ರೆಕಾರ್ಡ್ ಬ್ರೇಕಿಂಗ್ ಸ್ಯಾಲರಿ ಪ್ಯಾಕೇಜ್‌ ಪಡೆದ ಸಾಮಾನ್ಯ ಯುವತಿ, ಅವರ ಸಂಬಳ ಎಷ್ಟು ಗೊತ್ತಾ?

ಬೆಂಗಳೂರು, ಜನವರಿ 09: ಐಐಟಿ ಮತ್ತು ಐಐಎಂ ಪದವೀಧರರು ತಮ್ಮ ಕ್ಯಾಂಪಸ್ ಪ್ಲೇಸ್‌ಮೆಂಟ್‌ಗಳಲ್ಲಿ ಭಾರಿ ಸಂಬಳದ ಪ್ಯಾಕೇಜ್ ಪಡೆಯುತ್ತಾರೆ ಎಂದು ನಾವು ಭಾವಿಸಿದ್ದೇವೆ. ಆದರೆ ಇದೆಲ್ಲವನ್ನು ಸಾಮಾನ್ಯ ಕಾಲೇಜಿನಲ್ಲಿ ಓದಿದ ಯುವತಿ ಸುಳ್ಳು ಮಾಡಿದ್ದಾರೆ.

ಕಂಪನಿಯಿಂದ ಆಯ್ಕೆಯಾಗುವ ಮೊದಲು ಹಲವಾರು ಸಂದರ್ಶನ ಸುತ್ತುಗಳಿರುತ್ತವೆ. ಇತ್ತೀಚೆಗೆ ಪ್ರತಿಷ್ಠಿತ ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (ಐಐಟಿ) ಬಾಂಬೆಯ 85 ವಿದ್ಯಾರ್ಥಿಗಳು ಕ್ಯಾಂಪಸ್ ಪ್ಲೇಸ್‌ಮೆಂಟ್‌ಗಳಲ್ಲಿ 1 ಕೋಟಿ ರೂ. ಸಂಬಳದ ಪ್ಯಾಕೇಜ್‌ ಪಡೆದಿದ್ದರು, ಕ್ಯಾಂಪಸ್‌ಗೆ ಭೇಟಿ ನೀಡಿದ ವಿವಿಧ ಕಂಪೆನಿಗಳಾದ ಅಕ್ಸೆಂಚರ್, ಏರ್‌ಬಸ್, ಏರ್ ಇಂಡಿಯಾ, ಆಪಲ್ ಇತ್ಯಾದಿಗಳು ಭಾರೀ ಸಂಬಳದ ಆಫರ್ ನೀಡಿದ್ದರು.

ಆದರೆ 2022 ರಲ್ಲಿ ಯುಎಸ್ ಸಂಸ್ಥೆಯಿಂದ ದಾಖಲೆಯ ಪ್ಯಾಕೇಜ್ ಅನ್ನು ಪಡೆದುಕೊಂಡ ವಿದ್ಯಾರ್ಥಿಯು ಸುದ್ದಿಯಾಗಲೇ ಇಲ್ಲ. ಅವರು ಐಐಎಂ ಅಥವಾ ಐಐಟಿಯಿಂದ ಪದವಿ ಪಡೆದವರಾಗಿರಲಿಲ್ಲ, ಆದರೆ ಎಲ್ಲರಿಗಿಂತ ಹೆಚ್ಚಿನ ಸಂಬಳದ ಪ್ಯಾಕೇಜ್ ಅನ್ನು ಪಡೆದುಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ.

ಆಕೆಯ ಹೆಸರು ಅದಿತಿ ತಿವಾರಿ, ಎನ್‌ಐಟಿ ಪಾಟ್ನಾ ಕಾಲೇಜಿನ ವಿದ್ಯಾರ್ಥಿನಿ, ಅವರು 2022 ರಲ್ಲಿ ಫೇಸ್‌ಬುಕ್ (ಈಗ ಮೆಟಾ) ನಿಂದ ಕೆಲಸವನ್ನು ಪಡೆದರು. ಆ ವರ್ಷ ಮಾಡಿದ ಪ್ಲೇಸ್‌ಮೆಂಟ್‌ಗಳಲ್ಲಿ 1.6 ಕೋಟಿ ರೂಪಾಯಿಗಳ ಅತ್ಯಧಿಕ ಪ್ಯಾಕೇಜ್‌ನ್ನು ಪಡೆದರು. ಇದು ತೆರಿಗೆ ಕಡಿತದ ಮೊದಲು ತಿಂಗಳಿಗೆ ಸುಮಾರು 13.33 ಲಕ್ಷ ರೂಪಾಯಿಯ ವೇತನವಾಗಿದೆ.

ಅವರು ತಮ್ಮ ಕೆಲಸವನ್ನು ಪಡೆದಾಗ ಎಲೆಕ್ಟ್ರಾನಿಕ್ಸ್ ಮತ್ತು ಕಮ್ಯುನಿಕೇಷನ್‌ನ ಅಂತಿಮ ವರ್ಷದ ವಿದ್ಯಾರ್ಥಿಯಾಗಿದ್ದಳು. ಅವರು ಫ್ರಂಟ್ ಎಂಡ್ ಇಂಜಿನಿಯರ್ ಆಗಿ ಫೇಸ್‌ಬುಕ್‌ಗೆ ನೇಮಕಗೊಂಡರು. ಕ್ಷಣಾರ್ಧದಲ್ಲಿ ಈ ಸುದ್ದಿ ವೈರಲ್ ಆಗಿತ್ತು. 2022 ರಲ್ಲಿ 1.6 ಕೋಟಿ ರೂಪಾಯಿಗಳ ಪ್ಯಾಕೇಜ್ ದಾಖಲೆಯಾಗಿತ್ತು. ಕಾರಣ ಈ ಪ್ಯಾಕೇಜ್ ಅನ್ನು ಐಐಟಿಗಳು ಮತ್ತು ಐಐಎಂಗಳ ವಿದ್ಯಾರ್ಥಿಗಳಿಗೆ ಸಹ ನೀಡಲಾಗುತ್ತಿರಲಿಲ್ಲ.

ಅದಿತಿ ತಿವಾರಿ ಅವರ ದಾಖಲೆಯ ಪ್ಯಾಕೇಜ್‌ಗಿಂತ ಮೊದಲು ಎನ್‌ಐಟಿ ಪಾಟ್ನಾ ವಿದ್ಯಾರ್ಥಿಯೊಬ್ಬರು ಪಡೆದ ಅತ್ಯಧಿಕ ಪ್ಯಾಕೇಜ್ 50-60 ಲಕ್ಷ ರೂಪಾಯಿಗಳು ಎಂಬುದು ಗಮನಿಸಬೇಕಾದ ಸಂಗತಿ. ಎನ್‌ಐಟಿ ಪಾಟ್ನಾ 2022 ರಲ್ಲಿ 110% ಒಟ್ಟಾರೆ ನಿಯೋಜನೆಗಳೊಂದಿಗೆ ದಾಖಲೆಯನ್ನು ಸೃಷ್ಟಿಸಿತು. ಅದಿತಿ ತಿವಾರಿ ತಂದೆ ಟಾಟಾ ಸ್ಟೀಲ್ ಉದ್ಯೋಗಿಯಾಗಿ ಕೆಲಸ ಮಾಡುತ್ತಿದ್ದರೆ, ತಾಯಿ ಸರ್ಕಾರಿ ಶಾಲೆಯ ಶಿಕ್ಷಕಿಯಾಗಿದ್ದರು.