IMF ಮೂಲಕ ಪಾಕಿಸ್ತಾನಕ್ಕೆ $20 ಬಿಲಿಯನ್ ಸಾಲ ನೀಡಲು ಸಿದ್ಧತೆ.. ಭಾರತದ ತೀವ್ರ ವಿರೋಧ ಮತ್ತು FATF ಬೆಳವಣಿಗೆ..!

ಪಾಕಿಸ್ತಾನಕ್ಕೆ ವಿಶ್ವಬ್ಯಾಂಕ್‌ನಿಂದ ಓದಗಬೇಕಾಗಿರುವ ಸಾಲದ ಪ್ಯಾಕೇಜ್ ಅನುಮೋದನೆಯ ಹಂತಕ್ಕೆ ಬರುವ ಸಾಧ್ಯತೆ ಇದದೆ. ಅಂದಾಜು 20 ಬಿಲಿಯನ್ ಡಾಲರ್‌ಗಳಷ್ಟು ಭಾರಿ ಸಾಲವನ್ನು, 2025ರ ಜೂನ್‌ನಲ್ಲಿ ಅನುಮೋದನೆ ಸಿಗುವ ಸಾಧ್ಯತೆ ಇದೆ. ಪಾಕಿಸ್ತಾನ ದೇಶ ಪಾಲುದಾರಿಕೆ ಚೌಕಟ್ಟು 2025-35 ಎಂಬ 10 ವರ್ಷಗಳ ಸುತ್ತುವರಿದ ಯೋಜನೆಯಡಿಯಲ್ಲಿ ಈ ಹಣಕಾಸು ಸಹಾಯ ನೀಡಲಾಗುತ್ತಿದೆ. ಆದರೆ ಈ ಅಂತಾರಾಷ್ಟ್ರೀಯ ಸಾಲ ಯೋಜನೆಯ ಹಿಂದೆ ಭಾರತಕ್ಕೆ ಸಂಬಂಧಿಸಿದ ಆಂತರಿಕ ರಾಜಕೀಯ ವಿಸ್ಮಯಗಳು ಮಡುಗಟ್ಟಿವೆ.

ಯಾವ ಕ್ಷೇತ್ರಗಳಿಗೆ ಹಣ?

ವಿಶ್ವ ಬ್ಯಾಂಕ್‌ನಿಂದ ಸಿಗುವ ಈ ಪ್ಯಾಕೇಜ್‌ನಲ್ಲಿ ಪಾಕಿಸ್ತಾನದಲ್ಲಿ ಏನೆಲ್ಲಾ ಒಳಗಿದೆ ಎಂದರೆ ಮಕ್ಕಳ ಪೋಷಣಾ ಮಟ್ಟ. ಕುಂಠಿತ ಬೆಳವಣಿಗೆ, ಬಡತನ ನಿವಾರಣೆ, ಹವಾಮಾನ ಸ್ಥಿತಿಸ್ಥಾಪಕತೆ ಮತ್ತು ಖಾಸಗಿ ಹೂಡಿಕೆ ವೃದ್ಧಿ ನಿಟ್ಟಿನಲ್ಲಿ ವಿನಿಯೋಗವಾಗಲಿದೆ ಎಂದು ಹೇಳಲಾಗಿದೆ. ಇದರೊಂದಿಗೆ ಪಾಕಿಸ್ತಾನದ ಹಣಕಾಸಿನ ವ್ಯವಸ್ಥೆಗೆ ಬಲ ನೀಡುವುದು ಈ ಯೋಜನೆಯ ಪ್ರಮುಖ ಗುರಿಯಾಗಿದೆಯಂತೆ.

FATF ಬೂದುಪಟ್ಟಿ ವಿಷಯ ಮತ್ತೆ ಚರ್ಚೆ:

ಭಾರತದ ವರಿಷ್ಠ ಮೂಲಗಳ ಪ್ರಕಾರ, ಪಾಕಿಸ್ತಾನವನ್ನು ಮತ್ತೆ ಹಣಕಾಸು ಕ್ರಿಯಾ ಕಾರ್ಯಪಡೆ (FATF)ಯ ಬೂದು ಪಟ್ಟಿಗೆ ಸೇರಿಸುವ ಅಗತ್ಯವಿದೆ ಎಂಬ ವಿಷಯವನ್ನು ಸರ್ಕಾರ ಜಾಗತಿಕ ವೇದಿಕೆಗಳಲ್ಲಿ ಪ್ರಸ್ತಾಪಿಸುತ್ತಿದೆ. ಭಯೋತ್ಪಾದನೆಗೆ ಹಣ ಒದಗಿಸುವ ಕುರಿತು ಇದುವರೆಗೂ ಪಾಕಿಸ್ತಾನ ಸ್ಪಷ್ಟ ಮತ್ತು ಪರಿಣಾಮಕಾರಿಯಾಗಿ ಕ್ರಮ ತೆಗೆದುಕೊಂಡಿಲ್ಲ ಎಂಬುದು ಭಾರತದ ನಿಲುವು.

ಐಎಂಎಫ್ ಬೆಂಬಲ ಮತ್ತು ಭಾರತ ಸರ್ಕಾರದ ಬೇಸರ:

ಮೇ 9ರಂದು ಪಾಕಿಸ್ತಾನಕ್ಕೆ ಅಂತರರಾಷ್ಟ್ರೀಯ ಹಣಕಾಸು ನಿಧಿ (IMF) 2.4 ಬಿಲಿಯನ್ ಡಾಲರ್ ಬೇಲ್‌ಔಟ್ ಪ್ಯಾಕೇಜ್ ಘೋಷಿಸಿದಾಗ, ಭಾರತ ಸರ್ಕಾರ ನಿರಾಶೆಗೊಂಡಿದೆ ಎಂಬುದು ಮೂಲಗಳಿಂದ ಲಭಿಸಿದ ಮಾಹಿತಿ. ಇದಕ್ಕೆ ಕಾರಣವೆಂದರೆ-ಈ ನೆರವು ಯುದ್ಧ ಸಮಾನ ಪರಿಸ್ಥಿತಿಯಲ್ಲಿಯೇ ಬಂದಂತಾಗಿದೆ. ಪಾಕಿಸ್ತಾನದ ನೆಲದಿಂದ ಭಾರತದ ಮೇಲೆ ಭದ್ರತೆ ಉಲ್ಲಂಘನೆಗಳು ನಡೆದಿರುವ ಪರಿಸ್ಥಿತಿಯಲ್ಲಿ, ಅಂತಹ ಹಣಕಾಸು ನೆರವು ತಾತ್ಕಾಲಿಕ ಶಾಂತಿಗೆ ದಕ್ಕೆಯಷ್ಟೆ ಎನ್ನುವುದು ಭಾರತೀಯ ಆಕ್ಷೇಪ.

ಪ್ಯಾಕೇಜ್‌ಗೆ ಕಟ್ಟಿಹಾಕಲಾದ ಶರತ್ತುಗಳು:

ಐಎಂಎಫ್ ಪ್ಯಾಕೇಜ್‌ನ ಮುಂದಿನ ಹಂತ ಬಿಡುಗಡೆಗಾಗಿ ಪಾಕಿಸ್ತಾನಕ್ಕೆ 11 ಹೊಸ ಷರತ್ತುಗಳನ್ನು ವಿಧಿಸಲಾಗಿದೆ. ಅವುಗಳಲ್ಲಿ 17.6 ಟ್ರಿಲಿಯನ್ ರೂಪಾಯಿಗಳ ಬಜೆಟ್‌ಗೆ ಸಂಸತ್ತಿನ ಅನುಮೋದನೆ ಪಡೆಯುವುದು, ವಿದ್ಯುತ್ ಬಿಲ್ಲುಗಳ ಮೇಲೆ ಹೆಚ್ಚುವರಿ ಶುಲ್ಕ ವಿಧಿಸುವುದು, ಹಳೆಯ ವಾಹನಗಳ ಮೇಲೆ ಇರುವ ನಿರ್ಬಂಧಗಳನ್ನು ತೆರವುಗೊಳಿಸುವುದು ಪ್ರಮುಖವಾಗಿವೆ.

ಭಾರತ ಸಾಂವಿಧಾನಿಕ ವೇದಿಕೆಗಳಲ್ಲಿ ಎತ್ತಿದ ಪ್ರಶ್ನೆಗಳು:

ಭಾರತದ ಸರ್ಕಾರ ಪಾಕಿಸ್ತಾನಕ್ಕೆ ನೀಡಲಾದ ಐಎಂಎಫ್ ನೆರವಿನ ಬಗ್ಗೆ ತಮ್ಮ ಚಿಂತೆಗಳನ್ನು ಜರ್ಮನಿ, ಇಟಲಿ ಮತ್ತು ಫ್ರಾನ್ಸ್‌ನ ವಿದೇಶಾಂಗ ಸಚಿವರೊಡನೆ ಪ್ರಸ್ತಾಪಿಸಿದ್ದು, ಭದ್ರತೆ ಉಲ್ಲಂಘನೆಗಳ ನಡುವೆ ನೆರವು ನೀಡುವುದು ಯಾವ ಮಟ್ಟಿಗೆ ಸಾರ್ಥಕ? ಎಂಬ ಪ್ರಶ್ನೆ ಎತ್ತಿದೆ. ಈ ನಿಟ್ಟಿನಲ್ಲಿ ಭಾರತದ ರಾಯಭಾರಿ ಕಚೇರಿಗಳು ಹಲವು ರಾಷ್ಟ್ರೀಯ ಸಂಸ್ಥೆಗಳೊಂದಿಗೆ ಸಂವಹನ ನಡೆಸಿದವು.

ಐಎಂಎಫ್‌ನ ಸ್ಪಷ್ಟನೆ:

ಐಎಂಎಫ್ ಸಂವಹನ ವಿಭಾಗದ ನಿರ್ದೇಶಕಿ ಜೂಲಿ ಕೊಜಾಕ್ ತಮ್ಮ ಪ್ರತಿಕ್ರಿಯೆಯಲ್ಲಿ, ಪಾಕೇಜ್‌ನ ಗುರಿಯೇ ಹಣಕಾಸಿನ ಸಮತೋಲನ ಪುನಸ್ಥಾಪನೆ ಎಂದು ಸ್ಪಷ್ಟಪಡಿಸಿದ್ದಾರೆ. ಈ ನೆರವು ನೇರವಾಗಿ ಪಾಕಿಸ್ತಾನದ ಕೇಂದ್ರ ಬ್ಯಾಂಕಿನ ಮೀಸಲು ನಿಧಿಗೆ ಹೋಗುತ್ತದೆ. ಸರಕಾರದ ಬಜೆಟ್‌ಗೆ ಬಳಸಲಾಗುವುದಿಲ್ಲ. ಈ ಪ್ಯಾಕೇಜ್ ರಚನಾತ್ಮಕ ಹಣಕಾಸು ಸುಧಾರಣೆಗೆ ಮಾರ್ಗದರ್ಶಕವಾಗಲಿದೆ ಎಂದು ಅವರು ತಿಳಿಸಿದ್ದಾರೆ.

ಐಎಂಎಫ್ ಸಮರ್ಥನೆ:

ಐಎಂಎಫ್ ಮಂಡಳಿಯು ನೀಡಿದ ಅಧಿಕೃತ ಹೇಳಿಕೆಯ ಪ್ರಕಾರ, ಪಾಕಿಸ್ತಾನ ಈ ಪ್ಯಾಕೇಜ್‌ನಡಿ ನಿಗದಿಪಡಿಸಿದ ಎಲ್ಲಾ ಗುರಿಗಳನ್ನು ತಲುಪಿದೆ ಎಂಬುದರಲ್ಲಿ ತೃಪ್ತಿಯಿದೆ. ಆದರೂ, ಈ ಹಣವನ್ನೂ ಪಾಕಿಸ್ತಾನ ಕಳೆದವೇಳೆಯಂತೆ ಮಿಲಿಟರಿ ಬಲವರ್ಧನೆಗೆ ಬಳಸಬಹುದೆಂಬ ಆತಂಕಗಳು ಭಾರತದಲ್ಲಿ ಮತ್ತೆ ಎದ್ದುಕೊಳ್ಳುತ್ತಿವೆ.

ಪಾಕಿಸ್ತಾನಕ್ಕೆ ಹಣಕಾಸು ನೆರವು ಒದಗಿಸುವ ವಿಚಾರ ಜಾಗತಿಕ ರಾಜಕೀಯದಲ್ಲಿ ಹೊಸ ಚರ್ಚೆಗೆ ಕಾರಣವಾಗಿದ್ದು, ಇದು ಆರ್ಥಿಕ ಬದಲಾವಣೆಯೊಂದಿಗೇ ರಾಜತಾಂತ್ರಿಕ ಬಿರುಸನ್ನು ಉಂಟುಮಾಡಿದೆ. ಭಾರತ ತನ್ನ ಶಾಂತಿಯುತ ನಿಲುವನ್ನು ಮುಂದುವರೆಸುತ್ತಿದ್ದರೂ, ತನ್ನ ಭದ್ರತೆಯ ಹಕ್ಕು ಮತ್ತು ನೆಲದ ಗೌರವಕ್ಕೆ ಸಂಬಂಧಿಸಿದ ವಿಷಯಗಳಲ್ಲಿ ಸ್ಪಷ್ಟವಾದ ಹೇಳಿಕೆಯನ್ನು ನೀಡುತ್ತಿರುವುದು ಗಮನಾರ್ಹ.