ಬಜೆಟ್ 2024 ನಿರೀಕ್ಷೆಗಳು: ಬ್ರೋಕರೇಜ್ ಸಂಸ್ಥೆ ಹೇಳಿದ್ದೇನು?

ಬೆಂಗಳೂರು, ಜುಲೈ 17: ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಇದೇ ಬರುವ ಜುಲೈ 23ರಂದು 11 ಗಂಟೆಗೆ ಸಂಸತ್ತಿನಲ್ಲಿ 2024-2025 ರ ಕೇಂದ್ರ ಬಜೆಟ್ ಅನ್ನು ಮಂಡಿಸಲಿದ್ದಾರೆ. ಈ ಬಾರಿ ಅಭಿವೃದ್ದಿ ಪರವಾದ ಬಜೆಟ್‌ನ ಹೆಚ್ಚಿನ ಭರವಸೆಯ ನಡುವೆ ಗ್ರಾಮೀಣ ವಲಯದ ಆರ್ಥಿಕತೆಯನ್ನು ಹೆಚ್ಚಿಸುವ ಗುರಿಯನ್ನು ಹೊಂದಿರುವ ಜನಪರ ಕ್ರಮಗಳನ್ನು ಸಹ ಒಳಗೊಂಡಿರಬಹುದು. ಸಮಾಜದ ಕೆಳಸ್ತರದಲ್ಲಿರುವ ಸಮಸ್ಯೆಯನ್ನು ಪರಿಹರಿಸಲು ಕ್ರಮಗಳನ್ನು ಘೋಷಿಸಬಹುದು. ಮಾತ್ರವಲ್ಲದೇ ಸರ್ಕಾರವು ಹಣಕಾಸಿನ ಬಲವರ್ಧನೆಯ ಕಡೆಗೆ ಹೆಚ್ಚಿನ ಗಮನ ಕೊಡಬಹುದು ಎಂದು ತಜ್ಞರು ಅಭಿಪ್ರಾಯವಾಗಿದೆ.

ಇನ್ನು ಎಸ್‌ಬಿಐ ಅರ್ಥಶಾಸ್ತ್ರಜ್ಞರು ಸರ್ಕಾರವು ಹಣಕಾಸಿನಲ್ಲಿ ವಿವೇಚನೆ ಅನುಸರಿಸಲು ಮತ್ತು ಹಣಕಾಸಿನ ಬಲವರ್ಧನೆಯ ಹಾದಿಯಲ್ಲಿ ಮುಂದುವರಿಯುತ್ತದೆ ಎಂದು ನಿರೀಕ್ಷಿಸುತ್ತಾರೆ. ಆದರೂ ಕೂಡಾ, ಸರ್ಕಾರವು ಹಣಕಾಸಿನ ನಿಲುವಿನ ಮೇಲೆ ಹೆಚ್ಚು ತಟಸ್ಥತೆಯಿಂದ ದೂರವಿರಬೇಕು ತಜ್ಞರ ಅಭಿಪ್ರಾಯವಾಗಿದ್ದು ಈ ನಿಲುವಿನಿಂದ ಇದು ದೀರ್ಘಾವಧಿಯ ಸುಸ್ಥಿರ ಬೆಳವಣಿಗೆಯ ಹಾದಿಯ ಮೇಲೆ ಪರಿಣಾಮ ಬೀರಬಹುದು ಎನ್ನುವುದು ಅವರ ನಂಬಿಕೆಯಾಗಿದೆ.

ಭಾರತದಲ್ಲಿನ ಸಾರ್ವಜನಿಕ ವಲಯದ ಉದ್ಯಮಗಳು (PSU) ಗಳು ಮತ್ತು ಭಾರತೀಯ ರಿಸರ್ವ್ ಬ್ಯಾಂಕ್ (RBI)ನಿಂದ ಹೆಚ್ಚಿನ ಲಾಭಾಂಶಗಳ ಜೊತೆಗೆ GST ಆದಾಯದಲ್ಲಿನ ಘನ ಬೆಳವಣಿಗೆಯಿಂದಾಗಿ, FY25 ಗಾಗಿ GDP ಯ 5% ಕ್ಕಿಂತ ಕಡಿಮೆ, ಬಹುಶಃ 4.9% ರಷ್ಟು ಹಣಕಾಸಿನ ಕೊರತೆಯನ್ನು ಸರ್ಕಾರ ಗುರಿಯಾಗಿಸಬಹುದು ಎಂದು SBI ಅರ್ಥಶಾಸ್ತ್ರಜ್ಞರು ನಂಬುತ್ತಾರೆ.

ಯೂನಿಯನ್ ಬಜೆಟ್ 2024 ರ ನಿರೀಕ್ಷೆಗಳ ಕುರಿತು ನಾವು ಐದು ಪ್ರಮುಖ ಬ್ರೋಕರೇಜ್ ಸಂಸ್ಥೆಗಳ ಒಳನೋಟ

BofA ಸೆಕ್ಯುರಿಟೀಸ್:

RBI ಮತ್ತು CPSE ಗಳಿಂದ (ಕೇಂದ್ರ ಸಾರ್ವಜನಿಕ ವಲಯದ ಉದ್ಯಮಗಳು) $16.2 ಶತಕೋಟಿ ಹೆಚ್ಚುವರಿ ಲಾಭಾಂಶ ರಸೀದಿಗಳ ಸರ್ಕಾರದ ಹಂಚಿಕೆಯ ಮೇಲೆ ಗಮನ ಕೇಂದ್ರೀಕರಿಸಿದೆ.

ಮುಂಬರುವ ಬಜೆಟ್‌ನಲ್ಲಿ ಕೇಂದ್ರವು ಶೂನ್ಯ ತೆರಿಗೆಯ ಆದಾಯದ ಮಿತಿಯನ್ನು 3 ಲಕ್ಷದಿಂದ 5 ಲಕ್ಷಕ್ಕೆ ಹೆಚ್ಚಿಸಬಹುದು. 10 ಲಕ್ಷ ವಾರ್ಷಿಕ ಆದಾಯ ಗಳಿಸುವ ವ್ಯಕ್ತಿಗಳ ಆದಾಯ ತೆರಿಗೆ ದರಗಳನ್ನು ಕಡಿಮೆ ಮಾಡುವ ಚಿಂತನೆಯೂ ನಡೆಯುತ್ತಿದೆ. ಸರಳೀಕೃತ ತೆರಿಗೆ ಪದ್ಧತಿಯನ್ನು ಅಳವಡಿಸಿಕೊಳ್ಳಲು ತೆರಿಗೆದಾರರನ್ನು ಉತ್ತೇಜಿಸಲು ಸರ್ಕಾರ ಪ್ರಯತ್ನಿಸುತ್ತಿರುವ ಕಾರಣ, 80C ನಲ್ಲಿ ಬದಲಾವಣೆಯಾಗುವ ಸಾಧ್ಯತೆಯಿದೆ. ಹೆಚ್ಚಿನ ಮೆಟ್ರೋ ಅಲ್ಲದ ನಗರಗಳನ್ನು ಸೇರಿಸಲು ಎಚ್‌ಆರ್‌ಎ ವಿನಾಯಿತಿಯನ್ನು ವಿಸ್ತರಿಸುವ ಬೇಡಿಕೆಯೂ ಹೆಚ್ಚುತ್ತಿದೆ.

ಮೋರ್ಗನ್ ಸ್ಟಾನ್ಲಿ:

ಮಧ್ಯಂತರ ಬಜೆಟ್‌ಗೆ ಅನುಗುಣವಾಗಿ ಹಣಕಾಸಿನ ಕೊರತೆಯ ಗುರಿಯನ್ನು FY25 ರಲ್ಲಿ GDP ಯ 5.1 ಪ್ರತಿಶತದಲ್ಲಿ ಉಳಿಸಿಕೊಳ್ಳಲು ನಿರೀಕ್ಷಿಸಬಹುದು. ಕ್ಯಾಪೆಕ್ಸ್ ಮೂಲಕ ಬೆಂಬಲಿತ ಉದ್ಯೋಗ ಸೃಷ್ಟಿ, 'ವಿಕ್ಷಿತ್ ಭಾರತ್' ಯೋಜನೆಯ ಮೇಲೆ ಕೇಂದ್ರೀಕರಿಸುವುದು ಪ್ರಮುಖ ವಿಷಯಗಳಾಗಬಹುದು. ಬಜೆಟ್ FY26 ಮೀರಿದ ಹಣಕಾಸಿನ ಬಲವರ್ಧನೆಗೆ ಮಧ್ಯಮ-ಅವಧಿಯ ಯೋಜನೆಗೆ ರೋಡ್ ಮ್ಯಾಪ್ ಕೂಡ ನೀಡಬಹುದು. ವೈಯಕ್ತಿಕ ಆದಾಯ ತೆರಿಗೆ ದರಗಳಲ್ಲಿ ಕಡಿತವನ್ನು ಊಹಿಸುವುದಿಲ್ಲ (ಬೇಸ್ ಕೇಸ್); ಆದಾಗ್ಯೂ, ಮಧ್ಯಮ ಆದಾಯ ತೆರಿಗೆದಾರರಿಗೆ ತೆರಿಗೆ ವಿನಾಯಿತಿ ನೀಡಲು ಸರ್ಕಾರವು ಮುಂದಾಗಬಹುದು ಎಂಬ ನಿರೀಕ್ಷೆಗಳಿವೆ.

ಮೋತಿಲಾಲ್ ಓಸ್ವಾಲ್ ಸೆಕ್ಯುರಿಟೀಸ್:

ತೆರಿಗೆ ಅಂದಾಜುಗಳು ಬದಲಾಗದಿದ್ದರೂ, ದಾಖಲೆಯ-ಹೆಚ್ಚಿನ RBI ಲಾಭಾಂಶಗಳು ಈ ವರ್ಷ ಸುಮಾರು 1.1 ಟ್ರಿಲಿಯನ್ ರೂಪಾಯಿಗಳ ಹೆಚ್ಚುವರಿ ಮೊತ್ತವನ್ನು ಖರ್ಚು ಮಾಡಲು ಸರ್ಕಾರಕ್ಕೆ ಸಹಾಯ ಮಾಡುತ್ತವೆ, ಆದರೆ FY25 ರಲ್ಲಿ ಹಣಕಾಸಿನ ಕೊರತೆಯ ಗುರಿಯನ್ನು GDP ಯ 5 ಪ್ರತಿಶತಕ್ಕೆ ತಗ್ಗಿಸುತ್ತದೆ.