ITR Refund 2025: ಐಟಿಆರ್ ಮರುಪಾವತಿ ಹಣ ಬರಲು ಎಷ್ಟು ದಿನ ಬೇಕು...ಮತ್ತು ಟ್ರ್ಯಾಕ್ ಮಾಡುವುದು ಹೇಗೆ?

ಆದಾಯ ತೆರಿಗೆ ರಿಟರ್ನ್ (ಐಟಿಆರ್) ಸಲ್ಲಿಸಿದ ಬಳಿಕ ಬಹುತೇಕ ಜನರು ಒಂದು ಪ್ರಶ್ನೆ ಕೇಳುತ್ತಾರೆ. ನನ್ನ ಮರುಪಾವತಿ ಯಾವಾಗ ಬರುತ್ತದೆ?". ಹೆಚ್ಚಿನ ತೆರಿಗೆ ಪಾವತಿಸಿದವರು ತಮ್ಮ ಹಣ ಹಿಂತಿರುಗಿ ಬರುವ ನಿರೀಕ್ಷೆಯಲ್ಲಿ ಇರುತ್ತಾರೆ. ಮರುಪಾವತಿ ಪ್ರಕ್ರಿಯೆ ಹೇಗೆ ನಡೆಯುತ್ತದೆ ಮತ್ತು ಎಷ್ಟು ಸಮಯ ಹಿಡಿಯುತ್ತದೆ ಎಂಬುದನ್ನು ತಿಳಿದಿದ್ದರೆ ಅನಗತ್ಯ ಚಿಂತೆ ಕಡಿಮೆ ಆಗುತ್ತದೆ.

ಐಟಿಆರ್ ಮರುಪಾವತಿಗೆ ಬೇಕಾಗುವ ಸಮಯ:

ತೆರಿಗೆ ಇಲಾಖೆ ನಿಮ್ಮ ರಿಟರ್ನ್ ಪರಿಶೀಲಿಸಿ ಎಲ್ಲ ಮಾಹಿತಿಯನ್ನು ದೃಢೀಕರಿಸಿದ ನಂತರ ಮರುಪಾವತಿಯನ್ನು ಪ್ರಕ್ರಿಯೆಗೊಳಿಸುತ್ತದೆ. ಸಾಮಾನ್ಯವಾಗಿ ಈ ಪ್ರಕ್ರಿಯೆಗೆ 7 ರಿಂದ 21 ಕೆಲಸದ ದಿನಗಳು ಬೇಕಾಗುತ್ತದೆ. ಆದರೆ ಹಣ ನೇರವಾಗಿ ನಿಮ್ಮ ಬ್ಯಾಂಕ್ ಖಾತೆಗೆ ಜಮಾ ಆಗಲು 4 ರಿಂದ 5 ವಾರಗಳವರೆಗೆ ಸಮಯ ಹಿಡಿಯಬಹುದು. ಅಂದರೆ, ನೀವು ಎಲ್ಲ ಮಾಹಿತಿಯನ್ನು ಸರಿಯಾಗಿ ನೀಡಿದ್ದರೆ, ಒಂದು ತಿಂಗಳೊಳಗೆ ಮರುಪಾವತಿ ಬರಲು ಸಾಧ್ಯ.

ಮರುಪಾವತಿಯಲ್ಲಿ ವಿಳಂಬವಾಗುವ ಕಾರಣಗಳು:

• ಕೆಲವೊಮ್ಮೆ ಮರುಪಾವತಿ ತಡವಾಗಿ ಬರಲು ಕೆಲ ಕಾರಣಗಳು ಇರಬಹುದು:
• ಬ್ಯಾಂಕ್ ಖಾತೆ ಸರಿಯಾಗಿ ಲಿಂಕ್ ಆಗಿಲ್ಲ
• ಖಾತೆ ಪೂರ್ವ-ಮೌಲ್ಯಮಾಪನ ಆಗಿಲ್ಲ
• ಸಲ್ಲಿಸಿದ ಮಾಹಿತಿಯಲ್ಲಿ ತಪ್ಪುಗಳಿವೆ
• ಪರಿಶೀಲನೆ ಪ್ರಕ್ರಿಯೆ ಪೂರ್ಣಗೊಳ್ಳಲು ಸಮಯ ಹಿಡಿಯುತ್ತಿದೆ

ಇಂತಹ ಸಂದರ್ಭಗಳಲ್ಲಿ, ತೆರಿಗೆ ಇಲಾಖೆ ತೆರಿಗೆದಾರರಿಗೆ ಇಮೇಲ್ ಅಥವಾ ಅಧಿಸೂಚನೆ (Notification) ಕಳುಹಿಸುತ್ತದೆ. ಆದ್ದರಿಂದ ನೀವು ಮರುಪಾವತಿ ನಿರೀಕ್ಷಿಸುತ್ತಿದ್ದರೆ, ನಿಮ್ಮ ಇಮೇಲ್ ಅನ್ನು ನಿಯಮಿತವಾಗಿ ಪರಿಶೀಲಿಸುವುದು ಮುಖ್ಯ.

ಮರುಪಾವತಿ ಪ್ರಕ್ರಿಯೆ ಹಂತ ಹಂತವಾಗಿ:

• ಐಟಿಆರ್ ಮರುಪಾವತಿ ನೇರವಾಗಿ ಬರೋದಿಲ್ಲ. ಇದಕ್ಕಾಗಿ ಕೆಲವು ಹಂತಗಳನ್ನು ಪೂರೈಸಬೇಕು:
• ಮೊದಲಿಗೆ ನೀವು ಆದಾಯ ತೆರಿಗೆ ರಿಟರ್ನ್ ಸಲ್ಲಿಸಬೇಕು.
• ನಂತರ ಅದನ್ನು ಇ-ವೆರಿಫೈ ಮಾಡುವುದು ಕಡ್ಡಾಯ.
• ತೆರಿಗೆ ಇಲಾಖೆ ನಿಮ್ಮ ರಿಟರ್ನ್ ಪರಿಶೀಲಿಸಿ ಅಗತ್ಯವಾದ ಲೆಕ್ಕಾಚಾರಗಳನ್ನು ನಡೆಸುತ್ತದೆ.
• ಎಲ್ಲವೂ ಸರಿಯಾಗಿ ಹೊಂದಿಕೊಂಡರೆ, ಮರುಪಾವತಿ ನಿಮ್ಮ ಬ್ಯಾಂಕ್ ಖಾತೆಗೆ ಜಮಾ ಮಾಡಲಾಗುತ್ತದೆ.

ಮರುಪಾವತಿ ಸ್ಥಿತಿ ಹೇಗೆ ಪರಿಶೀಲಿಸಬೇಕು?

• ಮರುಪಾವತಿ ಬರಲು ಎಷ್ಟು ಸಮಯ ಬೇಕು ಎಂದು ಕಾಯುವುದರ ಬದಲು, ಅದರ ಸ್ಥಿತಿಯನ್ನು ನೀವೇ ಆನ್‌ಲೈನ್‌ನಲ್ಲಿ ಪರಿಶೀಲಿಸಬಹುದು. ಇದರಿಗಾಗಿ ಹೀಗೆ ಮಾಡಬೇಕು:
• eportal.incometax.gov.in ತೆರೆಯಿರಿ.
• ನಿಮ್ಮ ಯೂಸರ್ ಐಡಿ ಮತ್ತು ಪಾಸ್‌ವರ್ಡ್ ಬಳಸಿ ಲಾಗಿನ್ ಆಗಿ.
• 'ಇ-ಫೈಲ್' ಟ್ಯಾಬ್‌ನಲ್ಲಿ 'Income Tax Returns' ಆಯ್ಕೆ ಮಾಡಿ, ನಂತರ 'View Filed Returns' ಕ್ಲಿಕ್ ಮಾಡಿ.
• ಇಲ್ಲಿ ನಿಮ್ಮ ಎಲ್ಲ ಹಳೆಯ ಹಾಗೂ ಪ್ರಸ್ತುತ ರಿಟರ್ನ್‌ಗಳ ಸ್ಥಿತಿ ಕಾಣಿಸುತ್ತದೆ.
• 'View Details' ಕ್ಲಿಕ್ ಮಾಡಿದರೆ ಮರುಪಾವತಿ ಸಂಬಂಧಿತ ಸಂಪೂರ್ಣ ಮಾಹಿತಿ ಸಿಗುತ್ತದೆ.

ತೆರಿಗೆದಾರರಿಗೆ ಸಲಹೆಗಳು:

• ರಿಟರ್ನ್ ಸಲ್ಲಿಸಿದ ತಕ್ಷಣವೇ ಅದನ್ನು ಇ-ವೆರಿಫೈ ಮಾಡಿ.
• ನಿಮ್ಮ ಬ್ಯಾಂಕ್ ಖಾತೆ ಪೂರ್ವ-ಮೌಲ್ಯಮಾಪನ (Pre-validated) ಆಗಿದೆ ಎಂದು ಖಚಿತಪಡಿಸಿಕೊಳ್ಳಿ.
• ತಪ್ಪಿಲ್ಲದ ಸರಿಯಾದ ಮಾಹಿತಿಯನ್ನು ಸಲ್ಲಿಸಿದರೆ ಮರುಪಾವತಿ ಬೇಗ ಸಿಗುತ್ತದೆ.
• ಮರುಪಾವತಿ ತಡವಾದರೆ ಗಾಬರಿಯಾಗದೇ ನಿಮ್ಮ ಇಮೇಲ್ ಮತ್ತು ಪೋರ್ಟಲ್ ಪರಿಶೀಲಿಸಿ.

ಐಟಿಆರ್ ಮರುಪಾವತಿ ತೆರಿಗೆದಾರರಿಗೆ ಒಂದು ದೊಡ್ಡ ನಿರೀಕ್ಷೆಯ ವಿಷಯ. ಸರಿಯಾದ ಕ್ರಮ ಅನುಸರಿಸಿದರೆ, ಯಾವುದೇ ತೊಂದರೆ ಇಲ್ಲದೆ ಮರುಪಾವತಿ ನೇರವಾಗಿ ಬ್ಯಾಂಕ್ ಖಾತೆಗೆ ಜಮಾ ಆಗುತ್ತದೆ. ಆದ್ದರಿಂದ ತೆರಿಗೆದಾರರು ತಮ್ಮ ಐಟಿಆರ್ ಸಲ್ಲಿಸಿದ ನಂತರ ಅದರ ಸ್ಥಿತಿಯನ್ನು ನಿಯಮಿತವಾಗಿ ಪರಿಶೀಲಿಸುತ್ತಾ, ಅಗತ್ಯವಿದ್ದಲ್ಲಿ ತಕ್ಷಣ ಕ್ರಮ ಕೈಗೊಳ್ಳುವುದು ಉತ್ತಮ.