Adani Total Gas SHareಷೇರು ಮಾರುಕಟ್ಟೆ ಕುಸಿದರೂ, ನಷ್ಟ ಕಾಣದ ಷೇರು ಇದು; ಯಾವುದು ಗೊತ್ತಾ?

ಭಾರತೀಯ ಷೇರು ಮಾರುಕಟ್ಟೆಯಲ್ಲಿ (Stock Market) ಮಂಗಳವಾರ ವ್ಯಾಪಕ ಕುಸಿತ ಕಾಣುತ್ತಿದ್ದರೂ, ಅದಾನಿ ಸಮೂಹದ ಅದಾನಿ ಟೋಟಲ್ ಗ್ಯಾಸ್ (Adani Total Gas) ಷೇರುಗಳು ಮಾತ್ರ ಭಾರಿ ಏರಿಕೆಯತ್ತ ಸಾಗುತ್ತಿದೆ. ದಿನದ ವಹಿವಾಟಿನಲ್ಲಿ ಶೇ 14ರಷ್ಟು ಜಿಗಿದ ಈ ಷೇರು, ನಂತರ ಶೇ 9ರಷ್ಟು ಚೇತರಿಸಿಕೊಂಡು 620 ರೂ.ಗಳಲ್ಲಿ ವಹಿವಾಟು ಮುಗಿಸಿದೆ.

ಇಡೀ ಮಾರುಕಟ್ಟೆ ಕುಸಿತದಲ್ಲಿದ್ದು, ಸೆನ್ಸೆಕ್ಸ್ 900 ಅಂಕಗಳಿಗೂ ಹೆಚ್ಚು ಕುಸಿದು, ಮಧ್ಯಾಹ್ನ 1 ಗಂಟೆ ಸುಮಾರಿಗೆ 462 ಅಂಕಗಳ ಇಳಿಕೆಯೊಂದಿಗೆ 76,401ರಲ್ಲಿತ್ತು. ನಿಫ್ಟಿ ಸಹ ಕುಸಿತ ಕಂಡಿತು. ಈ ಮಧ್ಯೆ, ಅದಾನಿ ಟೋಟಲ್ ಗ್ಯಾಸ್ ಷೇರು ಕಳೆದ ಎರಡು ದಿನಗಳಲ್ಲಿ ಶೇ 37% ರಷ್ಟು ಜಿಗಿದಿದೆ.

ಕಳೆದ ಒಂದು ತಿಂಗಳಲ್ಲಿ ಈ ಷೇರು ಶೇ 15% ರಷ್ಟು ಏರಿಕೆಯಾದರೆ, ಒಂದು ವರ್ಷದಲ್ಲಿ ಶೇ 3% ರಷ್ಟು ಮಾತ್ರ ಹೆಚ್ಚಳ ಕಂಡಿದೆ. ಆದರೆ, ಐದು ವರ್ಷಗಳಲ್ಲಿ ಶೇ 16% ರಷ್ಟು ಇಳಿಕೆ ಕಂಡಿದೆ. ಈ ದಿಡೀರ್ ಏರಿಕೆಗೆ ಸರ್ಕಾರಿ ನಿರ್ಧಾರಗಳು, ಬೆಲೆ ಹೆಚ್ಚಳ, ಮತ್ತು ಜಾಗತಿಕ ಅನಿಲ ಪೂರೈಕೆ ಬಿಕ್ಕಟ್ಟು ಪ್ರಮುಖ ಕಾರಣಗಳಾಗಿವೆ.

ಸರ್ಕಾರವು ನೈಸರ್ಗಿಕ ಅನಿಲ ಪೂರೈಕೆ ನಿಯಂತ್ರಣ ಆದೇಶ ಹೊರಡಿಸಿದೆ. ಇದರನ್ವಯ, ದೇಶೀಯ ಪೈಪ್ಡ್ ನ್ಯಾಚುರಲ್ ಗ್ಯಾಸ್ (PNG) ಮತ್ತು ಸಂಕುಚಿತ ನೈಸರ್ಗಿಕ ಅನಿಲ (CNG) ಯಂತಹ ಅಗತ್ಯ ವಲಯಗಳಿಗೆ ಅನಿಲ ಹಂಚಿಕೆಯಲ್ಲಿ ಆದ್ಯತೆ ನೀಡಲಾಗುತ್ತದೆ. ಅದಾನಿ ಟೋಟಲ್ ಗ್ಯಾಸ್‌ನಂತಹ ವಿತರಕ ಕಂಪನಿಗಳಿಗೆ ಇದು ಲಾಭ ತರುತ್ತದೆ ಎಂದು ಹೂಡಿಕೆದಾರರು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

ಷೇರು ಏರಿಕೆಗೆ ಇನ್ನೊಂದು ಪ್ರಮುಖ ಕಾರಣ ಕೈಗಾರಿಕಾ ಅನಿಲ ದರಗಳ ಭಾರಿ ಹೆಚ್ಚಳ. ಜಾಗತಿಕ ಪೂರೈಕೆ ವ್ಯತ್ಯಯದ ನಂತರ, ಕಂಪನಿಯು ದೊಡ್ಡ ಕೈಗಾರಿಕಾ ಗ್ರಾಹಕರಿಗೆ ಅನಿಲ ಬೆಲೆಯನ್ನು ಮೂರು ಪಟ್ಟು ಹೆಚ್ಚಿಸಿದೆ. ಹಿಂದೆ ಪ್ರತಿ ಸ್ಟ್ಯಾಂಡರ್ಡ್ ಕ್ಯೂಬಿಕ್ ಮೀಟರ್‌ಗೆ ₹40 ಇದ್ದ ಬೆಲೆ ಈಗ ₹119ಕ್ಕೆ ಏರಿದೆ.

ಜಾಗತಿಕ ಎಲ್‌ಎನ್‌ಜಿ (LNG) ಪೂರೈಕೆ ಬಿಕ್ಕಟ್ಟು ಏರಿಕೆಗೆ ಕಾರಣ. ಅಮೆರಿಕ-ಇರಾನ್ ಸಂಘರ್ಷದಿಂದ ವಿಶ್ವದ ಶೇ 20ರಷ್ಟು ಎಲ್‌ಎನ್‌ಜಿ ಪೂರೈಸುವ ಕತಾರ್, ತೀವ್ರ ಬಿಕ್ಕಟ್ಟಿನಲ್ಲಿದೆ. ಕಳೆದ ವಾರ ಇರಾನ್ ಡ್ರೋನ್ ದಾಳಿಯ ಬಳಿಕ ಕತಾರ್ ತನ್ನ 'ರಾಸ್ ಲಫಾನ್' ರಫ್ತು ಕೇಂದ್ರ ಮುಚ್ಚಬೇಕಾಯಿತು.

ಭಾರತ ತನ್ನ ಶೇ 50ಕ್ಕೂ ಹೆಚ್ಚು ಎಲ್‌ಎನ್‌ಜಿ ಅಗತ್ಯಗಳನ್ನು ಕತಾರ್‌ನಿಂದಲೇ ಪೂರೈಸುತ್ತದೆ. ಹೀಗಾಗಿ, ದೇಶೀಯ ಮಾರುಕಟ್ಟೆಯಲ್ಲಿ ಅನಿಲ ಕೊರತೆ ಆತಂಕ ತೀವ್ರಗೊಂಡಿದೆ. ಭಾರತವು ದಿನಕ್ಕೆ 190 ಮಿಲಿಯನ್ ಸ್ಟ್ಯಾಂಡರ್ಡ್ ಕ್ಯೂಬಿಕ್ ಮೀಟರ್ (mscmd) ಅನಿಲ ಬಳಸುತ್ತದೆ; ಇದರಲ್ಲಿ ಸುಮಾರು ಅರ್ಧ ಆಮದು ಮಾಡಿಕೊಳ್ಳುತ್ತದೆ. ಸದ್ಯದ ಜಾಗತಿಕ ಬಿಕ್ಕಟ್ಟು ಪರಿಸ್ಥಿತಿಯನ್ನು ಮತ್ತಷ್ಟು ಸಂಕೀರ್ಣಗೊಳಿಸಿದೆ.

(ಈ ವಿಶ್ಲೇಷಣೆ ಮತ್ತು ಮಾಹಿತಿ ಕೇವಲ ವೈಯಕ್ತಿಕ ವಿಶ್ಲೇಷಕರು ಅಥವಾ ಸಂಸ್ಥೆಗಳ ಅಭಿಪ್ರಾಯವಾಗಿದೆ ಮತ್ತು Goodreturns.in ಅಥವಾ Greynium Information Technologies Private Limited ನ ಅಭಿಪ್ರಾಯವನ್ನು ಹೇಳಲಾಗುವುದಿಲ್ಲ. ನಾವು ಯಾವುದೇ ಮಾಹಿತಿಯ ನಿಖರತೆ, ಪೂರ್ಣತೆ ಅಥವಾ ವಿಶ್ವಾಸಾರ್ಹತೆ ಬಗ್ಗೆ ಗ್ಯಾರಂಟಿ ನೀಡುವುದಿಲ್ಲ, ಒಪ್ಪಿಕೊಳ್ಳುವುದಿಲ್ಲ ಅಥವಾ ಜವಾಬ್ದಾರಿಯನ್ನು ತೆಗೆದುಕೊಳ್ಳುವುದಿಲ್ಲ. ನಾವು ಯಾವುದೇ ಹೂಡಿಕೆ ಸಲಹೆ ನೀಡುವುದಿಲ್ಲ ಅಥವಾ ಷೇರುಗಳ ಖರೀದಿ ಅಥವಾ ಮಾರಾಟ ಮಾಡುವ ಬಗ್ಗೆ ಒತ್ತಾಯಿಸುವುದಿಲ್ಲ. ಎಲ್ಲಾ ಮಾಹಿತಿಯನ್ನು ಕೇವಲ ಶಿಕ್ಷಣ ಮತ್ತು ಮಾಹಿತಿ ಉದ್ದೇಶಕ್ಕಾಗಿ ಮಾತ್ರ ಒದಗಿಸಲಾಗಿದೆ. ಯಾವುದೇ ಹೂಡಿಕೆ ನಿರ್ಧಾರ ತೆಗೆದುಕೊಳ್ಳುವ ಮೊದಲು, ಒಬ್ಬ ಅರ್ಹ ಹಣಕಾಸು ಸಲಹೆಗಾರರಿಂದ ಸಲಹೆ ಪಡೆದರೆ ಉತ್ತಮ).

FAQs

ಭಾರತೀಯ ಷೇರು ಮಾರುಕಟ್ಟೆಯಲ್ಲಿ ಮಂಗಳವಾರ ಯಾವ ಗಮನಾರ್ಹ ಚಲನೆ ಕಂಡುಬಂದಿತು ಮತ್ತು ಅದಾನಿ ಟೋಟಲ್ ಗ್ಯಾಸ್ ಹೇಗೆ ಕಾರ್ಯನಿರ್ವಹಿಸಿತು?

ಮಾರುಕಟ್ಟೆಯು ಸಾಮಾನ್ಯವಾಗಿ ಕುಸಿಯಿತು, ಆದರೆ ಅದಾನಿ ಟೋಟಲ್ ಗ್ಯಾಸ್ ಸುಮಾರು 14% ರಷ್ಟು ಏರಿಕೆ ಕಂಡಿತು, ನಂತರ ಸುಮಾರು 9% ಕ್ಕೆ ಚೇತರಿಸಿಕೊಂಡು ₹620 ರ ಸಮೀಪದಲ್ಲಿ ಮುಕ್ತಾಯವಾಯಿತು.

ವಿವರಿಸಿದ ವಹಿವಾಟು ಅವಧಿಯಲ್ಲಿ ಸೆನ್ಸೆಕ್ಸ್ ಮತ್ತು ನಿಫ್ಟಿ ಹೇಗೆ ಕಾರ್ಯನಿರ್ವಹಿಸಿದವು?

ಸೆನ್ಸೆಕ್ಸ್ 900 ಪಾಯಿಂಟ್‌ಗಳಿಗಿಂತ ಹೆಚ್ಚು ಕುಸಿಯಿತು ಮತ್ತು ಮಧ್ಯಾಹ್ನ 1 ಗಂಟೆಗೆ ಸುಮಾರು 462 ಪಾಯಿಂಟ್‌ಗಳಷ್ಟು ಕುಸಿಯಿತು, ನಿಫ್ಟಿ ಕೂಡ ಕುಸಿತವನ್ನು ತೋರಿಸಿದೆ.

ಹೂಡಿಕೆದಾರರ ಪ್ರಕಾರ ಅದಾನಿ ಟೋಟಲ್ ಗ್ಯಾಸ್‌ನ ಷೇರು ಏರಿಕೆಗೆ ಯಾವ ಅಂಶಗಳು ಕಾರಣವಾಗಿವೆ?

ಸರ್ಕಾರಿ ಅನಿಲ ಪೂರೈಕೆ ನಿರ್ಬಂಧಗಳು ದೇಶೀಯ ವಿತರಣಾ ಸಂಸ್ಥೆಗಳಿಗೆ ಅನುಕೂಲಕರವಾಗಿವೆ ಮತ್ತು ಹೆಚ್ಚಿನ ಕೈಗಾರಿಕಾ ಅನಿಲ ಬೆಲೆಗಳು ಅದಾನಿ ಟೋಟಲ್ ಗ್ಯಾಸ್‌ನಂತಹ ಪೂರೈಕೆ ಸಂಸ್ಥೆಗಳಿಗೆ ಬೇಡಿಕೆಯನ್ನು ಹೆಚ್ಚಿಸಿವೆ.

ಕೈಗಾರಿಕಾ ಅನಿಲ ಬೆಲೆಗಳಲ್ಲಿ ಯಾವ ಬದಲಾವಣೆ ಸಂಭವಿಸಿದೆ ಮತ್ತು ಅದು ಯಾವ ಪರಿಣಾಮ ಬೀರಿತು?

ಕೈಗಾರಿಕಾ ಅನಿಲ ಬೆಲೆಗಳು ತೀವ್ರವಾಗಿ ಏರಿದವು, ಒಂದು ಸ್ಟ್ಯಾಂಡರ್ಡ್ ಕ್ಯೂಬಿಕ್ ಮೀಟರ್‌ಗೆ ದರವು ₹40 ರಿಂದ ₹119 ಕ್ಕೆ ಏರಿತು, ಇದು ದೊಡ್ಡ ಕೈಗಾರಿಕಾ ಗ್ರಾಹಕರಿಗೆ ಪ್ರಯೋಜನವನ್ನು ನೀಡಿತು.

ಯಾವ LNG ಪೂರೈಕೆ ಡೈನಾಮಿಕ್ಸ್ ಅನ್ನು ಹೈಲೈಟ್ ಮಾಡಲಾಗಿದೆ ಮತ್ತು ಅವು ಭಾರತದ ಮೇಲೆ ಹೇಗೆ ಪರಿಣಾಮ ಬೀರುತ್ತವೆ?

ಜಾಗತಿಕ LNG ಪೂರೈಕೆ ಬಿಗಿತ, ಕತಾರ್ ಮತ್ತು ಇರಾನ್‌ನ ಒಳಗೊಳ್ಳುವಿಕೆಯ ಭೌಗೋಳಿಕ ರಾಜಕೀಯ ಉದ್ವಿಗ್ನತೆಗಳು, ಭಾರತದ LNG ಯ ಗಮನಾರ್ಹ ಭಾಗವು ಕತಾರ್‌ನಿಂದ ಬರುವುದರಿಂದ ತೀವ್ರಗೊಂಡಿದೆ, ಭಾರತವು ಪ್ರತಿದಿನ ಸುಮಾರು 190 mscmd ಅನ್ನು ಬಳಸುತ್ತದೆ (ಅಂದಾಜು ಅರ್ಧದಷ್ಟು ಆಮದು ಮಾಡಿಕೊಳ್ಳುತ್ತದೆ).