ಯೋಜನೆಯು ಪಾಲಿಸಿದಾರರ ಕುಟುಂಬಕ್ಕೆ ಪಾಲಿಸಿಯ ಅವಧಿಯಲ್ಲಿ ಮೃತವ್ಯಕ್ತಿಯ ಕುಟುಂಬಕ್ಕೆ ಹಣಕಾಸಿನ ನೆರವನ್ನು ನೀಡುತ್ತದೆ. ಈ ಪಾಲಿಸಿಯಲ್ಲಿ, ಪಾಲಿಸಿದಾರರ ಬದುಕುಳಿಯುವಿಕೆಯ ಸಂದರ್ಭದಲ್ಲಿ ನಿಗದಿತ ಅವಧಿಯಲ್ಲಿ ಪಾವತಿಯ ಸೌಲಭ್ಯವನ್ನು ನೀಡಲಾಗಿದೆ.

ಎಲ್ಐಸಿ ಸರಳ ಪಿಂಚಣಿ ಯೋಜನೆ: ಮಾಸಿಕ 1000 ರು. ಸ್ಥಿರ ಆದಾಯ ಪಡೆಯುವುದು ಹೇಗೆ?

ಈ ಯೋಜನೆಯ ಪಾವತಿ ಪ್ರಕ್ರಿಯೆ
 

ಈ ಯೋಜನೆಯ ಪಾವತಿ ಪ್ರಕ್ರಿಯೆ

ಸರ್ವೈವಲ್ ಬೆನಿಫಿಟ್ ಅಂದರೆ ಪಾಲಿಸಿದಾರು ಉಳಿದುಕೊಂಡರೆ ನಿಶ್ಚಿತ ಪಾವತಿಯನ್ನು ಮಾಡಲಾಗುತ್ತದೆ. 10 ಮತ್ತು 12 ನೇ ವರ್ಷದಲ್ಲಿ 14 ವರ್ಷಗಳ ಪಾಲಿಸಿಯಲ್ಲಿ ವಿಮಾ ಮೊತ್ತದ 30-30% ನೀಡಲಾಗುತ್ತದೆ. ಅದೇ ವಿಮಾ ಮೊತ್ತದ 35-35% ಅನ್ನು 16 ವರ್ಷದ ಪಾಲಿಸಿಯ 12 ಮತ್ತು 14 ನೇ ವರ್ಷದಲ್ಲಿ ಪಾವತಿಸಲಾಗುತ್ತದೆ.

ಇನ್ನು 18 ವರ್ಷಗಳ ಪಾಲಿಸಿಯಲ್ಲಿ, 14 ಮತ್ತು 16 ನೇ ವರ್ಷದಲ್ಲಿ, ವಿಮಾ ಮೊತ್ತದ 40-40% ಪಾವತಿಸಲಾಗುತ್ತದೆ. ಜೊತೆಗೆ 20 ವರ್ಷಗಳ ಪಾಲಿಸಿಯಲ್ಲಿ, 16 ಮತ್ತು 18 ನೇ ವರ್ಷಗಳಲ್ಲಿ ವಿಮಾ ಮೊತ್ತದ 45 ರಿಂದ 45% ಪಾವತಿಸಲಾಗುತ್ತದೆ.

 

ಎಷ್ಟು ಸಾಲ ಸಿಗುತ್ತದೆ?

ಎಷ್ಟು ಸಾಲ ಸಿಗುತ್ತದೆ?

ಈ ಪಾಲಿಸಿಯ ಒಂದು ಪ್ರಮುಖ ಲಕ್ಷಣವೆಂದರೆ ಪಾಲಿಸಿ ಅವಧಿಯಲ್ಲಿ, ಪಾಲಿಸಿಯ ಶರಣಾಗತಿ ಮೌಲ್ಯದ ಆಧಾರದ ಮೇಲೆ ನೀವು ಸಾಲವನ್ನು ತೆಗೆದುಕೊಳ್ಳಬಹುದು. ಆದರೆ ಎಲ್ಐಸಿಯ ನಿಯಮಗಳು ಮತ್ತು ಷರತ್ತುಗಳ ಪ್ರಕಾರ ಸಾಲವು ಲಭ್ಯವಿರುತ್ತದೆ. ಪಾಲಿಸಿಯ ವಿರುದ್ಧ ಸಾಲವು ಕಾಲಕಾಲಕ್ಕೆ ನಿರ್ಧರಿಸಿದಂತೆ ಬಡ್ಡಿದರದಲ್ಲಿ ಲಭ್ಯವಿರುತ್ತದೆ. ಅಂದರೆ, ಸಾಲದ ಮೇಲಿನ ಬಡ್ಡಿ ದರ ಬದಲಾಗುತ್ತದೆ.

ಗರಿಷ್ಠ ವಿಮಾ ಮೊತ್ತಕ್ಕೆ ಮಿತಿಯಿಲ್ಲ

ಗರಿಷ್ಠ ವಿಮಾ ಮೊತ್ತಕ್ಕೆ ಮಿತಿಯಿಲ್ಲ

ಈ ಪಾಲಿಸಿಗೆ ಕನಿಷ್ಠ ವಿಮಾ ಮೊತ್ತವು 1 ಕೋಟಿ ರೂ. ಆದರೆ ಗರಿಷ್ಠ ವಿಮಾ ಮೊತ್ತಕ್ಕೆ ಯಾವುದೇ ಮಿತಿಯಿಲ್ಲ. ತಲಾ 5 ಲಕ್ಷದ ಗುಣಕಗಳಲ್ಲಿ 1 ಕೋಟಿ ನಂತರ ನೀವು ಎಷ್ಟು ಬೇಕಾದರೂ ವಿಮೆ ಮಾಡಬಹುದು. ಪಾಲಿಸಿ ಅವಧಿಯಲ್ಲಿ ಹಲವಾರು ಆಯ್ಕೆಗಳಿವೆ, ಇದರಲ್ಲಿ 14, 16, 18 ಮತ್ತು 20 ವರ್ಷಗಳು ಸೇರಿವೆ.

ಯೋಜನೆಗೆ ಪ್ರವೇಶಿಸಲು ಕನಿಷ್ಠ ವಯಸ್ಸು 18 ವರ್ಷಗಳಾಗಿದ್ದು, 14 ವರ್ಷಗಳ ಪಾಲಿಸಿಗಳಿಗೆ ಗರಿಷ್ಠ ವಯಸ್ಸು 55 ವರ್ಷಗಳು, 16 ವರ್ಷಗಳ ಪಾಲಿಸಿಗೆ 51 ವರ್ಷಗಳು, 18 ವರ್ಷ ಪಾಲಿಸಿಗೆ 48 ವರ್ಷಗಳಾಗಿದೆ. ಇನ್ನು 20 ವರ್ಷಗಳ ಪಾಲಿಸಿಗೆ 45 ವರ್ಷಗಳು ನಿಗದಿಯಾಗಿದೆ.

 

English summary

LIC Jeevan Shiromani Plan: Features, Benefits & Eligibility and Details in Kannada

If you are planning to invest, then LIC's Jeevan Shiromani Plan is a good option for you. Here, you will get good profit as LIC has prepared the policy keeping all the people in mind.
Company Search
COVID-19
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X