INR

92.962

United States Dollar

ಜಿಡಿಪಿ ದರ ದತ್ತಾಂಶ ಪ್ರಕಟಗೊಳ್ಳುತ್ತಿದ್ದಂತೆ ಷೇರುಪೇಟೆಯಲ್ಲಿ ಸೆನ್ಸೆಕ್ಸ್ 220 ಅಂಶಗಳಷ್ಟು ಕುಸಿತ ಕಂಡಿತ್ತು. ಭಾರತೀಯ ಕರೆನ್ಸಿ ರುಪಾಯಿ 1 ವರ್ಷದ ಹಳೆ ದರಕ್ಕೆ ಇಳಿದು ಡಾಲರ್ ಎದುರಲ್ಲಿ 55.51ರಷ್ಟಿತ್ತು.

ಐಟಿಸಿ, ರಿಲಯನ್ಸ್ ಸೇರಿದಂತೆ ಪ್ರಮುಖ ಕೈಗಾರಿಕಾ ಕಂಪನಿ ಷೇರುಗಳು ಶುಕ್ರವಾರ(ಮೇ.31) ಇಳಿಮುಖ ಕಂಡಿದೆ. ಮಧ್ಯಾಹ್ನ 3.10ರ ವೇಳೆಗೆ ಬಿಎಸ್ ಇ ಸೆನ್ಸೆಕ್ಸ್ 447 ಅಂಶ ಕಳೆದುಕೊಂಡು 19,768.10 ರಷ್ಟಿತ್ತು. ನಿಫ್ಟಿ ಕೂಡಾ 141 ಅಂಶ ಕಳೆದುಕೊಂಡು 5982.70ಕ್ಕೆ ಕುಸಿದಿದೆ.

Central Statistics Office ಹೊರ ಹಾಕಿರುವ ಮಾಹಿತಿಯಂತೆ ತ್ರೈಮಾಸಿಕದಿಂದ ತ್ರೈಮಾಸಿಕಕ್ಕೆ ಶೇ 1.4ರಷ್ಟು ಮಾತ್ರ ಪ್ರಗತಿ ಕಂಡು ಬಂದಿದೆ. ಉತ್ಪಾದನೆಯಲ್ಲಿ ಶೇ 2.6ರಷ್ಟು ಪ್ರಗತಿ ಕಾಣಿಸಿದೆ.

ವಿವಿಧ ಕ್ಷೇತ್ರಗಳಲ್ಲಿ ಕಂಡು ಬಂದಿರುವ ಪ್ರಗತಿ ದರ ಈ ರೀತಿ ಇದೆ:
* ಕೃಷಿ, ಅರಣ್ಯ ಹಾಗೂ ಮೀನುಗಾರಿಕೆ(1.4%),
* ಗಣಿಗಾರಿಕೆ ಮತ್ತು ಕ್ವಾರಿ (-3.1%)
* ಉತ್ಪಾದನಾ ( 2.6%)
* ವಿದ್ಯುತ್, ಅನಿಲ ಮತ್ತು ಜಲ ಪೂರೈಕೆ ( 2.8%)
* ನಿರ್ಮಾಣ ಉದ್ಯಮ (4.4 %)
* ಟ್ರೇಡ್, ಹೋಟೆಲ್, ಸಾರಿಗೆ ಮತ್ತು ಸಂವಹನ (6.2%)
* ಫೈನಾನ್ಸ್, ರಿಯಲ್ ಎಸ್ಟೇಟ್, ಔದ್ಯೋಗಿಕ ಸೇವೆ (9.1 %)

ಜಿಡಿಪಿ: ಒಂದು ವರ್ಷದ ಅವಧಿಯಲ್ಲಿ ದೇಶದಲ್ಲಿ ಎಷ್ಟು ಸಾಮಗ್ರಿಗಳನ್ನು ಉತ್ಪಾದಿಸಿದೆ, ಅದು ಒದಗಿಸಿದ ಸೇವೆಗಳೆಷ್ಟು ಎಂಬುದನ್ನು ಲೆಕ್ಕಾಚಾರ ಮಾಡಿ ಮೌಲ್ಯ ಕಟ್ಟಲಾಗುತ್ತದೆ. ಈ ಮೌಲ್ಯವನ್ನು ದೇಶದ ಒಟ್ಟು ಜನಸಂಖ್ಯೆಯೊಂದಿಗೆ ಭಾಗಿಸಿದಾಗ ದೊರೆಯುವ ಮೊತ್ತ ಆ ದೇಶದ ತಲಾ ಆದಾಯ ಅಥವಾ ಜಿಡಿಪಿ ಎನ್ನುತ್ತಾರೆ. ಸಾಮಾನ್ಯವಾಗಿ ಜಿಡಿಪಿ ಯಾವುದೇ ಯೋಜನೆಗಳನ್ನು ನಿರ್ಧರಿಸುವಲ್ಲಿ ಮಹತ್ವದ ಪಾತ್ರವಹಿಸುತ್ತದೆ.