Bonus to Central Government Employees: ದೀಪಾವಳಿಗೂ ಮುನ್ನ ಬೋನಸ್ ಘೋಷಿಸಿದ ಕೇಂದ್ರ, ಅರ್ಹತೆ ಪರಿಶೀಲಿಸಿ

ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸರ್ಕಾರವು ದೀಪಾವಳಿಗೂ ಮುನ್ನ ಕೇಂದ್ರ ಸರ್ಕಾರಿ ನೌಕರರಿಗೆ ಸಿಹಿಸುದ್ದಿಯನ್ನು ನೀಡಿದೆ. ಅರೆಸೇನಾ ಪಡೆಗಳು ಸೇರಿದಂತೆ ಗ್ರೂಪ್ ಸಿ ಮತ್ತು ಗೆಜೆಟೆಡ್ ಅಲ್ಲದ ಗ್ರೂಪ್ ಬಿ ಶ್ರೇಣಿಯ ಅಧಿಕಾರಿಗಳಿಗೆ ದೀಪಾವಳಿಗೆ ಮುಂಚಿತವಾಗಿ ಬೋನಸ್‌ಗಳನ್ನು ಅನುಮೋದಿಸಿದೆ.

ಕೇಂದ್ರ ಸರ್ಕಾರಿ ಉದ್ಯೋಗಿಗಳಿಗೆ 2022-23ಕ್ಕೆ 7,000 ರೂಪಾಯಿ ನಾನ್‌-ಪ್ರೊಡಕ್ಟಿವ್ ಲಿಂಕ್ಡ್ ಬೋನಸ್‌ಗಳನ್ನು (ಆಡ್ ಹಾಕ್ ಬೋನಸ್‌ಗಳು) ಲೆಕ್ಕಾಚಾರ ಮಾಡಲು ಹಣಕಾಸು ಸಚಿವಾಲಯವು ಮುಂದಾಗಿದೆ. ಕಚೇರಿಯ ಅಧಿಕೃತ ಮೆಮೊರೆಂಡಮ್‌ನಲ್ಲಿ ಹಣಕಾಸು ಸಚಿವಾಲಯದ ಅಡಿಯಲ್ಲಿರುವ ಖರ್ಚು ಇಲಾಖೆಯು 2022-23ರ ಹಣಕಾಸು ವರ್ಷಕ್ಕೆ 30 ದಿನಗಳ ವೇತನಕ್ಕೆ ಸಮಾನವಾದ ಬೋನಸ್ ಅನ್ನು ನೀಡಲಾಗುತ್ತದೆ.

ಈ ಬೋನಸ್‌ಗೆ ಗ್ರೂಪ್ 'ಸಿ' ಮತ್ತು ಯಾವುದೇ ಉತ್ಪಾದಕತೆ-ಸಂಯೋಜಿತ ಬೋನಸ್ ಯೋಜನೆಯ ವ್ಯಾಪ್ತಿಗೆ ಒಳಪಡದ ಗುಂಪು B' ನಲ್ಲಿರುವ ಎಲ್ಲಾ ಗೆಜೆಟೆಡ್ ಅಲ್ಲದ ಉದ್ಯೋಗಿಗಳು ಅರ್ಹರಾಗಿರುತ್ತಾರೆ ಎಂದು ಕೇಂದ್ರ ಸರ್ಕಾರವು ಹೇಳಿಕೊಂಡಿದೆ. ಈ ಬಗ್ಗೆ ಇಲ್ಲಿದೆ ಅಧಿಕ ಮಾಹಿತಿ ಮುಂದೆ ಓದಿ....

ಈ ಬೋನಸ್ ವಿತರಣೆಗೆ ಕೆಲವು ಷರತ್ತು ವಿಧಿಸಿದ ಕೇಂದ್ರ

1. 31.3.2023 ರಂತೆ ಸೇವೆಯಲ್ಲಿದ್ದ ಮತ್ತು 2022-23 ವರ್ಷದಲ್ಲಿ ಕನಿಷ್ಠ ಆರು ತಿಂಗಳ ನಿರಂತರ ಸೇವೆಯನ್ನು ಸಲ್ಲಿಸಿದ ನೌಕರರು ಮಾತ್ರ ಈ ಆದೇಶಗಳ ಅಡಿಯಲ್ಲಿ ಪಾವತಿಗೆ ಅರ್ಹರಾಗಿರುತ್ತಾರೆ. ಆರು ತಿಂಗಳಿಂದ ಪೂರ್ಣ ವರ್ಷದವರೆಗೆ ನಿರಂತರ ಸೇವೆಯ ಅವಧಿಗೆ ಅರ್ಹ ಉದ್ಯೋಗಿಗಳಿಗೆ ಪ್ರೊ-ರೇಟಾ ಪಾವತಿಯನ್ನು ಅನುಮತಿಸಲಾಗುತ್ತದೆ. ಅರ್ಹತಾ ಅವಧಿಯನ್ನು ಸೇವೆಯ ತಿಂಗಳ ಸಂಖ್ಯೆಯ ಆಧಾರದ ಮೇಲೆ ತೆಗೆದುಕೊಳ್ಳಲಾಗುತ್ತದೆ.

2. ಪಿಎಲ್‌ಬಿ ಅಲ್ಲದ (ಆಡ್-ಹಾಕ್ ಬೋನಸ್) ಕ್ವಾಂಟಮ್ ಅನ್ನು ಸರಾಸರಿ ವೇತನಗಳು/ ಲೆಕ್ಕಾಚಾರದಲ್ಲಿ ಯಾವುದು ಕಡಿಮೆಯೋ ಅದರ ಆಧಾರದ ಮೇಲೆ ಲೆಕ್ಕ ಹಾಕಲಾಗುತ್ತದೆ. ಒಂದು ದಿನಕ್ಕೆ ನಾನ್-ಪಿಎಲ್‌ಬಿ (ಆಡ್-ಹಾಕ್ ಬೋನಸ್) ಅನ್ನು ಲೆಕ್ಕಾಚಾರ ಮಾಡಲು, ಒಂದು ವರ್ಷದಲ್ಲಿ ಸರಾಸರಿ ವೇತನವನ್ನು 30.4 ರಿಂದ ಭಾಗಿಸಲಾಗುತ್ತದೆ. ಇದನ್ನು ನಂತರ ಬೋನಸ್ ನೀಡಲಾಗುವ ದಿನಗಳ ಸಂಖ್ಯೆಯಿಂದ ಗುಣಿಸಲಾಗುತ್ತದೆ. ಅಂದರೆ ₹7000x30/30.4=6907.89 ರೂಪಾಯಿ ಆಗುತ್ತದೆ. ರೌಂಡ್ ಫಿಗರ್ ಮಾಡಿದಾಗ 6908 ರೂಪಾಯಿ ಆಗುತ್ತದೆ.

3. 6 ದಿನಗಳ ವಾರದ ನಂತರ ಕನಿಷ್ಠ 240 ದಿನಗಳ ಕಾಲ ಪ್ರತಿ ವರ್ಷಕ್ಕೆ 3 ವರ್ಷ ಅಥವಾ ಅದಕ್ಕಿಂತ ಹೆಚ್ಚಿನ ಅವಧಿಗೆ ಕಚೇರಿಗಳಲ್ಲಿ ಕೆಲಸ ಮಾಡಿದ ಕಾರ್ಮಿಕರು (5 ದಿನಗಳ ವಾರದ ಲೆಕ್ಕಾಚಾರದಲ್ಲಿ ಕಚೇರಿಯಲ್ಲಿ 3 ವರ್ಷ ಅಥವಾ ಅದಕ್ಕಿಂತ ಹೆಚ್ಚಿನ ಅವಧಿಗೆ ಪ್ರತಿ ವರ್ಷ 206 ದಿನಗಳ ಲೆಕ್ಕಾಚಾರ) ಈ ಪಿಎಲ್‌ಬಿ ಅಲ್ಲದ (ಆಡ್-ಹಾಕ್ ಬೋನಸ್) ಪಾವತಿಗಾಗಿ ಅರ್ಹರಾಗಿರುತ್ತಾರೆ. ಪಾವತಿಸಬೇಕಾದ ನಾನ್-ಪಿಎಲ್‌ಬಿ (ಆಡ್-ಹಾಕ್ ಬೋನಸ್) ಮೊತ್ತವು (Rs 1200x30/30.4 = Rs 1184.21) (ರೌಂಡ್ ಫಿಗರ್ 1184 ರೂಪಾಯಿ) ಆಗಿರುತ್ತದೆ. ನಿಜವಾದ ವೇತನವು 1200 ರೂಪಾಯಿಗಿಂತ ಕಡಿಮೆಯಿದ್ದರೆ ಮೊತ್ತವನ್ನು ನಿಜವಾದ ಮಾಸಿಕ ವೇತನಗಳ ಮೇಲೆ ಲೆಕ್ಕಹಾಕಲಾಗುತ್ತದೆ.

4. ಈ ಆದೇಶಗಳ ಅಡಿಯಲ್ಲಿ ಎಲ್ಲಾ ಪಾವತಿಗಳನ್ನು ಹತ್ತಿರದ ರೂಪಾಯಿಗೆ ರೌಂಡ್ ಫಿಗರ್ ಮಾಡಲಾಗುತ್ತದೆ.

5. ಡಿಸೆಂಬರ್ 16, 2022 ರ ಇಲಾಖೆಯ ಅಧಿಸೂಚನೆಯ ಪ್ರಕಾರ ಈ ಖಾತೆಯ ವೆಚ್ಚವು ಆಯಾ ಖರ್ಚು ವೆಚ್ಚಕ್ಕೆ ಅನುಗುಣವಾಗಿ ಡೆಬಿಟ್ ಆಗುತ್ತದೆ ಎಂದು ಅಧಿಸೂಚನೆಯಲ್ಲಿ ತಿಳಿಸಲಾಗಿದೆ.

6. ಸರ್ಕಾರದ ಪ್ರಕಾರ, ಈ ಅಡ್-ಹಾಕ್ ಬೋನಸ್‌ನ ಖಾತೆಯಲ್ಲಿ ಮಾಡಬೇಕಾದ ವೆಚ್ಚವನ್ನು ಪ್ರಸಕ್ತ ವರ್ಷಕ್ಕೆ ಸಂಬಂಧಿಸಿದ ಸಚಿವಾಲಯಗಳು/ಇಲಾಖೆಗಳ ಮಂಜೂರಾದ ಬಜೆಟ್ ನಿಬಂಧನೆಯೊಳಗೆ ಭರಿಸಬೇಕಾಗುತ್ತದೆ.