ಬಾಡಿಗೆ ಕರಾರು ಪತ್ರದಲ್ಲಿನ ಮಹತ್ವದ ಅಂಶಗಳು ಯಾವವು?
ಮಹಾನಗರ ಸೇರಿದ ಮೇಲೆ ಬಾಡಿಗೆಗೆ ಒಂದು ಮನೆ ಪಡೆದುಕೊಳ್ಳುವುದು ಸರ್ವೇ ಸಾಮಾನ್ಯ. ಬಾಡಿಗೆ ಮನೆ ಪಡೆದುಕೊಳ್ಳುವಾಗ ಅನೇಕ ಅಂಶಗಳನ್ನು ಗಣನೆಗೆ ತೆಗೆದುಕೊಳ್ಳಬೇಕಾಗುತ್ತದೆ. ಎಲ್ಲದಕ್ಕಿಂತ ರೆಂಟಲ್ ಅಗ್ರಿಮೆಂಟ್ ಮುಖ್ಯವಾಗುತ್ತದೆ.
ನಿಮ್ಮ ಬಳಿ ಒಂದು ಮನೆಯ ಮಾಲೀಕನ ಬಳಿ ಒಂದು ರೆಂಟಲ್ ಅಗ್ರಿಮೆಂಟ್ ಪ್ರತಿಗಳು ಇರುತ್ತವೆ. ಬಾಡಿಗೆ ಪಡೆಯುವ ಮುನ್ನ ನಿಮ್ಮ ಹಸ್ತಾಕ್ಷರ ಹಾಕಿ ನೀಡುವುದು ಕಡ್ಡಾಯವಾಗಿರುತ್ತದೆ. ಹಾಗಾದರೆ ರೆಂಟಲ್ ಅಗ್ರಿಮೆಂಟ್ ನಲ್ಲಿ ಗಮನ ಹರಿಸಬೇಕಾದ ಸಂಗತಿಗಳು ಯಾವವು? ನೋಡಿಕೊಂಡು ಬರೋಣ[ಗೃಹ ಸಾಲ ಮತ್ತು ಪ್ರಾಪರ್ಟಿ ಸಾಲದ ನಡುವಿನ ವ್ಯತ್ಯಾಸ]
1. ನೋಟಿಸ್ ಪಿರಿಯಡ್
ಬಾಡಿಗೆ ಮನೆಯನ್ನು ತೆರವು ಮಾಡುವ ಸಂಬಂಧ ನೋಟಿಸ್ ಪಿರಿಯಡ್ ನ್ನು ಹೇಳಲಾಗಿದೆಯೇ ಎಂಬುದನ್ನು ಗಮನವಿಟ್ಟು ನೋಡಿಕೊಳ್ಳಬೇಕಾಗುತ್ತದೆ. ಇದು ಮನೆ ಮಾಲೀಕ ನಿಗೂ ಅಷ್ಟೆ ಮುಖ್ಯವಾಗಿರುತ್ತದೆ. ನೀವು ಒಂದು ವೇಳೆ ನೋಟಿಸ್ ಅವಧಿ ಮುಗಿಸದೇ ಮನೆ ಖಾಲಿ ಮಾಡಿದರೆ ಅಡ್ವಾನ್ಸ್ ಹಣದಲ್ಲಿ ಕಡಿತ ಮಾಡಿಕೊಳ್ಳುವ ಆಯ್ಕೆ ಮಾಲೀಕರಿಗೆ ಇರುತ್ತದೆ.
2. ಬಾಡಿಗೆ ಏರಿಸುವುದು
ಜನ, ಜಾಗ ಮುಂತಾದವುಗಳ ಆಧಾರದ ಮೇಲೆ ಇದು ಬದಲಾಗುತ್ತಿರುತ್ತದೆ. ಸಾಮಾನ್ಯವಾಗಿ 11 ತಿಂಗಳ ಅವಧಿಗೆ ಒಂದು ಮೊತ್ತದ ಬಾಡಿಗೆ ನಿಗದಿ ಮಾಡಲಾಗಿರುತ್ತದೆ. ಕರಾರು ಪತ್ರ ಪಡೆಯುವಾಗ ಎಷ್ಟು ತಿಂಗಳ ಅವಧಿಗೆ ಬಾಡಿಗೆ ನಿರ್ಧರಿಸಲಾಗಿದೆ ಎಂಬುದನ್ನು ಗಮನವಿಟ್ಟು ನೋಡಿಕೊಳ್ಳಬೇಕಾಗುತ್ತದೆ.
3. ಡಿಪಾಸಿಟ್ ಮೊತ್ತ
ಸಾಮಾನ್ಯವಾಗಿ 11 ತಿಂಗಳ ಬಾಡಿಗೆಯ ಒಟ್ಟು ಮೊತ್ತವನ್ನು ಡಿಪಾಸಿಟ್ ಆಗಿ ಪಡೆದುಕೊಳ್ಳಲಾಗುತ್ತದೆ. ಇದು ಸಹ ವ್ಯಕ್ತಿಯಿಂದ ವ್ಯಕ್ತಿಗೆ ಬದಲಾಗಬಹುದು. ನೆನಪಿಡಿ, ನೀವು ನೀಡಿದ ಮುಂಗಡ ಹಣವನ್ನು ಬ್ಯಾಂಕಿನಲ್ಲಿ ಇಟ್ಟು ಅದಕ್ಕೆ ಮಾಲೀಕ ಬಡ್ಡಿ ಪಡೆದುಕೊಳ್ಳುತ್ತಾನೆ. ಆದಷ್ಟೂ ಕಡಿಮೆ ಡಿಪಾಸಿಟ್ ನೀಡುವುದು ಒಳಿತು.[ಸಾಲ ಪಡೆಯುವಾಗ ಅನುಸರಿಸಬೇಕಾದ ತಂತ್ರ]
4. ಡಿಪಾಸಿಟ್ ಹಿಂದಕ್ಕೆ ನೀಡುವುದು
ಸಾಮಾನ್ಯವಾಗಿ ಮಾಲೀಕರು ಮನೆ ಖಾಲಿ ಮಾಡಿದ ನಂತರ ಮುಂಗಡ ಹಣವನ್ನು ಹಿಂದಕ್ಕೆ ನೀಡುತ್ತಾರೆ. ಮನೆ ಬಣ್ಣ, ಡ್ಯಾಮೇಜ್, ವಿದ್ಯುತ್ ಬಾಕಿ ಸೇರಿದಂತೆ ಹಲವಾರು ಕಾರಣ ನೀಡಿ ಹಣದಲ್ಲಿ ಕಡಿತ ಮಾಡಬಹುದು.[ಹೆಚ್ಚು ಸಾಲ ಪಡೆಯಲು ಏನು ಮಾಡಬೇಕು]
5. ಪೀಠೋಪಕರಣಗಳು ಮತ್ತು ಉಳಿದ ವಸ್ತುಗಳು
ಬಾಡಿಗೆ ನಿಡುವ ವೇಳೆ ಮನೆಯಲ್ಲಿನ ಪೀಠೋಪಕರಣಗಳು ಮತ್ತು ಉಳಿದ ವಸ್ತುಗಳನ್ನು ಸಹ ಅಗ್ರಿಮೆಂಟ್ ನಲ್ಲಿ ಉಲ್ಲೇಖ ಮಾಡಲಾಗಿರುತ್ತದೆ. ನೀವು ಮನೆ ಒಳಗೆ ಪ್ರವೇಶ ಮಾಡುವಾಗ ಇವೆಲ್ಲ ಇದೆಯೇ ಎಂಬುದನ್ನು ಪರೀಕ್ಷೆ ಮಾಡಿಕೊಳ್ಳಿ.
ಕೊನೆ ಮಾತು: ಮೊದಲೆ ಹೇಳಿದಂತೆ ರೆಂಟಲ್ ಅಗ್ರಿಮೆಂಟ್ ಗೆ ಸಹಿ ಮಾಡುವ ಮುನ್ನ ಎಲ್ಲವನ್ನು ಎರಡು ಸಾರಿ ಓದಿ, ಪರಾಮರ್ಶೆಗೆ ಒಳಪಡಿಸಬೇಕು. ಇಲ್ಲವಾದಲ್ಲಿ ಕೆಲವೊಮ್ಮೆ ತೊಂದರೆಗೆ ಸಿಕ್ಕಿಹಾಕಿಕೊಳ್ಳುವ ಸಾಧ್ಯತೆ ಇರುತ್ತದೆ.