ದಸರಾ ರಜೆ: ಬ್ಯಾಂಕ್ ಮತ್ತು ಷೇರು ಮಾರುಕಟ್ಟೆ ಬಂದ್, ನಿಮ್ಮ ಹಣಕಾಸಿನ ವ್ಯವಹಾರಕ್ಕೆ ಈ ಮುನ್ನೆಚ್ಚರಿಕೆ ಅಗತ್ಯ!

ಅಕ್ಟೋಬರ್ 20ರ ಮಂಗಳವಾರ ದಸರಾ ಹಬ್ಬವಿರುವುದರಿಂದ ಬ್ಯಾಂಕಿಂಗ್ ಮತ್ತು ಷೇರು ಮಾರುಕಟ್ಟೆ ವಹಿವಾಟಿನಲ್ಲಿ ಪ್ರಮುಖ ಬದಲಾವಣೆಗಳು ಆಗಲಿವೆ. ಅಂದು ಎನ್‌ಎಸ್‌ಇ (NSE) ಮತ್ತು ಬಿಎಸ್‌ಇ (BSE) ಸಂಪೂರ್ಣ ಬಂದ್ ಆಗಲಿದ್ದು, ಸೆಟಲ್‌ಮೆಂಟ್ ಅವಧಿ ಮುಂದೂಡಲ್ಪಡಲಿದೆ. ಇನ್ನು ಅಕ್ಟೋಬರ್ 19 ರಿಂದ 21 ರವರೆಗೆ ವಿವಿಧ ರಾಜ್ಯಗಳಲ್ಲಿ ಬ್ಯಾಂಕ್‌ಗಳಿಗೆ ಸಾಲು ಸಾಲು ರಜೆ ಇರಲಿದೆ. ಡಿಜಿಟಲ್ ಪಾವತಿ ಸೇವೆಗಳು ಲಭ್ಯವಿದ್ದರೂ, ಕಟ್-ಆಫ್ ಅವಧಿಯ ಆಧಾರದ ಮೇಲೆಯೇ ಹಣ ತಲುಪಲಿದೆ. ಆದ್ದರಿಂದ ದಂಡ ಅಥವಾ ಪಾವತಿ ವೈಫಲ್ಯ ಎದುರಾಗದಂತೆ ಮುಂಚಿತವಾಗಿಯೇ ಪ್ಲಾನ್ ಮಾಡಿಕೊಳ್ಳಿ.

ನಗರದಿಂದ ನಗರಕ್ಕೆ ಬ್ಯಾಂಕ್ ರಜೆಗಳು ಬದಲಾಗಲಿವೆ. ಕೆಲವು ರಾಜ್ಯಗಳಲ್ಲಿ ಅಕ್ಟೋಬರ್ 19 ರಂದು ರಜೆ ಇದ್ದರೆ, ಹೆಚ್ಚಿನ ಕಡೆ ಅಕ್ಟೋಬರ್ 20 ರಂದು ರಜೆ ಇರಲಿದೆ. ಕೆಲವೆಡೆ ಅಕ್ಟೋಬರ್ 21 ಕ್ಕೂ ರಜೆ ವಿಸ್ತರಣೆಯಾಗಲಿದೆ. ಚೆಕ್ ಕ್ಲಿಯರಿಂಗ್ ಸೇವೆಗಳು ರಜಾದಿನಗಳಲ್ಲಿ ಸ್ಥಗಿತಗೊಂಡು ಮುಂದಿನ ಕೆಲಸದ ದಿನದಂದು ಪುನರಾರಂಭಗೊಳ್ಳಲಿವೆ. ನಿಮ್ಮ ನಗರದಲ್ಲಿ ಸತತ ಎರಡು ದಿನ ಬ್ಯಾಂಕ್ ರಜೆ ಇದ್ದರೆ, ಅಗತ್ಯಕ್ಕೆ ತಕ್ಕಷ್ಟು ನಗದು ಕಾಯ್ದಿರಿಸಿಕೊಳ್ಳಿ ಅಥವಾ ಡಿಜಿಟಲ್ ಪಾವತಿಗಳನ್ನು ಬಳಸಿ.

ದಸರಾ ವಾರದ ಅಲರ್ಟ್: ಷೇರು ಮಾರುಕಟ್ಟೆ ಮತ್ತು ಟ್ರೇಡಿಂಗ್ ಸಮಯ

ದಸರಾ ಪ್ರಯುಕ್ತ ಅಕ್ಟೋಬರ್ 20ರ ಮಂಗಳವಾರದಂದು ಎನ್‌ಎಸ್‌ಇ ಮತ್ತು ಬಿಎಸ್‌ಇ ಮಾರುಕಟ್ಟೆಗಳು ಕಾರ್ಯಾಚರಣೆ ನಡೆಸುವುದಿಲ್ಲ. ಈಕ್ವಿಟಿ, ಡೆರಿವೇಟಿವ್ಸ್, ಕರೆನ್ಸಿ ಹಾಗೂ ಸಾಲ ಮಾರುಕಟ್ಟೆ ವಿಭಾಗಗಳು ಸಂಪೂರ್ಣ ಮುಚ್ಚಿರುತ್ತವೆ. T+1 ನಿಯಮದಡಿಯ ಸೆಟಲ್‌ಮೆಂಟ್‌ಗಳು ಮುಂದಿನ ಕೆಲಸದ ದಿನಕ್ಕೆ ಶೊಫ್ಟ್ ಆಗಲಿವೆ. ಇನ್ನು ಐಪಿಒ ಬಿಡ್ಡಿಂಗ್ ಕೂಡ ಕೆಲಸದ ದಿನಗಳಲ್ಲಿ ಮಾತ್ರ ಸಾಧ್ಯವಿದ್ದು, ರಜಾದಿನಗಳಲ್ಲಿ ಲಭ್ಯವಿರುವುದಿಲ್ಲ.

ದಿನಾಂಕ	ಬ್ಯಾಂಕ್ ಶಾಖೆಗಳು	ಎನ್‌ಎಸ್‌ಇ/ಬಿಎಸ್‌ಇ	UPI/IMPS/NEFT/RTGS/NACH
ಮಂಗಳವಾರ, ಅಕ್ಟೋಬರ್ 20	ಹೆಚ್ಚಿನ ನಗರಗಳಲ್ಲಿ ರಜೆ	ಬಂದ್	24x7 ಲಭ್ಯ; ಕಟ್-ಆಫ್ ಆಧಾರಿತ ಮೌಲ್ಯ ದಿನಾಂಕ

ದಸರಾ ವಾರದ ಅಲರ್ಟ್: ಆನ್‌ಲೈನ್ ಪಾವತಿ, ಎಸ್‌ಐಪಿ/ಇಎಂಐ ಮತ್ತು ಎನ್‌ಎವಿ ದಿನಾಂಕಗಳು

ರಜಾದಿನಗಳಲ್ಲೂ ಯುಪಿಐ (UPI) ಮತ್ತು ಐಎಂಪಿಎಸ್ (IMPS) ಸೇವೆಗಳು 24/7 ಲಭ್ಯವಿರಲಿವೆ. ಎನ್‌ಇಎಫ್‌ಟಿ (NEFT) ಮತ್ತು ಆರ್‌ಟಿಜಿಎಸ್ (RTGS) ಸೇವೆಗಳು ಕೂಡ ಹಗಲು-ರಾತ್ರಿ ಕಾರ್ಯನಿರ್ವಹಿಸುತ್ತವೆ. ಆದರೆ ಬ್ಯಾಂಕ್ ದಿನದ ಅಂತ್ಯದ ಪ್ರಕ್ರಿಯೆ ಮುಗಿದ ನಂತರವೇ ಹಣ ಜಮಾ ಆಗಬಹುದು. ಎನ್‌ಎಸಿಎಚ್ (NACH) ವ್ಯವಸ್ಥೆ ಪ್ರತಿದಿನ ಕೆಲಸ ಮಾಡುವುದರಿಂದ ಎಸ್‌ಐಪಿ (SIP) ಮತ್ತು ಇಎಂಐ (EMI) ಆಟೋ-ಡೆಬಿಟ್‌ಗಳು ಯಥಾರೀತಿ ನಡೆಯಲಿವೆ. ಇನ್ನು ಮ್ಯೂಚುವಲ್ ಫಂಡ್ ಖಾತೆಗೆ ಹಣ ತಲುಪುವ ಕೆಲಸದ ದಿನದ ಆಧಾರದ ಮೇಲೆಯೇ ಎನ್‌ಎವಿ (NAV) ನಿಗದಿಯಾಗಲಿದೆ.

ದಸರಾ ವಾರದ ಅಲರ್ಟ್: ತೆರಿಗೆ ಸಲ್ಲಿಕೆ ಮತ್ತು ಲಾಗಿಸ್ಟಿಕ್ಸ್ ನಿಯಮಗಳು

ಸಾಮಾನ್ಯ ತೆರಿಗೆ ಪಾವತಿದಾರರು ಜಿಎಸ್‌ಟಿಆರ್-3ಬಿ (GSTR-3B) ಫಾರ್ಮ್ ಅನ್ನು ಪ್ರತಿ ತಿಂಗಳ 20 ರಂದು ಸಲ್ಲಿಸಬೇಕು. ಕ್ಯೂಆರ್‌ಎಂಪಿ (QRMP) ಯೋಜನೆಯಲ್ಲಿರುವವರು 22 ಅಥವಾ 24 ರಂದು ಸಲ್ಲಿಸಬಹುದು. ಒಂದು ವೇಳೆ ನಿಮ್ಮ ಸಲ್ಲಿಕೆಯ ದಿನಾಂಕ ಅಕ್ಟೋಬರ್ 20 ಆಗಿದ್ದರೆ, ಬ್ಯಾಂಕ್ ಕಟ್-ಆಫ್ ತೊಂದರೆ ತಪ್ಪಿಸಲು ಮುಂಚಿತವಾಗಿಯೇ ಸಲ್ಲಿಸಿ. ಈ-ವೇ ಬಿಲ್ ಅವಧಿ ನಿರಂತರವಾಗಿ ಚಾಲ್ತಿಯಲ್ಲಿರುತ್ತದೆ; ಅಗತ್ಯವಿದ್ದರೆ 8 ಗಂಟೆಗಳ ಕಾಲಾವಕಾಶದೊಳಗೆ ವಿಸ್ತರಿಸಿಕೊಳ್ಳಿ. ಎನ್‌ಪಿಎಸ್ ಡಿ-ರೆಮಿಟ್ ಮೂಲಕ ಮಧ್ಯಾಹ್ನ 1:30 ರ ಮೊದಲು ಹಣ ಜಮೆಯಾದರೆ ಅದೇ ದಿನದ ಎನ್‌ಎವಿ ಸಿಗಲಿದೆ.