For Quick Alerts
ALLOW NOTIFICATIONS  
For Daily Alerts

ಅಂಚೆ ಕಚೇರಿ ಯೋಜನೆಯಲ್ಲಿ 95 ರು ಹೂಡಿಕೆ ಮಾಡಿ, ಲಕ್ಷ ರು ರಿಟರ್ನ್ ಗಳಿಸಿ

|

ಮಧ್ಯಮ ವರ್ಗದ ಮತ್ತು ಕೆಳಮಧ್ಯಮ-ವರ್ಗದ ಭಾರತೀಯರಿಗೆ ಸರಳ ಹಾಗೂ ಸುಲಭ ವಿಧಾನದಲ್ಲಿ ಉಳಿತಾಯ, ಹೂಡಿಕೆ ಮಾಡಲು ಅಂಚೆ ಕಛೇರಿ ಅನೇಕ ಯೋಜನೆಗಳಿವೆ. ಸಣ್ಣ ಉಳಿತಾಯ ಯೋಜನೆಗಳ ಮೂಲಕ ಉತ್ತಮ ಆದಾಯವನ್ನು ಒದಗಿಸುತ್ತಿದೆ. ಇಂಥ ಒಂದು ಯೋಜನೆ ಗ್ರಾಮ ಸುಮಂಗಲ್ ಗ್ರಾಮೀಣ ಅಂಚೆ ಜೀವ ವಿಮಾ ಯೋಜನೆ.

 

ಈ ಪೋಸ್ಟ್ ಆಫೀಸ್ ಸ್ಕೀಮ್ ಅಡಿಯಲ್ಲಿ ದಿನಕ್ಕೆ ರೂ 95 ಹೂಡಿಕೆ ಮಾಡಿ ಮತ್ತು ಮೆಚ್ಯೂರಿಟಿಯಲ್ಲಿ ಲಕ್ಷಗಳನ್ನು ಪಡೆಯುವುದು ಹೇಗೆ ಎಂಬುದರ ಸಂಪೂರ್ಣ ವಿವರ ಇಲ್ಲಿದೆ. ಈ ಯೋಜನೆಯ ಅಡಿಯಲ್ಲಿ, ನೀವು ಪ್ರತಿದಿನ ರೂ 95 ಹೂಡಿಕೆ ಮಾಡಿದರೆ, ನೀವು ಮುಕ್ತಾಯದ ಮೇಲೆ ಸುಮಾರು ರೂ 14 ಲಕ್ಷಗಳ ತನಕ ರಿಟರ್ನ್ಸ್ ಗಳಿಸಬಹುದು.

ಈ ಯೋಜನೆ ತನ್ನದೇ ಆದ ರೀತಿಯಲ್ಲಿ ವಿಶಿಷ್ಟವಾಗಿದೆ. ಯೋಜನೆಯ ಅಡಿಯಲ್ಲಿ, ಠೇವಣಿದಾರ ಹೂಡಿಕೆದಾರರು ನಿಯತಕಾಲಿಕ ಆದಾಯವನ್ನು ಪಡೆಯುತ್ತಾರೆ. ಮೆಚ್ಯೂರಿಟಿ ಮೊತ್ತವನ್ನು ಒಮ್ಮೆ ಮಾತ್ರ ನೀಡುವ ಬದಲು ನಿಯಮಿತವಾಗಿ ನೀಡಲಾಗುತ್ತದೆ. ಅಲ್ಲದೆ, ವಿಮಾದಾರನ ಮರಣದ ಸಂದರ್ಭದಲ್ಲಿ, ಪೂರ್ಣ ಮೊತ್ತವನ್ನು ನಾಮಿನಿ ಅಥವಾ ಕಾನೂನು ಉತ್ತರಾಧಿಕಾರಿಗೆ ಪಾವತಿಸಲಾಗುತ್ತದೆ.

 ಅಂಚೆ ಯೋಜನೆಯಲ್ಲಿ 95 ರು ಹೂಡಿಕೆ ಮಾಡಿ, ಲಕ್ಷ ರು ರಿಟರ್ನ್ ಗಳಿಸಿ

ಗ್ರಾಮ ಸುಮಂಗಲ್ ಯೋಜನೆ: ಪ್ರಮುಖ ಲಕ್ಷಣಗಳು

ಯೋಜನೆಯಡಿಯಲ್ಲಿ ಕನಿಷ್ಠ ವಿಮಾ ಮೊತ್ತವು ರೂ 10,000 ಮತ್ತು ಗರಿಷ್ಠ ರೂ 5,00,000 ಆಗಿದೆ.

ಯೋಜನೆಗೆ ಪ್ರವೇಶಿಸಲು ಕನಿಷ್ಠ ವಯಸ್ಸು 19 ವರ್ಷಗಳು.

ಕಂತುಗಳನ್ನು ಪ್ರತಿ ತಿಂಗಳು ಪಾವತಿಸಬೇಕು.

ಪ್ರವೇಶದ ಗರಿಷ್ಠ ವಯಸ್ಸು 20 ವರ್ಷಗಳ ಅವಧಿಯ ಪಾಲಿಸಿಗೆ 40 ವರ್ಷಗಳು ಮತ್ತು 15 ವರ್ಷಗಳ ಅವಧಿಯ ಪಾಲಿಸಿಗೆ 45 ವರ್ಷಗಳು.

ಮೂರು ವರ್ಷಗಳ ಮೊದಲು, ಆರು ತಿಂಗಳವರೆಗೆ ಪ್ರೀಮಿಯಂ ಪಾವತಿಸದಿದ್ದರೆ, ಪಾಲಿಸಿ ಲ್ಯಾಪ್ಸ್ ಆಗುತ್ತದೆ.

ಮೂರು ವರ್ಷಗಳ ನಂತರ, ಪ್ರೀಮಿಯಂ ಅನ್ನು 12 ತಿಂಗಳವರೆಗೆ ಪಾವತಿಸದಿದ್ದರೆ, ಪಾಲಿಸಿಯು ಲ್ಯಾಪ್ಸ್ ಆಗುತ್ತದೆ.

ಪಾಲಿಸಿ ಲ್ಯಾಪ್ಸ್ ಆದರೆ, ಪಾಲಿಸಿಯನ್ನು ಒಮ್ಮೆ ಮಾತ್ರ ಪುನರುಜ್ಜೀವನಗೊಳಿಸಬಹುದು. ಅದನ್ನು ಮತ್ತೆ ಪುನರುಜ್ಜೀವನಗೊಳಿಸಲು ಸಾಧ್ಯವಿಲ್ಲ.

ಹದಿನೈದು ವರ್ಷಗಳ ಪಾಲಿಸಿಯಲ್ಲಿ, ಮೆಚ್ಯೂರಿಟಿ ಮತ್ತು ಬೋನಸ್ ಮೊತ್ತವನ್ನು ನಾಲ್ಕು ಬಾರಿ ನೀಡಲಾಗುತ್ತದೆ. 6 ವರ್ಷಗಳ ನಂತರ 20 ಪ್ರತಿಶತ ಮೊತ್ತವನ್ನು ಮೂರು ಬಾರಿ ಹಿಂಪಡೆಯಬಹುದು; 9 ವರ್ಷಗಳ ನಂತರ ಮತ್ತು 12 ವರ್ಷಗಳ ನಂತರ. ಉಳಿದ 40 ಪ್ರತಿಶತವನ್ನು 15 ವರ್ಷಗಳ ನಂತರ ಹಿಂಪಡೆಯಬಹುದು.

 

ಝೀ ನ್ಯೂಸ್ ಪ್ರಕಾರ, ಹೂಡಿಕೆದಾರರು ಈ ಯೋಜನೆಯಲ್ಲಿ ದಿನಕ್ಕೆ ರೂ 95 ಹೂಡಿಕೆ ಮಾಡಿದರೆ, ವಾರ್ಷಿಕ ಪ್ರೀಮಿಯಂ ರೂ 32,735 ಆಗಿರುತ್ತದೆ. ಈಗ, ಒಬ್ಬರು 25 ವರ್ಷ ವಯಸ್ಸಿನಲ್ಲಿ, 40 ವರ್ಷ ವಯಸ್ಸಿನಲ್ಲಿ ಯೋಜನೆಗೆ ಪ್ರವೇಶಿಸಿದರೆ, ಅವರು ಸುಮಾರು 13.72 ಲಕ್ಷ ರೂ (ಬೋನಸ್ ಮೊತ್ತವನ್ನು ಒಳಗೊಂಡಂತೆ) ಪಡೆಯುತ್ತಾರೆ.

ಆದಾಗ್ಯೂ, ಈ ಯೋಜನೆಯು ಯಾವುದೇ ಸರೆಂಡರ್ ಮೌಲ್ಯವನ್ನು ಹೊಂದಿಲ್ಲ.

ಡಿಸೆಂಬರ್ 2018ರಲ್ಲಿ ಭಾರತೀಯ ಅಂಚೆ ಇಲಾಖೆಯು ತನ್ನ ಗ್ರಾಹಕರಿಗಾಗಿ 'ಇಂಡಿಯಾ ಪೋಸ್ಟ್ ಇಂಟರ್ನೆಟ್ ಬ್ಯಾಂಕಿಂಗ್ ಅಥವಾ ಪೋಸ್ಟ್ ಆಫೀಸ್ ನೆಟ್ ಬ್ಯಾಂಕಿಂಗ್ ಸೇವೆಯನ್ನು ಪ್ರಾರಂಭಿಸಿತು. ಸ್ಥಳೀಯ ಅಂಚೆ ಕಚೇರಿಗಳಲ್ಲಿ ಈ ಸೇವೆ ಲಭ್ಯವಿದೆ. ಇಂಟರ್ನೆಟ್ ಬ್ಯಾಂಕಿಂಗ್ ಒದಗಿಸುವ ಮೊದಲು ಅಂಚೆ ಇಲಾಖೆಯಿಂದ ವಿವಿಧ ಅರ್ಹತಾ ಮಾನದಂಡಗಳನ್ನು ಪರಿಶೀಲಿಸಲಾಗುತ್ತದೆ.

ಎಲ್ಲರೂ ಇಂಟರ್ನೆಟ್ ಬ್ಯಾಂಕಿಂಗ್‌ಗೆ ಅರ್ಹರಾಗಿರುವುದಿಲ್ಲ. ಈ ಇಂಟರ್ನೆಟ್ ಬ್ಯಾಂಕಿಂಗ್ ಭಾರತೀಯ ಅಂಚೆ ಇಲಾಖೆಯೊಳಗೆ ಮಾತ್ರ ಸೀಮಿತವಾಗಿದೆ. ಒಂದು ಅಂಚೆ ಕಚೇರಿಯಿಂದ ಮತ್ತೊಂದು ಅಂಚೆ ಕಚೇರಿ ಖಾತೆದಾರರು ಮಾತ್ರ ಇದನ್ನು ಬಳಸಬಹುದು. ಈ ಇಂಟರ್ನೆಟ್ ಬ್ಯಾಂಕಿಂಗ್ ಸೇವೆಯನ್ನು ಇತರ ಬ್ಯಾಂಕ್‌ಗಳಿಗೆ ಲಿಂಕ್ ಮಾಡಲು ಸಾಧ್ಯವಿಲ್ಲ.

English summary

Post Office Scheme: Invest Rs 95 Per Day And Get Lakhs On Maturity

If you invest Rs 95 daily in Post office scheme-Gram Sumangal Rural Postal Life Insurance Scheme you can get almost Rs 14 lakhs on maturity.
Company Search
COVID-19
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X