ಪ್ರತಿದಿನ ಪೆಟ್ರೋಲ್, ಡೀಸೆಲ್ ದರ ಪರಿಷ್ಕರಣೆಗೆ ಮನವಿ

ವಿನಿಮಯ ದರ ಮತ್ತು ಅಂತರಾಷ್ಟ್ರೀಯ ಮಾರುಕಟ್ಟೆಯ ದರಗಳನ್ನು ಆಧರಿಸಿ ಪ್ರತಿದಿನ ಪೆಟ್ರೋಲ್ ಮತ್ತು ಡೀಸೆಲ್ ದರ ಪರಿಷ್ಕರಣೆಗೆ ತೈಲ ಮಾರುಕಟ್ಟೆ ಕಂಪನಿಗಳು(OMC) ಕೇಂದ್ರಕ್ಕೆ ಮನವಿ ಮಾಡಿವೆ.

ಇದು ಕೆವಲ ತೈಲ ದರ ಪರಿಷ್ಕರಣೆಗಾಗಿ ಸಲ್ಲಿಸಿರುವ ಪ್ರಸ್ತಾವನೆ ಅಷ್ಟೇ ಆಗಿದ್ದು, ಇದರ ಬಗ್ಗೆ ನಿರ್ಧಾರ ಕೈಗೊಳ್ಳಬೇಕಾಗಿದೆ. ಪ್ರಸ್ತುತ 15 ದಿನಗಳಿಗೊಮ್ಮೆ ತೈಲ ದರ ಪರಿಷ್ಕರಣೆ ಆಗುತ್ತಿದೆ.

ಶೇ. 90ರಷ್ಟು ಭಾರತೀಯ ತೈಲ ಮಾರುಕಟ್ಟೆಯನ್ನು ಭಾರತ್ ಪೆಟ್ರೋಲಿಯಂ ಹಾಗೂ ಹಿಂದೂಸ್ಥಾನ್ ಪೆಟ್ರೋಲಿಯಂ ಸಂಸ್ಥೆಗಳು ವ್ಯಾಪಿಸಿಕೊಂಡಿವೆ.
ಕಳೆದ ವಾರವಷ್ಟೇ ಪೆಟ್ರೋಲ್ ದರ ಪ್ರತಿ ಲೀಟರ್ ಗೆ ರೂ. 3.77 ಮತ್ತು ಡೀಸೆಲ್ ದರ ರೂ. 2.91 ಇಳಿಕೆ ಆಗಿತ್ತು.