For Quick Alerts
ALLOW NOTIFICATIONS  
For Daily Alerts

ಜು.1ರಿಂದ ಹೊಸ ಕಾರ್ಮಿಕ ನೀತಿ ಜಾರಿ: ಅವಧಿ, ವೇತನ, ರಜೆಯಲ್ಲಿ ಏನು ಬದಲಾವಣೆ ನೋಡಿ

|

ಜುಲೈ ಒಂದರಿಂದ ಕೇಂದ್ರ ಸರ್ಕಾರದ ಹೊಸ ಕಾರ್ಮಿಕ ನೀತಿ ಜಾರಿ ಆಗುವ ಎಲ್ಲಾ ಸಾಧ್ಯತೆ ಇದೆ. ಈ ನೀತಿ ಜಾರಿಯಾದ ಬಳಿಕ ಹಲವಾರು ವಲಯಗಳಲ್ಲಿ ಗಮನಾರ್ಹ ಬದಲಾವಣೆಗಳು ಆಗಲಿದೆ. ನಮ್ಮ ಕೆಲಸದ ಅವಧಿಯೂ ಬದಲಾವಣೆಯಾಗಲಿದೆ.

 

ನಮ್ಮ ಕೆಲಸದ ಅವಧಿ, ಭವಿಷ್ಯ ನಿಧಿಯಿಂದ ಹಿಡಿದು ವೇತನ, ರಜೆವರೆಗೂ ಹಲವಾರು ಬದಲಾವಣೆಗಳು ಉಂಟಾಗಲಿದೆ. ಆದರೆ ಈ ಬಗ್ಗೆ ಇನ್ನೂ ಕೂಡಾ ಅಧಿಕೃತ ಸೂಚನೆ ಹೊರ ಬಿದ್ದಿಲ್ಲ. ಆದರೆ ಈ ನೀತಿಯಿಂದಾಗಿ ಸಂಬಳ, ಪಿಂಚಣಿ, ಗ್ರಾಚ್ಯುಟಿ, ಕಾರ್ಮಿಕ ರಕ್ಷಣೆ, ಆರೋಗ್ಯ, ಸುರಕ್ಷತೆಯಲ್ಲಿ ಹಲವಾರು ಬದಲಾವಣೆಗಳು ಉಂಟಾಗಲಿದೆ.

ನೂತನ ಕಾರ್ಮಿಕ ನೀತಿಯ ಸಮಸ್ಯೆಗಳೇನು?: ಕೆಲಸದ ಅವಧಿ, ವೇತನ ಬದಲಾಗಲಿದೆ ಗಮನಿಸಿ!

ಉತ್ತಾಖಂಡ, ಉತ್ತರ ಪ್ರದೇಶ, ಮಧ್ಯಪ್ರದೇಶ, ಛತ್ತೀಸ್‌ಗಢ, ಒಡಿಶಾ, ಅರುಣಾಚಲ ಪ್ರದೇಶ, ಹರಿಯಾಣ, ಜಾರ್ಖಂಡ್, ಪಂಜಾಬ್, ಮಣಿಪುರ, ಬಿಹಾರ, ಹಿಮಾಚಲ ಪ್ರದೇಶ, ಜಮ್ಮು ಕಾಶ್ಮೀರವು ಈ ಹೊಸ ಕಾರ್ಮಿಕ ನೀತಿಯ ಅಡಿಯಲ್ಲಿ ನಿಯಮವನ್ನು ರೂಪಿಸಿದೆ. ಹಾಗಾದರೆ ಈ ಹೊಸ ನೀತಿ ಜಾರಿಗೆ ಬಂದರೆ ಏನೆಲ್ಲಾ ಬದಲಾವಣೆ ಆಗಲಿದೆ. ಇದರಿಂದ ಕಾರ್ಮಿಕರ ಮೇಲೆ ಏನು ಪರಿಣಾಮ ಉಂಟಾಗಲಿದೆ ಎಂದು ತಿಳಿಯಲು ಮುಂದೆ ಓದಿ..

 ಕೆಲಸದ ಅವಧಿಯಲ್ಲಿ ಏನು ಬದಲಾವಣೆ?

ಕೆಲಸದ ಅವಧಿಯಲ್ಲಿ ಏನು ಬದಲಾವಣೆ?

ಎಲ್ಲಾ ವಲಯದಲ್ಲಿ ಕೆಲಸ ಮಾಡುವ ಕಾರ್ಮಿಕರ ಕೆಲಸದ ಅವಧಿಯಲ್ಲಿ ಗಮನಾರ್ಹ ಬದಲಾವಣೆಯಾಗಲಿದೆ. ಫಾಕ್ಟರೀಸ್ ಆಕ್ಟ್ 1948 ಅಡಿಯಲ್ಲಿ ಪ್ರಸ್ತುತ ಕೆಲಸದ ಸಮಯವು ಆಧಾರಿತವಾಗಿದೆ. ಇದು ಕಚೇರಿ ಕೆಲಸಗಾರರು ಮತ್ತು ಇತರ ಉದ್ಯೋಗಿಗಳಿಗೆ ಪ್ರತಿ ರಾಜ್ಯದ ಕಾಯ್ದೆ ನಿಯಂತ್ರಿಸುತ್ತದೆ. ಹೊಸ ಕಾರ್ಮಿಕ ಕಾನೂನುಗಳ ಪ್ರಕಾರ, ದೈನಂದಿನ ಕೆಲಸದ ಸಮಯವನ್ನು 12 ಗಂಟೆಗಳಿಗೆ ಮಿತಿಗೊಳಿಸಲಾಗಿದೆ. ವಾರದ ಕೆಲಸದ ಸಮಯವನ್ನು 48 ಗಂಟೆ ಎಂದು ನಿಗದಿ ಮಾಡಲಾಗಿದೆ. ಇದರರ್ಥ ಕಂಪನಿಗಳು/ಕಾರ್ಖಾನೆಗಳು ಇದನ್ನು ನಾಲ್ಕು ದಿನಗಳಲ್ಲಿ ಕೆಲಸ ಮಾಡಿಸಬೇಕಾಗುತ್ತದೆ. ಓವರ್‌ಟೈಮ್ ಅನ್ನು 50 ಗಂಟೆಗಳಿಂದ 125 ಗಂಟೆಗಳಿಗೆ ಹೆಚ್ಚಿಸಲಾಗಿದೆ. ಈ ಹಿಂದೆ ಕೈಗಾರಿಕೆ, ಕೆಲವೆಡೆ ಎಂಟು ಗಂಟೆಗಿಂತ ಅಧಿಕ ದುಡಿಮೆಯ ಅವಧಿಯು ಓವರ್ ಟೈಮ್ ಎಂದು ಪರಿಗಣಿಸಲಾಗುತ್ತಿತ್ತು. ಆದರೆ ಈಗ 12 ಗಂಟೆಗಳ ಅವಧಿಯನ್ನು ದುಡಿಮೆಯ ಅವಧಿ ಎಂದು ಪರಿಗಣಿಸಲಾಗುತ್ತದೆ.

 ಸಂಬಳ ಹೆಚ್ಚಾಗುತ್ತಾ, ಕಡಿಮೆಯಾಗುತ್ತಾ?

ಸಂಬಳ ಹೆಚ್ಚಾಗುತ್ತಾ, ಕಡಿಮೆಯಾಗುತ್ತಾ?

ಹೊಸ ಕಾರ್ಮಿಕ ಕಾನೂನುಗಳ ಪ್ರಕಾರ ಉದ್ಯೋಗಿಯ ಮೂಲ ವೇತನವು ಒಟ್ಟು ವೇತನದ ಕನಿಷ್ಠ ಶೇಕಡ 50ರಷ್ಟು ಇರಬೇಕಾಗುತ್ತದೆ. ಇದರ ಕಾರಣದಿಂದಾಗಿ ನಿಮ್ಮ ಇಪಿಎಫ್‌ಗೆ ಕೊಡುಗೆ ಅಧಿಕವಾಗಲಿದೆ. ಗ್ರಾಚ್ಯುಟಿ ಕಡಿತ ಕೂಡಾ ಅಧಿಕವಾಗಲಿದೆ. ಆದರೆ ಪ್ರತಿ ತಿಂಗಳು ಕೈಗೆ ಬರುವ ಸಂಬಳ ಕಡಿಮೆ ಆಗಲಿದೆ.

 ರಜೆಗಳು ಎಷ್ಟು ಸಿಗಲಿದೆ?
 

ರಜೆಗಳು ಎಷ್ಟು ಸಿಗಲಿದೆ?

ಒಂದು ವರ್ಷದಲ್ಲಿ ರಜೆಗಳ ಪ್ರಮಾಣವು ಒಂದೇ ರೀತಿಯಾಗಿರುತ್ತದೆ. ಆದರೆ ನೌಕರರು 45 ರ ಬದಲಿಗೆ ಪ್ರತಿ 20 ದಿನಗಳ ಕೆಲಸಕ್ಕೆ ರಜೆಯನ್ನು ಪಡೆಯತ್ತಾರೆ. ಇದು ಉತ್ತಮ ಸುದ್ದಿಯಾಗಿದೆ. ಇದಲ್ಲದೆ, ಹೊಸ ಉದ್ಯೋಗಿಗಳು ಈಗ ಅನ್ವಯವಾಗುವಂತೆ 240 ದಿನಗಳ ಕೆಲಸದ ಬದಲಿಗೆ 180 ದಿನಗಳ ಉದ್ಯೋಗದ ನಂತರ ರಜೆ ಪಡೆಯಲು ಅರ್ಹರಾಗಿರುತ್ತಾರೆ.

 ಪಿಎಫ್ ಕೊಡುಗೆಯಲ್ಲಿ ಬದಲಾವಣೆಯೇನು?

ಪಿಎಫ್ ಕೊಡುಗೆಯಲ್ಲಿ ಬದಲಾವಣೆಯೇನು?

ಹೊಸ ಕಾರ್ಮಿಕ ಕಾನೂನಿನ ಅಡಿಯಲ್ಲಿ ಮತ್ತೊಂದು ಪ್ರಮುಖ ಬದಲಾವಣೆಯಾಗಲಿದೆ. ಅದುವೇ ಟೇಕ್ ಹೋಮ್ ಸಂಬಳ ಕಡಿಮೆಯಾಗುವುದು. ಉದ್ಯೋಗಿಯ ಮೂಲ ವೇತನವು ಒಟ್ಟು ವೇತನದ ಶೇಕಡ 50ರಷ್ಟು ಆಗಿರಬೇಕಾಗಿದೆ. ಇದರಿಂದಾಗಿ ಉದ್ಯೋಗಿ ಮತ್ತು ಉದ್ಯೋಗದಾತರ ಪಿಎಫ್ ಕೊಡುಗೆಗಳು ಹೆಚ್ಚಾಗುತ್ತದೆ. ಆದರೆ ಟೇಕ್ ಹೋಮ್ ಸಂಬಳ ಕಡಿಮೆಯಾಗುತ್ತದೆ. ವಿಶೇಷವಾಗಿ ಖಾಸಗಿ ವಲಯದಲ್ಲಿ ಕೆಲಸ ಮಾಡುವವರ ಮೇಲೆ ಇದು ಪರಿಣಾಮ ಉಂಟು ಮಾಡಲಿದೆ.

English summary

New Labour Laws from July 1: Salary, PF, Working Hours: List of Key Changes to Come Into Effect

New Labour Laws from July 1 : Salary, PF, Working Hours: Here are the List of Key Changes to Come Into Effect Under New Labour Laws From July 1. Know more.
Story first published: Thursday, June 23, 2022, 15:48 [IST]
Company Search
COVID-19
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X