PMVBRY 2025: PM ವಿಕಸಿತ್ ಭಾರತ್ ರೋಜಗಾರ್ ಯೋಜನೆ..ಉದ್ಯೋಗದಾತರಿಗೆ ಪ್ರೋತ್ಸಾಹಧನ ನೀಡುವ ಈ ಯೋಜನೆಗೆ ಅಪ್ಲೈ ಮಾಡೋದೇಗೆ?

ಕೇಂದ್ರ ಸರ್ಕಾರವು ಪ್ರಧಾನ ಮಂತ್ರಿ ವಿಕ್ಷಿತ್ ಭಾರತ್ ರೋಜ್‌ಗಾರ್ ಯೋಜನೆ (PMVBRY) ಅನ್ನು ಪ್ರಾರಂಭಿಸಿದೆ. ಈ ಯೋಜನೆಯ ಮೂಲಕ ಉದ್ಯೋಗದಾತರು ಮತ್ತು ಮೊದಲ ಬಾರಿಗೆ ಕೆಲಸ ಮಾಡುವವರಿಗೆ ಪ್ರೋತ್ಸಾಹ ಧನವನ್ನು ನೀಡಲಾಗುವುದು. ಜುಲೈ 1, 2025 ರಂದು ಅನುಮೋದನೆಗೊಂಡ ಈ ರೂ.1 ಲಕ್ಷ ಕೋಟಿ ಯೋಜನೆ, ಆಗಸ್ಟ್ 1, 2025 ರಿಂದ ಜುಲೈ 31, 2027 ರವರೆಗೆ ಕಾರ್ಯಗತವಾಗಲಿದೆ. ಸರ್ಕಾರದ ಗುರಿ ಭಾರತದಲ್ಲಿ 3.5 ಕೋಟಿಗೂ ಹೆಚ್ಚು ಹೊಸ ಉದ್ಯೋಗಗಳನ್ನು ಉತ್ತೇಜಿಸುವುದು ಎಂದು ಕೇಂದ್ರ ಕಾರ್ಮಿಕ ಮತ್ತು ಉದ್ಯೋಗ ಸಚಿವ ಮನ್ಸುಕ್ ಎಲ್. ಮಾಂಡವಿಯಾ ತಿಳಿಸಿದ್ದರು.

ಯೋಜನೆಯ ಉದ್ದೇಶ ಮತ್ತು ಭಾಗಗಳು:

ಈ ಯೋಜನೆಯು ದೇಶದಲ್ಲಿ ಹೊಸ ಉದ್ಯೋಗಗಳನ್ನು ಸೃಷ್ಟಿಸಲು ಮತ್ತು ಹೊಸ ಉದ್ಯೋಗಿಗಳನ್ನು ಬೆಂಬಲಿಸಲು ರೂಪಿಸಲಾಗಿದೆ. ಭಾಗ A ಮೊದಲ ಬಾರಿಗೆ ಉದ್ಯೋಗ ಪಡೆಯುತ್ತಿರುವವರಿಗೆ ಅನ್ವಯಿಸುತ್ತದೆ, ಮತ್ತು ಭಾಗ B ಉದ್ಯೋಗದಾತರಿಗೆ ಪ್ರೋತ್ಸಾಹ ನೀಡುತ್ತದೆ.

ಭಾಗ A: ರೂ.1 ಲಕ್ಷದವರೆಗೆ ವೇತನ ಹೊಂದಿರುವ ಹೊಸ ಉದ್ಯೋಗಿಗಳು ಅರ್ಹರಾಗಿರುತ್ತಾರೆ.
ಭಾಗ B: ಎಲ್ಲಾ ವಲಯಗಳಲ್ಲಿ ಉದ್ಯೋಗ ಸೃಷ್ಟಿಗೆ ಪ್ರೋತ್ಸಾಹ ನೀಡುತ್ತದೆ, ವಿಶೇಷವಾಗಿ ಉತ್ಪಾದನಾ ವಲಯದ ಕಂಪನಿಗಳಿಗೆ.

ಅರ್ಹತೆ ಏನಿರಬೇಕು?

• 50 ಕ್ಕಿಂತ ಕಡಿಮೆ ಉದ್ಯೋಗಿಗಳನ್ನು ಹೊಂದಿರುವ ಕಂಪನಿಗಳು ಕನಿಷ್ಠ 2 ಹೆಚ್ಚುವರಿ ಉದ್ಯೋಗಿಗಳನ್ನು ನೇಮಿಸಬೇಕು.
• 50 ಅಥವಾ ಹೆಚ್ಚು ಉದ್ಯೋಗಿಗಳಿದ್ದರೆ ಕನಿಷ್ಠ 5 ಹೆಚ್ಚುವರಿ ಉದ್ಯೋಗಿಗಳನ್ನು ನೇಮಕ ಮಾಡಬೇಕು.
• EPF ಮತ್ತು MP ಕಾಯ್ದೆಯ ಅಡಿಯಲ್ಲಿ ವಿನಾಯಿತಿ ಪಡೆದ ಸಂಸ್ಥೆಗಳಿಗೂ ಈ ಯೋಜನೆಯ ಲಾಭ ಸಿಗುತ್ತದೆ.

ಮೊದಲ ಬಾರಿಗೆ ಕೆಲಸ ಮಾಡುವವರಿಗೆ ಲಾಭ:

ಭಾಗ A ಅಡಿಯಲ್ಲಿ, ಹೊಸ ಉದ್ಯೋಗಿಯು ಸರಾಸರಿ ಒಂದು ತಿಂಗಳ ವೇತನವರೆಗೆ (ರೂ.15,000ವರೆಗೆ) ಒಂದು ಬಾರಿ ಪ್ರೋತ್ಸಾಹಧನ ಪಡೆಯಬಹುದು. ಈ ಹಣವನ್ನು ಎರಡು ಹಂತಗಳಲ್ಲಿ ನೀಡಲಾಗುತ್ತದೆ.

ಉದ್ಯೋಗದಾತರಿಗೆ ಲಾಭ:

ಭಾಗ B ಅಡಿಯಲ್ಲಿ, ಉದ್ಯೋಗದಾತರು ಪ್ರತಿ ಹೊಸ ಉದ್ಯೋಗಿಗೆ ಕನಿಷ್ಠ ರೂ.3,000 ಪ್ರತಿಮಾಸ ಪ್ರೋತ್ಸಾಹಧನ ಪಡೆಯಬಹುದು. ಈ ಯೋಜನೆ ಸಾಮಾನ್ಯವಾಗಿ 2 ವರ್ಷಗಳ ಅವಧಿಗೆ ಕಾರ್ಯಗತವಾಗಿದ್ದು, ಉತ್ಪಾದನಾ ವಲಯದ ಕಂಪನಿಗಳಿಗೆ 4 ವರ್ಷಗಳವರೆಗೆ ವಿಶೇಷ ವಿಸ್ತರಣೆ ಇದೆ.

ಪ್ರೋತ್ಸಾಹಧನ ಸ್ಲ್ಯಾಬ್‌ಗಳು:

• ಮಾಸಿಕ ವೇತನ ರೂ.10,000 ಇದ್ದರೆ, ಉದ್ಯೋಗದಾತರಿಗೆ ರೂ.1,000.
• ಮಾಸಿಕ ವೇತನ ರೂ.10,001-ರೂ.20,000 ಇದ್ದರೆ, ಉದ್ಯೋಗದಾತರಿಗೆ ರೂ.2,000.
• ಮಾಸಿಕ ವೇತನ ರೂ.20,001-ರೂ.30,000 ಇದ್ದರೆ, ಉದ್ಯೋಗದಾತರಿಗೆ ರೂ.3,000.

ಪ್ರೋತ್ಸಾಹವನ್ನು ಪಡೆಯುವ ವಿಧಾನ:

ಅಧಿಕೃತ ಪೋರ್ಟಲ್‌ನಲ್ಲಿ https://pmviksitbharatrozgaryojana.com/ ನೋಂದಾಯಿಸಿಕೊಳ್ಳಿ.
ಅಥವಾ UMANG ಅಪ್ಲಿಕೇಶನ್‌ನಲ್ಲಿ ನಿಮ್ಮ UAN ಸಂಖ್ಯೆ ಅಪ್‌ಲೋಡ್ ಮಾಡಿ.

ಕಂಪನಿಗಳಿಗೆ:

• ಎಲೆಕ್ಟ್ರಾನಿಕ್ ಚಲನ್-ಕಮ್-ರಿಟರ್ನ್ (ECR) ಸಲ್ಲಿಸಬೇಕು.
• UMANG ಅಪ್ಲಿಕೇಶನ್‌ನಲ್ಲಿ ಒದಗಿಸಲಾದ ಸೌಲಭ್ಯವನ್ನು ಬಳಸಿಕೊಂಡು, ಎಲ್ಲಾ ಹಳೆಯ ಮತ್ತು ಹೊಸ ಉದ್ಯೋಗಿಗಳಿಗೆ UAN ತೆರೆಯಬೇಕು.

ಈ ಯೋಜನೆಯ ಮೂಲಕ, ದೇಶದಲ್ಲಿ ಹೊಸ ಉದ್ಯೋಗ ಸೃಷ್ಟಿ ಹೆಚ್ಚುತ್ತದೆ ಮತ್ತು ಉದ್ಯೋಗದಾತರು ಮತ್ತು ಉದ್ಯೋಗಿಗಳು ಎರಡೂ ಪ್ರೋತ್ಸಾಹ ಪಡೆಯುತ್ತಾರೆ, ಇದು ನಿರುದ್ಯೋಗ ಸಮಸ್ಯೆ ಕಡಿಮೆ ಮಾಡಲು ಸಹಾಯಕವಾಗಲಿದೆ.